Manuscripts from the Walters Art Museum

Pages That Need Review

Walters Ms. W.199, Gossouin of Metz, Image du Monde

Page 203
Needs Review

Page 203

xciii

sen va petit a petit deffaillant. Vous avez ouy chi devant comment elle rechoipt lunuere la moittie du soleil entie re. Mais quant il convient quelle eclipse quant clarte ne lui vient de nulle part. Et si ne lui advient fors quant elle a tourne la moittie de son corps vers le soleil et quelle nest continuellement enluminee. Mais la lune qui ne va pas tousjours si droit comme fait le soleil passe aulcuneffoiz par telle voie que la terre la ombroie toute. Car la terre est plus grande quelle nest et pour che le umbroie elle ainsi. Car entre la lune et la terre a une ligne tant quelle se decline a la lune tant comme son cours est plus ysuel et lors la reffiert le soleil de ses rays et lui rend clarte. pourquoy elle reprend sa lumiere. Mais dautant quelle passe moins par celui umbre dautant lui encombre il moins de sa clarte quelle rechoipt du soleil. quelque part quelle soit fors quant elle se doit prendre a lombre. Si poevez che ainsi entendre. Se une ligne passoit parmy la terre par le point du milieu tout oultre hors de toutes deux pars et passast tout oultre le corps du soleil tout par droit regard. Et laultre chief par daultre part qui

Last edit over 1 year ago by Marie Richards
Page 204
Needs Review

Page 204

dureroit de terre aussi loings et passeroit tout parmy le coing de lombre tousjours par le milieu de la lune qui va par ille deca ou dela chascun mois passe aulcuneffoiz parmy Et lors elle chief dedens lombre qui de toutes pars lui em peche a venir la clarte du soleil qui a elle ne poeut nul lement advenir Et que plus est endroit la ligne de tant decline plus sa clarte. Ainsi voit on aulcuneffoiz la lu ne el milieu de son mois aneantier quant elle est plus plaine et obscurir sa clarte dedens une nuit et reprendre sicomme vous povez assez bien entendre par ceste figu re qui sensuielt. Del Eclipse du So.L.E.I.L.

[marginalia: Col in red ink]

[image: Title: Solar eclipse Form: Diagram, 9 lines Text: Del eclipse du so.l.e.i.l. Label: Upper gray orb labeled "Terre," smaller silver moon below on black band labeled "Umbre engrellant"]

IL advient que le soleil part aulcuneffoiz sa clarte en plain jour et advient tres bien ou milieu du jour Car il va aus si comme a declin et est en latin ap

pelle eclipse. Celle eclipse procede par faulte de lumiere
Last edit over 1 year ago by Marie Richards
Page 205
Needs Review

Page 205

xciiii

Si advient en telle maniere que quant la lune qui est dessoubz le soleil sen vient entre nous et le soleil tout a des en la droitte ligne il convient que devers nous la lu ne nous oste et retiengne la clarte du soleil en hault si quil nous est adviz quil deffaille. Car la lune si nest pas si pure que le soleil puist luire oultre elle. sicomme parmy une aultre estoille. Tout pareillement comme dune chandeille qui seroit loings de vostre regard puis tendissiez vostre main endroit la chandeille vous ne verriez point celle part. Et de tant plus metterez la main endroit tant verrez vous moins de la chandeille et tellement vous la pourrez mettre quen fin vous nen verrez ja goute. En telle maniere vous dy je de leclipse que entre la lune et le soleil nont point une voie commune. Ainchois la lune a une aultre voie qui se detourne ung petit de celle. pour che nous convient il entendre que qui porroit estendre ung fil de nostre regard tout droit jusques au soleil lors que len le voit pareillement est celle ligne ten due. dont souventeffoiz se decline la lune ou deca ou dela comme celle qui va tout ades au dessoubz

Last edit over 1 year ago by Marie Richards
Page 206
Needs Review

Page 206

du soleil. Mais quant de celle ligne est pres siquelle passe tout droit parmy adont elle nous tolt ainsi le soleil ainsi le si que veoir ne le povons tant comme elle soit en cel pas. Car lors fait elle umbre a la ter re qui les rays du soleil destourne a venir celle part sur terre ou endroit le soleil par se serre. Et ceulx qui lors sont celle part ont en leur regard lombre derrie re. Mais il nappert pas communement a toutes gens par tout le monde. Car la lune nest pas si grande comme la terre dassez pour che nest umbroie pas toute fors ou elle chiet en la voie de la lune qui adroit se serre parmy la terre et le soleil. dont les philosophes souloient aler la ou ilz la savoient. Car par leurs sens et estude ilz lavoient quiz pur approuver les jours et le temps et les choses qui advenoient dont ilz esprouvoient plente de chose pourquoy ilz prisoient plus nostre seigneur. Ainsi veons nous de ca Jus le eclipse du soleil dessus nous lors que la lune est en droit dessus dessoubz tant que la lune rest plus bas se. Car le soleil passe la ligne et sen va ades eslon gant tant quil appert ainsi comme devant. Et la

Last edit over 1 year ago by Marie Richards
Page 207
Needs Review

Page 207

xcv

lune qui ades va appert cornue trois jours apres. De cest eclipse povez ychi entendre che que vous en avez ouy. Del eclipse qui advint a la mort de nostre seigneur.

[image: Title: Solar eclipse at the time of the Crucifixion Form: Diagram, 9 lines Text: Del eclipse qui advint a la mort de nostre seigneur]

AInsi comme la lune nous tolt de la clarte du so leil aussi bien advient souvent que le soleil nous retolt la clar te de la lune sicomme chi dessus et plaine ment declaire. mais

eclipse ne pourroit estre pour riens quil soit de la lu ne fors quant elle sappert plus plaine ne du soleil pa reillement fors en deffaulte de la lune. Se dieu qui poeut chascune chose muer et deffaire a son plaisir ne le faisoit ainsi advenir Tout ainsi comme il advient a celle foiz que nostre saulveur jhesucrist fust en la croix miz que la clarte du jour failli sicomme entre mydi et nonne. Et si estoit lors la lune ensus du soleil tant comme elle povoit plus comme celle qui estoit plai
Last edit over 1 year ago by Marie Richards
Page 208
Needs Review

Page 208

ne et dessoubz terre demouroit ailleurs. Et fust le jour obscur comme propre nuit aleure quil devoit estre pur et cler dont monseigneur saint denis qui a pre sent est eslene en franche et lors estoit estudiant en grece paien comme bon clerc qui estoit. Car il sa voit moult dastronomie quant il perceu celle gran de obscurte il en eust tresgrant merveille et trouva par astronomie que che ne povoit pas estre par natu re ne par raison que eclipse advenist en telle saison A dont il dist une moult obscure parole en telle ma niere. Ou le dieu de nature soeuffre grant tourment et grant tort out tout le monde se discorde et desiomt pour deffaillir comme celui qui voeult prendre fin Si se appensa quil estoit ung grant dieu. lequel dessus tous aultres avoit povoir comme celui qui creoit plu seurs dieux selon la loy. Adont en son oratoire il fist ung autel tout au dessus des aultres et a une part ou personne ne repairoit fors lui tant seulement et ne voloit mie que len le tenist a mescreant. Et quant il leust veu il lappella lostel du dieu mescongneu. si le aovra et le tient moult chier Si ne demoura gaires

Last edit over 1 year ago by Marie Richards
Page 209
Needs Review

Page 209

xcvi

apres che quant saint pol vient celle part ou saint denis estoit comme celui qui le savoit estre tresgrant clerc pourquoy il le converti plus tost alaide de nostre seigneur qui y ouvra et aussi que tous deux estoient tant bons clercs sicomme en leurs legendes est bien au long contenu. Et ainsi devient le noble clerc saint denis bon et vray cristien lequel avoit toute sa vie es te sarrasin. Si emploia sa science et son temps de jour en avant au salut de son ame. Celle eclipse ne le de chupt pas ne che quil sceut dastronomie ains en devient depuis homme de si sainte et bonne vie quil en acquist pour son loier le royalme de paradis. Vous avez ouy du fait des eclipses se bien les volez entendre ja piz ne vauldrez aincois y poent chascune personne moult prouffiter Car cest siginification et demonstran che que telles besongnes ont de grandes signifficances Che treuvent les astronomiens par astronomie sicomme deffault daulcuns biens ou de chier temps ou de guerres ou de mort de roys ou de prinches qui dovient advenir en terre tant comme len en poeut enquerre par raison. Celle eclipse qui fu si grande

Last edit over 1 year ago by Marie Richards
Page 210
Needs Review

Page 210

signiffia la mort de jhesucrist si deubt elle bien adve nir aultrement pour jhesucrist que pour ung aultre Car il estoit et est par droiture sires et roy de tout le monde et le poeut deffaire et en ordonner a son bon plaisir Les aultres adviennent par nature qui retiennent en terre leurs vertus des choses qui sont advenir sicomme il convient tout finir et venir a neant tout che quest sur terre et brief dieu ne fist pas le firmament ne les estoilles pour neant. qui comme dit est va tournoiant au dessus de nous ain chois donna aux estoilles noms et vertus en ciel et en terre chascune selon sa puissanche en toutes cho ses qui ont naissance. Car il nest chose qui naist aul cun povoir pour tant quelle ait naissanche toute tel le quelle doit par rayson avoir Nous lairons pour le present a tant de la vertu du firmament et des estoil les Car qui bien en sauroit la vertu il sauroit droitte raison de nature combien que la chose fust obscure ou non. De la vertu du ciel et des estoilles OR veullies oyr de la science par la quel le len acquiert sapience par congnoistre

Last edit over 1 year ago by Marie Richards
Page 211
Needs Review

Page 211

xcvii

et enquerre les choses qui poevent en terre advenir par euvre de droitte nature qui se figure par le mon de. Les cieulx et les estoilles sont les vrays instrumens de nature au monde par quoy elle euvre tout ades sicomme dieu veult tant pres comme loings. Et qui scet congnoistre sa puissanche il a congnoissanche de tout che que dit est tant des estoilles qui sont ou ciel qui ont leurs vertus en terre que dieu ottroia a chascune et a la lune et au soleil qui au monde font naistre la clarete et sans qui riens vivant estre ne poeut. Car par celles corrompt et naist toutes choses qui sont en che monde. et qui a fin et commen chement ainsi le consent et permet le tout puissant Toutes diversitez qui sont es personnes et qui ont diversitez de faiture et de corage et tout che quil ad vient par nature. soit en herbes en plantes ou en bestes. che advient par la vertu celeste que dieu donna aux estoilles quant il crea premierement le monde et quil les y mist et dona de telle nature quil les ordonna aler alentour du monde contre le tour du firmament. Et par leur tour et par

Last edit over 1 year ago by Marie Richards
Page 212
Needs Review

Page 212

la vertue qui gist ou ciel vivent toutes choses qui sont en dessoubz. Et se il venoit a plaisir a nostre seigneur quil feist tenir le ciel tout quoy si quil ne tournast a la ronde tout entour il nest nulle chose en tout le monde qui se peust mouvoir ne qui en elle eult nul sens neant plus que ung mort qui riens ne sent ne ou il na ne sens ne mouvement comme celui qui na point de vie. Et en tout autel point que chascune chose seroit aleure que le ciel lairoit son mouvoir tout ainsi seroient que jamais ne se mouveroient tant que le ciel rauroit mouvement. Et lors resse roient aultrement. Mais qui lors pourroit de son sens user et veoir que il seroit moult pourroit veoir de samblanches et de diverses coutenances es aultres gens qui ne se pourroient remuer Car sil ny avoit mouvement ou ciel il nest riens qui peuist vivre en terre. Aussi dieu ne le vouldroit qui tout voeult par droit establir. Ainsi fu le voloir de dieu en qui toutes vertus habondent fourmer tout le monde. Car il ne crea ne ne fisst oncques chose a qui il ne donnast sa vertu telle comme il la devoit avoir Aultrement eust

Last edit over 1 year ago by Marie Richards
Displaying pages 181 - 190 of 259 in total