CHANTILLY, Bibliothèque du château, 0477 (1469) (Reproduction intégrale)

ReadAboutContentsHelp

Pages

f. 140v - 141
Complete

f. 140v - 141

Quapreissent toute leur vie Des .vii. ars dastronomie Dont aucuns i ot en leur tens Qui firent miracle par leur sens Dont cil qui plus sen entremist Fu virgiles qui tant en fist Pour ce si vous en conterons Aucunes que oie avons Des vertus que virgiles Fist par astronomie Devant jhesu crist /.virgiles /.fu qui les .vii. ars ne tint pas villes Ainz en usa toute sa vie Tant quil fist par astronomie Mains grans merveilles aplain Il fist une mouche darain Quant la metoit en une place Si fesoit des autres tel chace Que nule autre mousche ne fust Qui vers lui approchier seust

De .ii. archies loing entour Qui ne morussent sanz sejour Tout maintenant quele passoit La bone que il compassoit Si refist darain .i. cheval Qui guerissoit de chascun mal Le cheval qui malade estoit Maintenant que veu lavoit Si fonda une grant cite Sus un oeuf par tel pooeste Que quant aucun luef remuet Toute la cite si croloit Et tant plus fort le croloit on Tant crolloit plus fort environ La vile en haut et a plain La mousche et le cheval darain Et lestache ou luef estoit Sont anapes que len i voit Ce dient cil quen sont venu

Last edit over 3 years ago by egrahamgoering
f. 141v - 142
Complete

f. 141v - 142

Qui aucune lont veu En une cite faillir fist Le feu si coume si len le dit Que nul point avoir nen pooit Se sa chandele nalumoit A la nessance dune fame Fille demperiere Et mout grant dame Qui li ot fet Aucun aucun anui Ne cil nen pooit A autrui point douner Ainz li covenoit Chascun feu Prendre la endret Que mout pas Nen beli a celi Einsi se vencha Cil de li de li de li Du tour du firmament

[Image: Full-page diagram showing sixteen concentric circles creating fifteen labeled rings (labels in outer ring lockwise from the top: .Li cieus empire. / .Cherubin. / .Potestates. / .Dominationes. / .Archangeli. / .Angeli. / Homo. / Virtutes. / Principatus / Troni / Seraphin) (labels beneath 'Li cieus empire' in descending rings to the center: li cieus cristalins / li noviesmes cieus / le firmament / Saturnus / Jovis / Mars / Soleil [accompanied by a red circle filled with red dots] / Venus / Mercurius / lune [accompanied by the sketch of a red crescent moon] / feus / Airs / Eue / terre)]

Last edit over 3 years ago by egrahamgoering
f. 142v - 143
Complete

f. 142v - 143

Ore esgart qui esgarder veut Car nesun plus conter nen veut Que nus hons ne porroit conter Tant seust en haut monter Fors par .i. estrument soutil Que thololomeus trova gentil Par quoi en les conoist encore Et que chascune soit soit parconte Combien il a de lun a lautre Soit loig ou pres lune de lautre Et des ymages counoissance Et les forment en leur semblance Par autre estrument quil trova Trueve len bien jusques la Ces esteles qui sont nomees Sont u ciel toute figurees Et compasees par ymages Que toutes ont divers corages Chascune son nom et la force Dirai sicoume bouche dome

Don len conoist principalment Quarante et .vii. u firmament De ceus prent on .xii. plus disnes Quen apele les .xii. signes Et font leur cercle tout entour Ou les planetes font leur tour Mout soumes du ciel eslogne Que cil qui est pris en pechie James nul jour ne vendra la Ne lame qui de lui istra I sera en mout petit deure Et maint encore tot deseure Si haut em paradis amont Que nus hons qui soit en ce mont Ne porroit penser la hautece Ou lame va en tel leesce Que nus ne porroit tant penser Ne nus ne porroit compaser Le grant ne le haut de lassus A la grandeur quil a cha jus

Last edit over 3 years ago by egrahamgoering
f. 143v - 144
Complete

f. 143v - 144

Quil a de terre au firmament Car cest sanz definement Si haut si larges de touz senz Par est le firmament si granz Qua poine porroit nul penser Le nombre qui porroit entrer Des terres quemplir leu odroient Sen .i. seul mont toutes estoient Dont chascune ausi grant seroit Con toute la terre seroit Mes toutes voies vous dirons Ce que miumieuz penser en porrons De la grandeur du firmament Et du ciel par desus Se la terre plus grant estoit Cent mile qtant quele ne soit Et se il en eust cent tanz Que il ni ot onques de genz Et chascun deus si poissant fust Que .i. autre engendrer peust

Chascun jusqua .c. mile tans Et fust chascun coume un geans Et eust chascun son ostel Si grant que onques ne fu tel Bois rivieres fours et moulins Chascun an vignes et jardins Eust chascun entour sa meson Tout pour son vivre a grant foison Que chascun em peust tenir Cent meisniees por lui servir Et chascun de cele meisnie Tenist .x. autres embaillie Et pourpris grant por soi manoir Si porroient il bien cheoir De denz le firmament trestuit Sen demorroit il encor denuit Plus que trestot ne pourprandret Pour eus esbatre qui voudret Si pueent bien savoir les gens Que mout est damedieu poissans

Last edit over 3 years ago by egrahamgoering
f. 144v - 145
Complete

f. 144v - 145

Et mout parest de haut affere Quant si noble estre /.fere /.set Coume est le soleil et li cieus Qui set fere si noble chose Con nous veons u ciel enclose Dont mout se doit chascun amer Et bien doit chascun hon penser Que ce desus est mout gentil Quant ce desouz est si soutil Car ce desus si est si granz Plus que desouz .c. mile tanz Et plus que ne porroit penser Par nombre quen[e?] seust trover Car cest chose sanz nul termine Qui nule part nu ne se define Ce quest desus le firmament Ou paradis son leu pourprent Ni ert ja empliz por rien qui soit Se li leus de dieu nu remplet Me diex est si plain de tout bien

Que il emplist tout autre rien Dont len dit que pechie rien nest Pour ce que de touz bien vuiz est Et cors et ame fet si vil Que lun et lautre vet en essil Car li max vient ades au font Et tout ades acroist li bons Pour ce nest mal ne pechie riens Car a neent vient coume fiens Nule /.nest /.rien que adroit estre Fors pour ice que mex doit estre Dont bien se fet pres p bon tenir Que mout le parfet bonoir Cil qui plus volentiers bie fet Le bien em paradis letret A force et estre li estuet Car ailleurs demorer ne puet Em paradis lestuet venir Pour son leu prendre et retenir En ne porroit tant de bien fere

Last edit over 3 years ago by egrahamgoering
Displaying pages 141 - 145 of 155 in total