Manuscripts from the Walters Art Museum

Pages That Need Review

Walters Ms. W.199, Gossouin of Metz, Image du Monde

Page 132
Needs Review

Page 132

de gens qui ont tous les chevaulx blancs. En ces parties siet une moult haulte montaigne ou larche Noe se arresta et reposa quant le diluge fut passe. A pres vient la province daise la mineur laquelle est toute advironnee de mer ou il a maintes regions Desquelles nous ne declairerons pas quant a pre sent les noms. En celle province daise est la region dardane et celle de frige la ou paris ravy la belle helaine. Dont la puissante cite de troies la grant fut a lemprise des grecs destruite par feu et par gla ve. Celle cite siet vers lune des fins de grece. En ces parties est assise la noble cite de lychaonie et assez pres dillec siet une aultre cite appelle charie par la quelle court ung grant fleuve a merveilles qui est nomme herme dont le gravier est dor tout lui sant. De celle part vers la fin degipte nous vient la paillole qui est de fin or. Il ya deuers orient de laultre part une maniere de gens qui jadiz descen dirent des Juifz et sont gens de leur condition ors viles salez et puants ilz nont nulles femmes esponsees ne ne niennent meschines ne aultre

Last edit over 1 year ago by Marie Richards
Page 133
Needs Review

Page 133

Lviii

ment pour tant quilz ne pourroient croire que fem mes se peussent tenir a ung homme seulement sans elles doubler avec aultres. Et pour tant ne tiennent ilz compte des femmes fors en tant quilz en puissent avoir generation. Une aultre maniere de gens a en celle province que len appelle barbarins et se font appeller jacobins. pour jacob qui anciennement fut leur maistre. Et sont chrestiens corrumpuz pour les mariages qui font et les alianches avec les sarrasins. Lesquelz dune part marchissent a eulx Iceulx barbarins pourprendent tresbien quaran te royaulmes en tous sens. ilz ne croient pas que confession soit vaillable a nul aultre homme fors a dieu tant seulement. Quant yceulx jacobins se confessent a dieu ilz mettent aupres deulx du feu et del encens et cuident certainement que leur pen see sen aille en telle fumee envers nostre seigneur mais il nest pas ainsi comme ilz le croient. Ain chois mescroient monseigneur saint jehan bap tiste qui premierement les baptisa. Car avant toutes choses il leur convenoit dire tous leurs

Last edit over 1 year ago by Marie Richards
Page 134
Needs Review

Page 134

pechies a lui meismes et puis ilz recepvoient de lui baptesme. Dont monseigneur saint jehan meismes dist que quant lomme dist ses pechies a ung aultre qui poeut estre pecheur comme lui Celle vergongne quil a de ainsi dire ses pechies lui est tournee en lieu de penitanche et lui est allegance de ses pechies si se doit par raison plus tost abstenir de pechier veu quil scet et considere comment il le convient savoir a ung aultre hom me ainchois quil puist envers nostre seigneur avoir remission et pardon de ses pechies et iniquites Che nous tesmongne monseigneur saint jehan baptiste lequel par le saint sacrament de baptesme nous rend quittes envers nostre seigneur dieu de nous pechies et que nous en soions purgiez par vrai confession . bonne contrition et pleniere sa tisfaction chascun selon son povoir. Pour tant yceulx jacobins sont grandement decheups. Car ilz ont mal retenu la salutaire doctrine que mon seigneur saint jehan leur enseigna. En celle region sont une aultre maniere de gens chrestiens qui croient

Last edit over 1 year ago by Marie Richards
Page 135
Needs Review

Page 135

Lix

ung petit mieulx en dieu et sont fors et puissans en bataille. les sarrasins les doubtent moult fort. et ne leur osent en riens mesfaire avis leur sont de bon naires doulz et aimables. Celles gens si ont a nom georgiens bons chrestiens sont touteffoiz sont ilz encloz tout alenviron de gens felons et mescreans et sont com me dit est appellez georgiens pour che que ilz appellent tousjours saint george en bataille en estours et en ren contres aians a besongnier aux sarrasins. Aussi ilz laourent et aimment sur tous aultres sains. Ilz ont tous courronnes reses sur leur tetes. Mais les clercs les portent reondes. et les lays les portent quarrees Quant ilz vont en jherusalem pour aourer le saint sepulchre de nostre seigneur les sarrasins nen oseroient point prendre de paiage ne riens survendre. pour che quilz doubtent que quant de la retourneroient quilz ne les en paiassent chierement. Les gentilles dames du pays se arment et montent sur les bons destriers courans et vistes et se combatent asprement contre les sarrasins en la compaignie des chevaliers de ge orge. ilz usent de pareilles loix. et de pareil terme

Last edit over 1 year ago by Marie Richards
Page 136
Needs Review

Page 136

de parler comme font les gregois. Chi parle EN la des poissons que len treuve en ynde mer dinde a une maniere de poissons qui en leurs peaulx ont le poil si long que les gens en font robes manteaulx et tous aultres vestemens dont ilz se vestent et affulent quant ilz les on pris. Ancores y a une aultre maniere de pois sons en celle mer qui sont appellez eschinniz lesquelz nont point plus dun piet delong. mais ilz ont ung telle vertu que incontinent quilz se prendent a une nef lun deulx seulement la retient tout court telle ment quelle ne poeut aler ne devant ne derriere. Il y ra une aultre maniere de poissons que les gens appellent communement dalphins. si ont une telle costume que quant ilz sentent que la tempeste doit venir et que les bateaulx et netz sont endangier de stre peries et perdues. ilz se amonstrent dehors leaue et se esbatent aux ondes de la mer si que aucu nefoiz sont plainement veuz. En celle mer dinde est ung aultre poisson si tresgrant et si tresmer veilleulx que sur son doz croist terre et herbe. Et

Last edit over 1 year ago by Marie Richards
Page 137
Needs Review

Page 137

Lx

semble proprement que che soit une bien grant is le. Dont il advient aucunefoiz que les maronniers alans par laditte mer sont grandement decheupz et ab usez. Car ilz cuident certainement que che soit terre fer me pour quoy ilz vagent de randon celle part Et quant ilz ont illec dessus fait leurs preprarations de feu et de logiz et de che que mestier leur est comme ceulx qui cui dent estre a terre ferme. ilz alument du feu pour faire leur cuisine mais incontinent que che merveilleux poisson sent la chaleur du feu ilz se esmeut moult souldainement et se devale en leaue au plus parfont et par ainsi tout che quil a sur lui est perdu en la mer Si sont par che moyen les navires peries et les gens noiez quant ilz cuident estre a sauvete. Plen te d'aultres poissons a en celle mer qui ont testes et corps de pucelle et ont belles tresches faites de leurs cheveulx. Jusques a lombril ont corps de puchelle et le demourant est comme le corps et la queue dun poisson. Et les aucuns ont eilles comme oyseaulx si est leur chant tant doulz et tant melodieux que cest merveilles a oyr et sont appellez syrenes. dont

Last edit over 1 year ago by Marie Richards
Page 138
Needs Review

Page 138

les ungs dient que che sont poissons. Et les aultres dient que che son oyseaulx qui volent par la mer Mais prenez en gre. car pour le present je me depor te de plus parler de ceste matere pour vous racomp ter des merveilleux arbres qui croissent en ynde dont il ya de maintes guises et portans divers fruits comme chi apres vous sera bien au long declaire. Chi parle des arbres qui sont en ynde:-- EN ynde croist ung arbre moult grant et bel et si est moult souef fla rant. lequel est appelle palmier et porte des dades. Cest ung fruit moult bon et sain a merveilles. Il ya aussi pommiers lesquelz sont si plains de pommes longues et qui ont tant bonne oudeur que plus ne pevent et sen tretiennent tresbien cent en une masse. Et les foeulles qui naissent de che pommiers ont bien deux piex de long et ung piet de large. Aultres pommes y croist moult grandes et moult gros ses ou les mors dun homme a tout les dens appert en la pomme. Et sont appelles pommes

Last edit over 1 year ago by Marie Richards
Page 139
Needs Review

Page 139

Lxi

de Adam pour la rayson que celui mors pert en la pomme. Il ya daultres arbres lesquelz portent pommes qui sont moult belles par dehors. et par dedens est ainsi comme cendre. Les vignes portans le roisin dont len fait lel vin y sont tant habundan tes de fruit et les grappes y sont tant grandes et si plaines de moust que deux hommes sont fort char giez den porter une seule a pie a leur col sur ung eyuel. Aussi ya il petiz arbriseaulx que len y semme chascun an. lesquelz portent le cotton. Ancores y croist en pluseurs lieux canes grandes et longues qui sont pardedens toutes plaines de chiere chucre tant espetial quil nen croist point de pareil en tou tes les contrees du monde. A lun des chiefz du roy aulme de babilonne croist la balme qui est moult chier et le cultivent et labeurent les chrestiens qui sont prisonniers en celle terre. Et dient tresbien les sar rasins qui moult souvent lont fait esprovier que quant ilz le font cultiver et labourer a gens daultre nation qui chrestiens quil ne porte nul quelconque fruit en celle annee. Et sur le champ ou le balme

Last edit over 1 year ago by Marie Richards
Page 140
Needs Review

Page 140

croist dient les aucuns quil y sourt une fontaine ou la vierge marie baigna son fiz jhesus. Et de cel le fontaine est le balme arouse ne de celle eaue ne poeut len emploier ne porter ailleurs qui porte fruit ne substance nes que aultre eaue. En celle terre sont aul tres arbres lesquelz en lieu de feulles portent une lainne dont len fait draps moult beaulx et soubtilz. desquelz les manans de la contree font robez et manteaulx pour leur usaige. Ancores y ra aultres arbres qui portent ung fruit tres soeuf flairant. Mais se repont son fruit par nuit en larbre et remeut celle part au matin quant le soleil se lieue. Plente daultres arbres y croissent dont les charbons qui en sont espris durent en leur cendre ung an entier sans en riens amendeir ne estaindre. Aus si y croist plente de cedres et de libans. lesquelz sicomme len dist ne poevent pourrir. Aultres arbres y naissent moult glorieux et moult bons qui portent clouz de gy rofle. et aultres qui aussi portent noiz muscades et cu bebes. et de leur escorce est la canelle. et de leur rachine est fait le garingal et le citoual et aussi le gingentbre Celle part croissent les bonnes espices et espetiales

Last edit over 1 year ago by Marie Richards
Page 141
Needs Review

Page 141

Lxii

et de toutes manieres habondanment. Aussi y croist plente de noiz qui sont aussi grosse comme grosses pommes. et aultres qui sont aussi grosses comme la teste dun homme. Au regard des arbres qui sont ou paradis terrestre nous ne savons quelz fruits ilz produisent. Mais il est assez notoire de larbre et du fruit dont eve eult si grant envie de mengier oultre le commandement de nostre seigneur dieu et dont elle de cheupt adam nostre premier pere. et pareillement est il de larbre de vie dont assez amplement avons parle chi devant. Il ya en celui tresnoble paradis tant daultres arbres portans fruits si tres bons et si tres dilicieux quil semble que la gloire de nostre seigneur soit par tout leaus. Mais il ya une mer veilleuse garde. car langhele de dieu est gardien de lentree une espee nue en sa main ardant continuel lement a celle fin que les hommes ne les bestes ne les mauvaiz asperits ne savancent de y approchier pour aulcunement y prendre leurs delices et plaisan ches et laiens les acomplir A tant prent ores fin ces tui propoz pour parler des contrees deurope et de ses

Last edit over 1 year ago by Marie Richards
Displaying pages 111 - 120 of 259 in total