CHANTILLY, Bibliothèque du château, 0477 (1469) (Reproduction intégrale)

ReadAboutContentsHelp

Pages

f. 025v - 026
Complete

f. 025v - 026

Et ainsi ni veulent entendre Assez i peussent aprendre Car le pooir bien en avroient Et autretel fere pouroient Con cil firent cha en arriere Qui pour leur sen et leur maniere Les troverent premierement Mes ore ont fol entendement Et pour ce perissent les ars Si qua poine set en les pars Le premier livre de gramoire Qui de .vii. ars premiers espoire Aincois boutent les ars esmales Ou soient lois ou decretales Et tantost si devienent mire Pour avoir ou maufez se mire Nencor nel font pas pour savoir Tant com pour gaagnier avoir Une coustume a a paris

Li bon clerc veulent avoir pris Destre mestre avoir renon Ne plus nenquierent que le non Qui lont plus chier le non de mestre Qassez savoir et bon clerc estre Pour avoir le non de mestreise Si que vanitez les joustise Mes a tort sont mestre clame Car pou sevent de verite Tantost comme il ont non de mestre Si lessent de clergie lestre Et se prennent au a gaagnier Ou marcheant ou corratier Einsi ont ausiecle le non Mainz qui pou sevent de reson Ne se tiennent pas selonc droit Qui ce covoitent orendroit Autrement es ars se prenoient Cil qui premier les controvoient

Last edit over 3 years ago by Laura Ingallinella
f. 026v - 027
Complete

f. 026v - 027

Premier entrerent en gramaire Pour ordre en leur reson atrere Et pour logique esprover Le voir et le fax demorer Apres retorique troverent Pour droiture que mout amerent Et puis arismetique apres Pour estre en close plus de pres Puis troverent geometrie Pour mesurer toute mestrie Puis de musique lescience Pour metre aus notes concordance Au derrrenier noublient mie Astronomie leur amie Car par lui furet esmeu Davoir science et vertu Einsi les .vii. ars ordenerent Cil qui premerain les troverent Et sont ainsi entrelessiees

Ne si ne pueent estre aprises Lune sans lautre entierement Ne savoir si parfetement Les premiers sans les derrenieres Ne secondes ne premieres Qui une en veut adret entendre De toutes li covient aprendre Autrement ne puet on savoir Apertement ne fax ne voir Que lune a lautre est si coumune Que savoir covient de chascune Mes ne quierent fors tant savoir Que des deniers puissent avoir Et pour ce font il a blasmer De ce dont il se font loer Qui sen traveillerent premiers Dont il nous est si grant mestiers De ce quescrites nes avon Et ce pour quoi nos nen savon

Last edit over 3 years ago by Laura Ingallinella
f. 027v - 028
Complete

f. 027v - 028

Car se clergie fust perdue Ja de dieu rien ne fust seue Ne james la gent ne seussent Quel chose mieuz fere deussent Si fust tout le monde dampnez Et mau feust tout li hons nez Que rien ne fust par lui seue Ne que par une beste mue Et tout le bien est ore escuz Et des .vii. ars touz esmeuz Que ceus troverent par leur sens Et pour ce orent il pourpens De dieu amer et sa vertu Et que dex est aide et fu Et si les escrut plus de foi Si coume en lencienne loi Mes ore perissent les clergie Par nos maus et par nos folie Einsi con par ci retenu

Et nont li grant et li menu Mes nus si nes veut mes entendre Pour les richeces quil en prennent Que nul bien ne veulent aprendre Quant il doivent aucun bien aprendre A clergie dont il peussent Estre aaise et riche fussent Tant les enveulent il gaber Mes ainsi les veut cil loer Qui leur mestres est et leur sire Et a qui plest tant le mesdire Qui leur fera le maleur Et de touz max seront seur Een enfer qui put en abisme Lors mesdiront il deus meismes Et diront que onques mar furent Quant ne firent ce que il durent Or lesseron ce bien ester Que plus avront a conquester

Last edit over 3 years ago by kristrnamgjarni
f. 028v - 029
Indexed

f. 028v - 029

Clergie que leur fol savoir Dont il assemblerent lavoir Einsi /.nest /.sera mie fable Touz ceus qui pour avoir muable Lessent le bon de bien aprendre Sont asseur de mal atendre Car pour avoir sont leur clergie Si qua petit que nest faillie Et de ce qui seve en est De la cite de paris nest Plus que de nule autre cite Cele en a la noblete Des trois manieres de gens Que li philosophe porsivoient Au monde. [et] coment Clergie vint en france Clergie regne ore a paris ausi coume ele fist jadis Atenes qui or siet en grece

Une cite de grant noblece Li philosofes quilec furent Qui les autres enseignier durent Ne poserent selonc leur tens Fors que trois manieres de gens Clers chevaliers ovriers en terre Li gaagneur si doivent querre Aus autres gens leur estovoir De ce qui leur covient avoir Pour vivre au monde honestement Et chevaliers et autre gent Les doivent garder et desfendre Lun envers lautre de mesprendre Clers doivent ces .ii. enseignier Et de leur oevres adrecier Si que chascun chose ne face Dont il perde dieu ne la grasce Einsi penserent cha arrieres Les sages gens en .ii. manieres

Last edit over 3 years ago by kristrnamgjarni
f. 029v - 030
Indexed

f. 029v - 030

Con cil qui firent come sage Cuns hons ne porroit son corage Metre cuer qui peust adret Pour deus aferes ne pour .iii. Car onques navint jour de vie Que clergie ne chevalirie Ou chevalirie deslivre Gaagnier pour avoir son vivre Ja a honeur avec clergie Poissent estre jour de vie Par un seul home adret seue Na aprise ne retenue A lune les .ii. seulement Covient penser du dret arpent Aincois que sachent leur us Etpour ce poserent sans plus Trois manieres de gent en terre Li philosophe qui enquerre Voloient drete verite

Et queroient une cite Au monde ou il peussent estre Pour manoir [et] enquerre lestre De clergie pour adrecier Eus et li autre enseignier Dont athenes fu jadis une Ou il avoient leur coumune Et la regna chevalirie Premierement avec clergie Puis fu a roume tranlatee Quant chevalirie revint Qui touz jours pres de lui se tint Et puis est venue en france Chevalirie et sa puissance Plus quen nul leu en tout le monde Einsi chevalirie habonde Ades et si ensuit clergie Partout la ou est avancie Dont li rois /doit /de france estre

[Line 19: The scribe has indicated an interlinear correction, which means that the text should read “Dont li rois de france doit estre”]

Last edit over 3 years ago by henryravenhall
Displaying pages 26 - 30 of 155 in total