ENPages That Need Review
Walters Ms. W.199, Gossouin of Metz, Image du Monde
Page 112
ses plus prochains parens. Vers orient a une aultre maniere de gens qui aourent le soleil tant seulement et le tiennent a dieu pour les grans biens qui par lui viennent. Et pour che que au monde ne voient nulle tant belle chose a leur aduiz ilz croient en lui comme en leur dieu. Ancores il ya une maniere de gens qui sont moittie bestes et moittie hommes Ancores y ra celle part aultre gens qui en ung piet ont . viii . doiz. En celle contree a grant nombre de be stes moult terribles. lesquellez ont corps dhommes et testes de chien. et ont si grans ongles quilz ar restent tout che quilz tiennent et se vestent de peaux de bestes et ont autelle voix comme abaiement de chien. Ancores y sont les cyclopiens qui passent le vent de courre et nont seulement que ung piet dont la plante est si tres longue et si large que ilz sen aombrissent et coeuvrent comme ilz feroient dune targe contre le chault quant il vient trop aspre sur eulx. Une aultre maniere de gens y sont lesquelz nont que ung oeul et lont assiz au milieu du front tant vermeil et si cler que che samble
Page 113
propre feu ardant. Si sont illec trouvez une aultre maniere de gens qui ont le visaige et la mouche ou milieu de la poitrine et ont ung oeul en chascune es paule. et leur devale le nez en bas jusques a la bou che. et ont soies dessus le musel comme pourceaulx Ancores treuve len devers le fleuve de ganges une ma niere de gens estranges et courtois qui ont droitte figure dhomme. lesquelz se vivent de londeur dune pomme tant seulement. Et se ilz vont loings en aucun lieu. la pomme len a tel mestier que se ilz sentoient aucune puanteur mauvaise sans la pom me ilz morroient incontinent. Des serpens et des bestes EN ynde a plente de serpens qui dinde. sont de telle force quilz devenrent et pren dent a force les cerfs et les daings. Anco res y Ra une aultre beste que len appelle centicore qui a cornes de cerf ou milieu de la face et a la poitrine et les cuisses comme ung lion a grans oreilles et pies de cheval. si porte une bouche reonde. Il a le mu sel comme la teste dun ours et a les yeulx bien pres lun de lautre. Puis a la voix azes parelle a celle
Page 114
dun homme. Une aultre beste si treuve moult fi ere. la quelle a corps de cheval et teste de sangler et a queue dolifant. Si a deux cornes qui sont une cou te de grant chascune. dont il met une dessus son doz endementiers quil se combat de laultre. Il est noir et est moult terrible beste et penible et merveilles est en eaue et en terre. Ancores y sont veuz thoriaux qui sont tous blancs. ilz ont grosse teste. et la bou che ont tant large que la fente en dure le dune o reille jusques a laultre. et a cornes quil remue entour lui. si que nul ne le poeut dompter. Une aultre maniere de bestes ra en ynde que len appel le manthirora si a face dhomme. et a trois grans dens en la bouche grans a merveilles. Il a yeulx de chieure et corps de lyon et a queue de scorpion si a voix de serpent telle que par son doulz chant at trait les gens et les devenre. Et est plus habille daler que nest ung oyseau de voler Il ya pareille ment une maniere de beufz qui ont les pies tous reondz et ont el milieu du front trois cornes. An cores ya il une aultre beste de moult beau corsa
Page 115
ge qui est appelle monotheros. laquelle a corps de cheval et pies dolifant. teste de cerf. et voix clere et haulte. et une grant queue comme les truies les portent. Si a une corne el milieu du front qui a quatre pies en longuer droitte et ague aussi comme ung espieu et trenchant comme rasoir et tout che que pardevant elle poeut attaindre et a touchier est rompu et detrenchie. Et pour verite elle est de telle condition que se par quelque engin elle est pri se de grant desdaing se laisse morir Mais elle ne poeut estre prise fors par une pucelle vierge que len lui met au devant par la ou elle doit passer Laquel le soit bien et gentement paree. Lors sen vient la beste vers la pucelle moult simplement si se endore en son geron. et lors len la prend en dormant En ynde ra unes aultres bestes grandes et fieres qui ont couleur ynde et ont cleres taches par my le corps si sont tant fors et tant criminelz que nulz ne les oze approchier et sont en cest pays appelles tigris Et courent de si grant randon que quant les ve neurs vont celle part pur prendre aultres bestes
Page 116
qui par illec sont ilz neschaperoient jamais de la se par la voie ou ilz vont ilz ne semoient myroirs de voire. Car les tigres sont de telle nature que quant ilz voient leur samblanche ilz cuident que che soient leurs faons. Lors vont tant alentour du myroir quilz rompent la glace si que plus ny voient riens. Et par che moien eschappent les veneurs qui la sont. Si est aucune foiz advenu de ches tigres que elles pensent tant a leurs figures remyrer et en sont telles foiz tant emprises que de legier seroi ent prises toutes vives. Ancores y ra daultres be stes que len appelle castoires si ont telle nature en elles que quant lun les chasse pour prendre ilz coppent a leurs dens leurs genitors et les laissent cheoir a terre et ainsi se chastrent eulx meismes car ilz scevent que ilz ne sont chassiez pour aultre chose. Aussi y naist une petite beste comme une souriz. elle a une petite bouche et est nommee musqualiet. Celle part sont les arbres secs qui parlerent a Alexandre le puissant roy. Une aultre beste ya que len appelle salemandre qui
Page 117
se paist et nourrist du feu. Celle salemandre porte une lamine dont len fait draps et chaintures qui ne poevent ardoir en feu. Il ya ancores une souriz lesquel les sont aussi grandes comme cats et aussi courans. Devers orient sont les lyons qui ont plus de force es poitrines devant et en tous les membres que nulles aul tres bestes nont. Si viennent paistre au tiers jours que ilz ont faonne leurs faons. aussi comme se ilz esto ient resuscitez de mort. Et quant ilz dorment ilz tiennent les yeulx ouvers. Et lors que les veneurs les chassent ilz coeuvrent la trache de leurs pies a tout leur queue ilz ne feront ja grief a homme se ilz ne sont courrou ciez. et qui que les assaille ilz se deffendent. Quant ce lui qui les garde bat ung chien net devant eulx ilz le craindent et doubtent et le congnoissent bien. Et la lyonnesse a la premiere annee cincq faons. et puis cha scun an ensievant elle en a ung moins et iusques a sa fin va sa portee declinant. Une aultre beste ya qui est petite et tant est terrible et redoubtee que nulle be ste ne se oze veoir devant elle. Et a le lyon tell natu re que il la doubte et fint car elle loccist souventeffoiz
Page 118
Il converse et repaire celle part une aultre beste qui est de diverses coleurs par taches blanches. noires. verdes. yndes et jannes. Aussi comme selle fust pain te et est moult propre et est appelle panthere. et naist si grant doulceur de sa bouche quant elle alaine. que les bestes vont apres elle pour la doulceur qui part de son corps. fors le serpent auquel celle doulceur griesve si quil en muert souvent. Et quant celle beste est au cunefoiz saoulee de la venoison quelle prend si se dort trois jours tous entiers. et quant elle se esveille elle rend une oudeur tant doulce qui part de sa bouche que les bestes y courent tantost comme ilz la sentent. Celle beste na que une foiz faons. Et quant elle doit faonner elle a telle destresse et telle angoisse quelle rond aux ongles et deschire son marriz tant que ses faons en sont hors et jamais depuis que ainsi se sont deschirtes plus ne portent ne engendrent faons. Il ya une maniere de jumeaulx qui conchoivent du vent et sont en une contree qui se nomme capadoche mais ilz ne durent que trois ans. Celle part sont les olifans unes bestes grandes et combatans et quant
Page 119
elles voient leur sang espandre devant elles. elles en sont plus courageuses et plus fortes et sembatent en tous lieux et en toutes batailles. Sur ches olifans se souloient combatre les gens dynde et de perse. car ung olifant porte tresbien une grant tour de fust plaine de combatans armez quant elle est bien fer mee sur son doz. Si ont pardevant en maniere dun voiel pardevant (see note) grant et large dont ilz menguent du quel ilz aherdent bien ung homme et lont en pau deure devore. Les hommes du roy Alexandre lequel fut bon clerc et prinche de grande recommendation et qui routa en maintes contrees pour cherchier et enquerre les adventures plus quil ne faisoit pour conquerre avoir Lors quil se deust combatre a ceulx qui les elephans avoient duitz et apris de combatre en plaine terre. il fist faire vaisseaulx darain en for me dhommes et les fist emplir de feu ardant et les mettoient devan eulx comme pour combatre ceulx qui estoient sur les elephans. Et quant iceulx ele phans jettoient sur leur boiel devant dont ilz occi soient la gent sur yceulx hommes darain sentans
Page 120
quilz estoient si chauldz quilz se bruloient ilz ne voldrent lors quilz en furent apris plus aprochier les hommes pour doubte du feu. Car ilz pensoient quilz estoient au si chauldz comme trouve avoient ceulx darain qui es toient plains de feu. Et escheva le roy alexandre par celui moien commen saige prinche quil estoit le peril et dangier de ches elephans. Si conquist celle sauvaige gent. Et tellement dompta les elephans que ilz ne osoient faire mal aux hommes. Les elephans vont moult simplement et moult accordeement ensemble Et quant ilz se entrecontrent ilz baissent les testes les ungs contre les aultres. ainsi comme se ilz sentres saluassent. Ilz sont de moult froide nature. dont il ad vient que quant len met sur le dent del yvoire du drap linge et charbons ardant dessus le drap ne brulera point Car tantost que le charbon sent celle froidure il sestaint tant est lyvoire froit. Les elephans nont phaons que une foiz en long temps. et les portent deux ans en leur flans. Ung elephant vit trois cent ans. il doubte la souriz et la culeuvre et craint la vermine Se la culeuvre saherd a lelephant elle la bast et loc
Page 121
cist. Elle repont ses faons ou il na boiz ne culeu vre et faonne ades dedens eaue. Car se ilz se cou choient par terre jamais nen releveroient pour tant que leurs oz sont tous entiers et roides sans jointes des le ventre usques aux pies. Et quant il veult dormir il se appuie a ung arbre et illec dort en estant. Et les veneurs qui vont querans les ar bres contr lesquelz ils se appinent pour dormir lors quilz ont trouvez ilz les soient par embas nom mie si quil verse. mais tellement que quant lelephant qui de che riens ne scet se voeult dormir se appuie a larbre ainsi soie et chief a tout larbre par terre et plus ne se poent relever Lors se prend a braire a criere et a gemir tant que aulcunefoiz advient que plente delephans surviennent illec pour lui aidier et quant ilz ne le poevent redrechier ilz braient et crient et font ung moult grant doeul. Et les plus petiz vont entour si le sourlievent a leur povoir tant que aulcuneffoiz advient quilz le lievent. mais quant ilz le ne poevent relever ilz sen vont gemissant et faisant leur doeul et le laissent. Et