Le Pelerinage de Damoiselle Sapience

ReadAboutContentsHelp
dc:source: https://colenda.library.upenn.edu/phalt/iiif/2/81431-p3cr5nc34/manifest?manifest=https://colenda.library.upenn.edu/phalt/iiif/2/81431-p3cr5nc34/manifest

Pages

f. 86r
Complete

f. 86r

DAmoiselle sapience sen ala oultre mer en pelerinage par devotion · cy entra en une cite que on appelle bethleem et rex juda a destre · la vit une maison ou moult de gens repairoient parquoy la maison estoit appelle diversoire · domaiselle sadressa a celle maison et entra dedens et vit en une partie ung lieu gaste aussi come une estable · dedens trouva une cresche et une pucelle apoyee a celle cresche qui regardoit dedens moult ententivement sans regarder ailleurs et moult bien sembloit quelle sesmerveillast de ce quelle veoit · Sapience la salua et luy demanda quelle chose elle regardoit si entendanment · Celle respondit et dist je regarde merveille · Et celle saprouche pres et vit ung enfant qui gesoit en la cresche sur ung peu de fain envolope de petiz drapeletz · Bel estoit lenfant aultres merveilles ny apparoit · Lors demanda sapience a lautre damoiselle come elle avoit en nom · Celle dist je ay nom verite · Sapience luy demande damoiselle verite quel merveille veez vous en cest enfant qui gist cy · Car il ny appert merveilles par dehors non plus quen ung aultre · Lors respondit verite · les merveilles qui sont en lenfant ne seront huy dites car tant en ya que on le doit appeller lesmerveilleux sicome dit ysaie · Et vocabitur nomen eius admirabilis · Sapience dist damoiselle verite aprenes moy pour dieu les merveilles qui sont en cest enfant petit qui naperent mye · Verite

Last edit over 3 years ago by nlacar
f. 86v
Complete

f. 86v

dist quelle chose voulez ouyr premierement · Sapience dist je desire a savoir de quel lignage lenfant est et de quel pere et de quelle mere · Lors jetta verite ung souspir merveilleux et dist · O generationem eius quis enarrabit · Et dist elle qui pourra son lignage et sa generation raconter · Se nous parlons du lignage de par la mere il est estrait du plus noble lignage qui soit en terre du lignage au roy david et salmon et des patriarches et des prophetes · Lors dist sapience · Or merveille mesmerveille come enfant de si hault lignage est mis en si bas lieu come en une estable · Et si affiert une demande · Se a sa mere qui est de si hault parage il meschei oncquez par quoy son enfant est si bassement couchies · Lors getta verite ung aultre souspir et dist · O oncques si biens a pucelle navint · Car elle le conceupt sans compaignie domme en telle maniere comme langre luy [?]onsa et la pucelle par la vertu du saint esperit le conceupt et porta et vierge lenfanta · Apres quil fut neez les angres lanoncerent les estoilles le monstrerent et les trois roys laourerent · Sapience respont dieu quel merveille quant tel enfant gist en tel lieu · Verite respont pour ce et pour les aultres choses est il appelles lesmerveilleux · Sapience dist de la mere maves vous dit merveilles mais du pere vouldroy je volentiers oyr car merveille en aves ja touchie · Verite

Last edit over 3 years ago by nlacar
f. 87r
Complete

f. 87r

respont pere na il se dieu non · Car il est filz au treshault roy sicomme lescripture dit · Et filius altissimi vocabitur · Sapience dist voulentiers oysse les conditions quil a de par son pere · Car celles sont merveilleuses qui sont de par sa mere · Verite respond · or entens et asavoir[ez] doncquez ce que je vous diroy selon ce que la sainte escripture dit de lenfant · Vous veez bien que cest enfant est envelopez en petis drapiaux come povres · Non pourtant il est le plus riche · Car il est hoir de quanques il ya ou ciel et en terre · Quem constituit heredes univer- sorum · Apres vous veez que cest enfant semble moult simple · Non pourtant cest la sapience parquoy le monde fut fait · Per quem fecit et secula · Apres cest enfant apert autel come ung aultre et si est la resplendeur et la beaute de dieu · Quod sit spendor glorie et figura substantie eius · Et si veez que il semble fieble come ung aultre et si est il par dehors · Non pourtant cest celuy qui porte tout le monde par sa vertu · Portans omnia verbo virtutis sue · Si veez que il semble estre neez en pechie come ung aultre · Non pourtant il espurge et netoye de pechie tous les aultres · Purgationez peccatorum faciens · Cy veez que il gist en ceste e[?] estable moult humblement · Non pourtant il gist ou ciel a la dextre de dieu le pere treshaultement · Sedet ad dextram dei patris majestatis in excelsis · Sapience dist · oncquez mais telles merveilles navinrent · Verite respond · pour ce ail a non merveilles · Car

Last edit over 3 years ago by nlacar
f. 87v
Complete

f. 87v

il est tout ensemble si povres et si riches si simple et si sage · si obscur et si bel · si fiebles et si fort si petit et si hault · et si grant et si bas · Sapience dist bien fut nee la mere qui tel enfant porta · Verite respond plus ya · Car en bien fut nez qui sa parolle croira et gardera · Sapience demande · de quel vertu apperra cest enfant quant il venra en aage · Verite est en son corps apperra adoncquez · Apres verra on de quel vertu ses petis pies sont que vous veez · Car la mer tormentee quant il voudra les portera a sec · Math · xxiiii · Si apperra aussi de quel doulceur sont plains · Car par eulx baisier en bone foy par devotion auront les pecheurs pardon de tous leur pechies aussi comme ot la magdalaine · Luce · vii · Sapience dist voulentiers et desiranment les doit on embrasser et baisier puis quil sont de tel dignite et de tel doulceur Mais pour dieu or parlons dez mains qui sont si fiebles maintenant comme lez mains dun aultre enfant come sera monstree leur vertu · Verite respond · Elles sont et seront de tel vertu et si medicinables car pour atouchier tant seulement les mors resusciteront · les malades gariront · si nettes sont et seront que par atouchier sans plus les mesiaulx netieront · si larges sont et si plantereuses que par touchier et par baisier les pains moultepliront · Sapience dist nulz nest dignes de baisier telles mains et telz pies ce mest advis · Verite dist · aucuns ne les baiseront pas

Last edit over 3 years ago by nlacar
f. 88r
Complete

f. 88r

mais le crucifiront · Sapience dist · cest dure chose de loir · et du faire · Apres dirons nous de la bouche savoureuse qui maintenant quiert la mamelle · moult voulentiers en oiree la verite · Verite dist · et je le te diray car il appartient a moy · Ceste bouchete si est sur toutez aultres et sera gracieuse vertueuse savoureuse · Si gratieuse que on sesmerveillera des gracieuses parolles qui ystront de luy car oncquez nul home ne parla ainsi · Numquam sic homo locutus est et mirabantur de verbis gratie · Sur toutes autrez est et sera vertueuse · Car a sa voix toute creature obeyra · la tempeste de la mer et les vens cesseront · les mors resusciteront · les anemis senfuyront · Sapience dist · moult a precieuse bouche · Verite dist · Aussi est elle savoureuse sur toutes les aultres et doulce · Car de sa salive les aveugles renlumineront et les muez la parolle raront · et de loudeur de sa bouche les apostres le saint esperit en signifiance de feu recepveront · Sapience sescria · O comme est bien euree la mere qui telle bouche alaite · Et qui souvent sent loudeur divine de si bel enfant et qui baisier peult ceste doulce bouchette savoureuse quant elle veult · Verite dist ceste bouchette aura fain et soif et si sera abrevee de trois amers brevages · Sapience dist si est elle bien digne que on luy porte honneur · Mais pour dieu dites moy des yeulx joesnes et plaisans quen sera il · Verite dist · il sont et seront de telle

Last edit over 3 years ago by nlacar
Displaying pages 1 - 5 of 20 in total