11r La Desputizons dou Croisie et dou Descroisie

Fol sunt cil la welent changier
Car cest de toutes la plus gente

Laisse clers et prelaz esteir
Et te pren garde au roi de France
Qui por paradix conquesteir
Vuet metre le cors en balance
Et ces enfans a Dieu presteir
Li pres nest pas en esmaiance
Tu voiz quil se vuet apresteir
Et faire ce dont a toi tance

Moult a or meillor demoreir
Li rois el roiaume que nos
Qui de son cors wet honoreir
Celui que por seignor tenons
Quen crois se laissa devoreir
Ce de lui servir ne penons
Helas trop aurons a ploreir
Que trop fole vie menons

Je wel entre mes voisins estre
Et moi deduire et solacier
Vos ireiz outre la meir peistre
Qui poeiz grant fais embracier
Dites le soudant vostre meistre
Que je pri pou son menacier
Cil vient desa mal me vit neistre
Mais lai ne lirai pas chacier

Je ne faz nul tort a nul home
Nuns hom ne fait de moi clamour
Je cuiche tost et tien grant soume
Et tieng mes voisins a amour
Si croi par saint Pierre de Roume
Quil me vaut miex que je demour
Que de lautrui porter grant soume
Dont je seroie en grant cremour

Desai bees a aise vivre
Seiz tu se tu vivras asseiz
Di moi ce tu ceiz en queil livre
Certains vivres soit compasseiz
Manjue et boif et si ten yvre
Que mauvais est de pou lasseiz
Tuit sont .i. saches a delivre
Et vie doume et oez quasseiz

Laz ti dolant la mors te chace
Qui tost taura lassei et pris
Desus ta teste tient sa mace
Viex et jones prent a un pris
Tantost at fait de pie eschace
Et tu as tant vers Dieu mespris
Au moins enxui .i. pou la trace
Par quoi li boen ont loz et pris

Sire croiziez merveilles voi
Moult vont outre meir gent menue
Sage large de grant aroi
De bien metable convenue
Et bien i font si com je croi
Dont larme est por meilleur tenue
Si ne valent ne ce ne quoi
Quant ce vient a la revenue

Se Diex est nule part el monde
Il est en France cet sens doute
Ne cuidiez pas quil se reponde
Entre gent qui ne lainment goute
Et vostre meir est si parfonde
Quil est bien droiz que la redoute
Jaing mieux fontainne qui soronde
Que quen estei sesgoute

Tu ne redoutes pas la mort
Si seiz que morir te couvient
Et tu diz que la mers tamort
Si faite folie dont vient