CHANTILLY, Bibliothèque du château, 0477 (1469) (Reproduction intégrale)

Car trestroutes i prennent part Ne ne pueent estre sans li Pur ce fu ele mise en mi Les set ars. ilec est nomee De cestui vient la renoumee Par quoi tuit viennent et tuit vont Sans le nonbre chose ne font Mes pou voi coument ce puet estre Qui des .vii. ars na eu mestre Tant que il en sache rien dire Si ne porron pas ici lire Car qui veut espondre tel chose Mout li covient savoir de glose Qui arismetique set bien Si voir ordenne en toute rien Par ordenne fu le mont fet Par ordenne sera desfet La quinte a non giometrie Qui plus vaut a astronomie Que nule qui soit ci nomee

Par lui est ele mesuree Car ele compasse et figure Toute rien ou il a mesure Par lui puet on savoir le cours Des esteiles qui vont toz jours Et la grandeur du firmament Lune et soleil tout ensement Par lui set on la verite De toute rien la quantite Ja si loingtaigne ne sera Mes que len voie jusques la Qui bien entent giometrie Si voit mesure en toute mestrie Par mesure fu fet le monde Et hautes choses et parfondes La setiesme si est musique Qui se fourme darismetique De cetui vient toute atemprance Et de par lui fusique chante Car ausi con musique acorde

Tout ce que en son cuer recorde A acordance la rapaine Einsi con fusique lenseigne De ramener nature a main Qui se destrenpe en cors humain Quant aucun malage lenconbre Mes ele nest mie du nonbre Des .vii. ars de philosophie A un mestier qui si alie A cors doume pour mal sener Et de maladie garder Tant coume se maintient en vie Et pour ce liberal nest mie Car ele set du cors guerir Quaucune fois covient morir En nule rien liberal nest Ne franchise qui de terre est Et pour ce que escience est A cors humain franchise cest Mes cele qui a lame sert

Liberal non au mont desert Car li hons doit liberax estre Si coume chose de noble estre Coume cele qui de dieu muet Et a dieu revenir sen veut Et par cest art liberal sont Que lame toute franche font Et enseigne con len doit vivre Proprement et a chascun dire Et^/. a cor^{de /.}ce la reson Par quoi art liberal a non Quele fet lame liberal Et la delivre de tout mal De ce si est musique lune Qui bien sacorde a chascune Car par lui concordee furent Les .vii. ars si coume il durent De cestes sont li an^atret Qui en sainte yglise sont fet Toute acordance et estrument

Qui ont de deus acordement Qui de musique a lescience De toute riens set lacordance Toute riens qui en bien le maine Acordance a lui ramaine Lescience dastronomie Qui fete est de toute clergie Ceste enseigne reson enquerre De choses du ciel et de terre Qui par nature fetes sont Ja si lointaignes ne seront Qui astronomie savroit bien Reson savroit en toute rien Diex fist toute riens par reson A chascune douna son don Par ceste art fu premier aquise Toute autre escience et aprise Et decrez et devinetez Par quoi toute crestientez Est coverture a toute foi

Pour dieu servir le verai roi A quoi tout bien se doune et lie Et si fist toute astronomie Et ciel et terre et les esteiles Coume cil qui est droiz voiles De tout le monde gouverner Ne riens ne puet sans li durer Qest le haut astronomien Car il set tout et mal et bien Et ^si set toute astronomie Quen souloit tenir pour amie Et cest un art de noble estre Ce est lescience qui soit Par quoi en counoist mex le dret Coument le bien est compassez Et mout dautres choses assez Par lui seule furent trovees Les .vii. ars que ie ai nom^ees Et sans eles nul ne porroit

Savoir dastronomie adret Tant fust sages ne posteis Ne tant peust estre soutis Le machon ou charpentier Ne lestrument de son mestier De quoi il fourme sa matiere Tout ainsi par drete matiere Sont li autre .vi. estrument Dastronomie et fondement Et pour leur sen et leur maniere Li preudoume cha en arriere Et roi et prince et grant seigneur Leur tolent trestuit leur labour Et savoir les ars de clergie Pour mieus entendre astronomie Tant quil en avoient leur part Car il savoient par leur art Selonc la volente devine Sen savoient mainte covine Qui avenoient par le monde

Si ne prisoient nes une onde Qui par leve vont jus saillant Et sus la terre vont tunbant Concil qui les resons savoient Des choses si coume avenoient Si estoit coustume a ce tens Que nus sers hons a autres gens Ne nus bas honne nul vilain Tant fust de grant richece plain Nosoit de .vii. ars riens aprendre Pour li gentil qui tuit entendre I vouloient li principal Que frans fussent et liberal Si leur nuisent par tel reson Set ars qui liberal ont non Et adroit. que si franches sont Que lame toute franches font Si les ont si adroit ordenes Et si entierement dounees Quen ni puet riens oster ne metre

Tant sen seust en entremetre Pour choses quen i remuast Que toute ne desfurast Eles sont si fetes adret Que riens ne puet muer son dret Nus hons qui soit en tout le monde Tant fust de sience parfonde Paien juyf ne crestien Si ni pourroit conquerre rien Qui les .vii. ars adret savroit En toutes lois creuz seroit Car nus ne pourroit conquester De chose quil vousist prover Par reson vive proveroit Quant quil voudroit et tort et dret Si est fox qui cuide savoir A dret nule chose devoir Qui a clergie sapartiegne Pour nule chose qui avigne Se par miracle navenoit

De dieu qui tout fere pouroit Se des set ars ne set aincois Que tout ne li vaudret .i. pois A ce quil peust rien monter Ne voir ne fax adret prover Car ^/.toutes ^/.en lois sont trovees En touz leus ou il sont nomees Nus nest tant soit de loi diverse Que sil entretel ^gent converse Mes quil sache rien des .vii. ars A droit ne se part de leur ars En nule nule rien de leur usage Qui ne soit creu coume sage Ne ja ne seront si paien Neis juyf ne crestien Qui si poist de rien conquerre De chose cho qui vousist enquerre Ne sont pas lois ne decretales Que dautre part tiennent a males Les conticucions qui font

[Line 6: The scribe has indicated an interlinear correction, which means the text should read “Car en toutes lois sont trovees”]