Manuscripts from the Walters Art Museum

Pages That Need Review

Walters Ms. W.199, Gossouin of Metz, Image du Monde

Page 193
Needs Review

Page 193

Lxxxviii

ou en fruit soit en fachon ou en couleur ou de quelque chose que che soit. Il nest riens en terre qui y doie estre ne qui en elle ait naissanche que aulcune estoille ny ait puissanche par nature soit en bonne ou aultre tel le que dieu lui a donne. Et pour le firmament et pour les planettes prenez ceste figure:-

[image: Title: Spheres of the planets Form: Diagram, 10 lines Text: Du tour du firmament et des estoilles Comment: Inscribed from the innermost circle out: "Terra / Mars / Luna / Mercurius / Jupiter / Venus / Sol / Saturnus"]

MAis puis que nous avons descript du firmament en ceste seconde partie nous parlerons daulcuns cas qui en hault et en bas adviennent et si parlerons de la mesure du firma

ment pour mieulx entendre sa fachon et comment il est fait et proportionne. et de che qui est dessus. Aussi par lerons de paradis. Chi fine la seconde partie de che present livre. Et chi commence la tierche partie de che present volume qui chi apres sensieult:-
Last edit over 1 year ago by Marie Richards
Page 194
Needs Review

Page 194

EN ceste tierche et derreniere partie de che present volume fi nerons a parler des frus dastro nomie. Si vous voeul tout pre mierement declairer comment il est jour et nuit pour donner a entendre les eclipses. Et pour en tendre aultres choses. lesquelles poevent fort prou fiter a ceulx qui veulent rendre paine de les sa voir pour eulx mieulx gouverner selon la dispo sition du temps. Chi declaire comment le jour et la nuit vien[ent] VRay est que le soleil fait ung tour en viron la terre entre nuit et jour et va egalement chascune heure et tant com me il demeure sur terre avons le deduit du jour et quant il est dessoubz la terre nous avons la nuit Aussi comme si vous aliez tournoiant une chan deille ardant entour vostre teste ou de loings ung petit alentour dune pomme. la partie qui seroit envers la chandeille seroit tousjours alumee et laultre partie qui en seroit movis pres de laultre part seroit obscure. Ainsi fait le soleil par sa propre

Last edit over 1 year ago by Marie Richards
Page 195
Needs Review

Page 195

Lxxxix

nature jour et nuit estre sur terre. Il fait naistre le jour par devers lui et daultre part est la terre umbreu se qui est tenebreuse et obscure et ainsi laisse umbre celle part la ou il ne poeut luire. et cest lombre de la nuit que le deduit du jour nous tolt. Mais pour ce que le soleil est plus grant que toute la terre va lom bre a gresloiant si que en la fin il va a neant a la maniere dun clochier que len fait par che eglises Mais se le soleil et la terre estoient egalement dune grandeur celui umbre navroit point de fin. ainchois seroit tout egal sans declinement. Et se la terre estoit plus grande lombre du soleil yroit eslargissant dont vous en povez veoir la fourme et maniere en ches trois figurez chi au doz pourtraites. Et si le povons prouver aultrement sans figures. prenez aulcune chose obscure qui puist retenir lumiere sicomme de fust ou daultre pierre ou daultre chose qui soit telle que len puist ve oir parmy si la mettez devant vous yeulx alencontre de che que vous volez veoir ou le ciel ou la terre ou che que vous vouldres. Se la chose que vous tendrez est plus large que vous deux yeulx de loings elle vous touldra

Last edit over 1 year ago by Marie Richards
Page 196
Needs Review

Page 196

[image: Title: The sun, the moon, and the shadow of the earth Form: Diagrams, 14 lines (top) and 7 lines (bottom) Text: Chi declaire comment le iour et la nuit viennent Comment: Basic components are a gold sun at top left labeled "Sol", a white area, a small earth labeled "Terra", and a black band of cast shadow. The three shadows are inscribed (from top down): "umbre engreant / umbre omn? / umbre angrossissant"]

a veoir pres et loings par devers lui plus quelle na de large. et se la cho se est toute egale et loing comme vous povez esten dre vous deux yeulx au tant vous en touldra devant vous comme la chose aura de grant com me ychi povez voeir en ceste tierche figure. Et se la chose a moins de gran deur quentre vous deux yeulx na de longueur el le vous touldra moins a veoir et pres et loings quelle nest large de ce que veoir vous voldrez Et quant vous metteriez la chose plus loings de vous yeulx tant en por

Last edit over 1 year ago by Marie Richards
Page 197
Needs Review

Page 197

xc

riez vous plus veoir de laultre part ensus de vous tant que veoir la porriez toute pareillement est il du soleil sans quelque variation ne doubtance. Car il passe la terre en grandeur si quil voit le ciel tout alentour et les estoilles et quanques a ou firmament. Pour LEs quoy len ne voit les estoilles du jour estoilles du firmament aux quelles le soleil rend leur clarte font continuelle ment par nuit et par jour leur tour avec le firma tout ades desure et dessoubz. Mais celles qui au dessus de nous sont ne povons nous veoir de jour Car le soleil par sa grant clarte nous en tolt la veue. Tout ainsi comme de chandeilles que vous verrez en longs de vous toutes ardans. Et sil y avoit ung grant feu entre vous et les chanceilles qui rendist grant clarte ou lumiere. il vous toldroit a veoir les chandeilles et leur clarte de vostre regard. Et qui metteroit le feu dau tre part derriere vostre doz vous pourriez incontinent veoir les chandeilles de rechief ardans devant vous Autel vous di je des estoilles que len ne poeut veoir par jour tant que le soleil face son cours par dessus

Last edit over 1 year ago by Marie Richards
Page 198
Needs Review

Page 198

la terre et lors quil est dessoubz la terre elles sont par nous veues jusques a che que de rechief il a tant tour ne quil rest audessus de la terre. Les estoilles qui en este sont audessus de nous y sont pareillement en yver. Mais celles deste qui sont de jour audessus de nous en yver y sont de nuit et celles deste sont dessoubz. Car cel les que nous veons en leste de nuit nous ne les povons veoir en yver Car le soleil qui va entour nous tolt de celles estoilles la clarte qui sont par jour la ou il est tant que il se traist ensus delles mais toutes sont enlu minees quelque part quelles soient tournees et de nuit et de jour tant comme le soleil va entour hault et bas resplendissant ades fors celles qui sont de la terre. Car tant comme lombre poeut comprendre ne poeut le so leil rendre clarte que vous poevez entendre par la fi gure che quelle nous en deonstre ainsi lombre se des scroist par le soleil qui est plus grant que la terre et fi nist en appetichant si dure plus loings de terre que la lune nest en hault mais il deffault dessus la lune. Pour quoy len ne voit le soleil par nuit aussi bien que de jour LA terre si est celle qui nous deffent le jour

Last edit over 1 year ago by Marie Richards
Page 199
Needs Review

Page 199

xci

que le soleil nous rend. Se la terre estoit si cler que len peust veoir parmy tout oultre len verroit le so leil continuellement au dessoubz et dessus de la ter re. mais che quelle est si obscure le nous tolt a ve oir parmy elle. Et lombre fait venir avant qui sen va tousjours tournoiant encontre le soleil et fait autant de tours entour la terre comme le soleil fait comme celui qui tousjours va encon tre lui. Et quant le soleil naist au matin en ori ent lombre en est en occident. Et quant il est en droit la terre cest adire a mydi. adont la terre a lombre dessoubz elle. Et quant il couche en occi dent lombre avons nous dessus. lequel sen va ades abaissant le coing pardevers occident tant que le soleil nous reluist qui nous donne le jour Et che povez vous bien veoir certainement voire se chest vostre plaisir sans nulle deffaullanche par ches presentes figures que veez ychi pourtrait tes. Comment la lune rechoipt diversement sa clarte et lumiere poeut chascun veoir y chi:-

Last edit over 1 year ago by Marie Richards
Page 200
Needs Review

Page 200

[image: Title: The sun, phases of the moon, and the shadow of the earth Form: Diagrams, 18 lines Text: Comment la lune rechoipt diversement sa clarte et lumiere poeut chascun veour y chi Label: Two diagrams each shows a pair of suns labeled "Sol," a small grey earth labeled "terra" and two black bands labeled "luna"]

PUis que par che que dit est vous entendez que cest du jour et de la nuit. veulliez en aprez veoir le fait de la lune et comment elle rechoipt lumie re en telle maniere que elle est continu ellement la moittie plaine en quelque lieu quelle soit. Et quant nous la veons reonde adont nous lappellons plaine. Mais comme plus est longs du soleil

tant y voit on plus dappareil. Et quant elle est tout droit dessoubz lors ne nous appert elle pas. Car elle est adont entre la terre et le soleil. siquelle esclaire par
Last edit over 1 year ago by Marie Richards
Page 201
Needs Review

Page 201

xcii

dela cest adire soubz la terre et pardeca devers nous est obscure. Et pour che ne la veons nous pas. mais quant elle passe le point quelle se remue ensus du so leil lors nous appert sa clarte cornue. Et de tant quelle se plus eslongant du soleil tant nous appert elle plus luisante. Et lors quelle appert estre a moittie adont a elle ale la quarte partie de son cercle tout alentour ou elle parfait son tour chascun mois et sen va des ja eslongant. Et sa clarte croissant tousjours tant quelle appert toute reonde belle et clere en samblan che dune roelle. Adont est elle si ensus du soleil com me elle poeut plus en son cercle par daultre partie droitement devant son regard si que la plus enlu minee et toute tournee devant nous. Alors est la terree entre le soleil et la lune si que nous ne les povons tout deux veoir sur terre si non bien petiz mais lun des deux poeut len bien veoir des que il naist jusques au couchier Et laultre est dessoubz ter re tant quil rappert vers orient et lors voit on il celui couchier mais pour che ne les poeut on pas veoir ensamble tous deux soir et main

Last edit almost 2 years ago by Marie Richards
Page 202
Needs Review

Page 202

Adont la lune qui a parfait la moittie de son tour sen va des lors approchant du soleil et va sa clarte amenui sant tant quelle nous rappert demie sicomme a la quarte part. Car lors a elle trois quartiers ale tous entiers de son cercle et est si prochaine du soleil comme a la quarte premieraine. Mais ades sen approche de plus en plus tant quelle nous rappert cornue par daultre part sicomme devant. et ainsi sen va toute deffaillant tant que len ny voit point dappareil car adoncques est elle dessoubz le soleil si en povez assez veoir par ceste figure et plus eu je ne vous en diz Comment les eclipses de la lune adviennent -

[image: Title: Lunar eclipse Form: Diagram, 9 lines Text: Comment les eclipses de la lune adviennent Label: Label "Sol" in the margin outside the diagram; "Luna" and "Ter/ra" are written to the left of the representation of the eclipse]

IL advient bien souvent quil convient perdre a la lune sa clarte Et advient aulcun neffoiz quant elle appert plus plaine Si devient aussi com me toute vaine et

Last edit over 1 year ago by Marie Richards
Displaying pages 171 - 180 of 259 in total