Manuscripts from the Walters Art Museum

Pages That Need Review

Walters Ms. W.199, Gossouin of Metz, Image du Monde

Page 243
Needs Review

Page 243

C.xiii.

le mauvaiz homme ne poeut penser aux haultes cho ses. Car qui de terre est a terre tend et pretend a dieu dieu latend. Car dieu meismes dist ceste parole. Qui de terre est de terre parle. et qui du ciel vient au ciel pretend. Celui sans aultre est sire des aultres. Les philosophes qui bien sceurent entendre ceste paro le si eulrent plus chier a souffrir travaulx et mes aiges pour apprendre que a attendre aux honneurs mondains. Car trop plus tenoient chieres les scien cies et les clergies que toutes les seignouries du mon de. Platon qui fut ung puissant et recommande mai stre dathenes relenqui son noble estat et son lieu Car il volt vivre de telle renommee. maintes con trees et pays sercha et eult plus chier avoir paine mesaise et vergongue pour enquerir verite et pour aprendre que avoir seignourie ne domination au monde. ne renommee destre maistre pour voloir riens dire. dont il ne fut certain pour acquerir la vaine loenge du monde. Appollines qui tant fut grant prinche laissa son empire et son regne et se esvan ni comme poure et nud pour aprendre les sciences

Last edit about 1 year ago by Marie Richards
Page 244
Needs Review

Page 244

Si fut prins et vendu par mainteffoiz de gens estran ges. Ne oncques ny eult nul tant vaillant de tous ceulx qui le acheterent et vendirent a qui oncques il feist nulle force ne au vendre ne a lacheter mais quil peust tousjours aprendre. Et tant traveilla de toutes pars pour aprendre et congnoistre dieu et le monde che que plus chier avoit que nul aultre tresor mondain que il vey seoir ou throne dor ung hault philosophe et de grant renommee lequel en seignoit ses disciples dedens son throsne ou il se seoit et les enseignoit des fais de nature et de bon nes meurs et le cours des jour et des estoilles et la raison et signiffiance des chose qui ont sapience Celui philosophe estoit nomme hyarchas puis ap pollines sercha tant par maintes contrees quil trouva la table de fin or qui fut de tant grande re nommee quelle fut clamee tafle de soleil ou tout le monde fu pourtrait. La vit et aprist maints fais et maintes merveilles que il ama plus que nul royaulme. il essra tant par estranges ter res que il passa le fleuve de ganges et toute yn

Last edit about 1 year ago by Marie Richards
Page 245
Needs Review

Page 245

C.xiiii.

de jusques a la fin tant comme il polt chemin trou ver et ou quil fust tousjours trouvoit aulcune chose ou il povoit aprendre et ades povoit bien prouffiter a soy et a aultres pour soy avanchier devant dieu. Aus si le roy alexandre souffri du traveil sans nombre pour aprendre. mais il aloit de lieu a aultre en estat real et a puissanche de gens dont il ne povoit pas si bien aprendre en enquerre des choses a la verite. Virgil les routa aussi maintes terres et contrees pour en querre la verite des choses. Tholomeus qui de egipte fut roy nen clama pas sa part quitte. Ainchois erra par maintes contrees tant quil eult trouve main tes merveilles. Saint pol qui fut moult preudhom me ala en maintes contrees et par moult de royal mes pour mieulx aprendre et mieulx veoir et ex perimenter tous les bons clercs quil povoit trou ver Saint brandin ne fina oncques derrer et par mer et par terre pour aprendre tant seulement si vit plente de grans merveilles. Car il vint en une ysle de mer la ou il vit certains oyseaulx qui parloient comme esperits qui lui disoient aulcunes

Last edit about 1 year ago by Marie Richards
Page 246
Needs Review

Page 246

choses dont il leur demanda lentendement. Si rou ta par maintes places et aultres places et lieux et tant quil en trouva ung si perileux et si tresplain desperits en si terribles tourmens que len ne les sauroit estimer Entre les aultres il en vit ung qui lui respondi et dist que cestoit judas qui trahi jhe sucrist qui chascun jour estoit par cent foiz tour mente ne morir ne povoit. Et plente daultres grans merveilles vey sicomme plus au long est racompte en sa vie. Plente daultres philosophes qui moult sceurent de biens sercherent le monde au tant que possible leur fut pour mieulx congnoistre le bien et le mal et ne sen espargnoient de riens Car ilz ne creoient pas de legier la chose jusques ilz lavoient moult bien experimente ne tout che quilz trouverent en leurs livres devant quilz ne lavoient prouve pour mieulx dieux congnoistre et amer ainchois serchoient et par mer et par ter re tant quilz avoient tout enserchie. Puis de re chief retournoient a leurs estudes pour tousjours plus aprendre des vertus et bonnes meurs. Si a

Last edit about 1 year ago by Marie Richards
Page 247
Needs Review

Page 247

C.xv.

moient tant philosophie pour eulx mieulx congnoi stre en bien et en iuste vie. Mais pour che que par pluseurs foiz nous avons parle de philosophie et quel chose cest et que si tresgrant bien en vient que lome poeut par che avoir lentendement de congnoistre et amer dieu. Si vous dirons que che signiffie. Quelle VRaie chose est philosophie et del responce de platon philosophie si est avoir congnoissanche de dieu et fine amour de sapience et savoir les secrets et ordonnanches des choses divines et des humaines pour congnoistre dieu et son povoir quel il doit estre. si quilz se peussent tellement conduire que a dieu feussent agreables. Qui bien congnoist dieu et ses misteres il scet entierement philosophie. Tous sont bons philosophes qui de eulx meismes ont bonne congnoissanche. Dont platon respondi a aulcunes qui lui demanderent en commun et leur dist que il a voit apris sans plus il dist bien Car tout son temps avoit emploie en estudier pour aprendre. Adont lui fut dit. Maistre il est bien en vous de nous dire aul cun bon mot procedant de hault entendement comme

Last edit about 1 year ago by Marie Richards
Page 248
Needs Review

Page 248

aultreffoiz avez fait. Lors platon combien quil fust le plus experimente des aultres respondi en disant com me de coeur tourble quil navoit riens apris fors tant quil se sentoit tout tel comme ung vaissel qui jour et nuit est tout wit. Autant respondi platon et non plus touteffoiz estoit il pour lors le plus grant clerc que len scevist en tout le monde et de la plus parfonde science Ceulx qui au jourdhuy sen veulent mesler nont gar de de ainsi respondre. ainchois feroient samblant destre moult grans clercs et experts pour acquerir la loenge du monde qui a dampnation les maine. et leur boute la folie en la teste si quilz nentendent aux vertus nes que font bestes. Et quant ilz scevent aulcune chose qui leur semble estre de valeur lors cuident ilz tout savoir Mais moult remaint de che que fol pense. ilz sont de la n ature des folz oultrecuidiez qui ne quierent que le loz des gens. Et si se traveillent a decepvoir le siecle che que une foiz chierement comperont. Mieulx leur venist aprendre telle science qui leur donnast a enten dre droiture. sicomme les anciens saiges faisoient. Lesquelz si petit prisoient le monde que tout leur temps

Last edit about 1 year ago by Marie Richards
Page 249
Needs Review

Page 249

C.xvi.

occupoient en aprendre philosophie. Ainsi estui oient anciennement les philosophes avant leur mort pour adreschier et attraire eulx et les aultres a la congnoissanche de leur createur et traveilloient moult pour adreschier toutes gens a vertu. ils ordon noient les monnoies que ilz portoient pour avoir leurs vivres en les achetant et paiant. car len ne don ne pas tousjours. Et pour la convoitise des gens qui ont paour de leurs despens corrompent droit et na ture. Car par rayson et droiture deveroit ung chascun prendre son vivre. Et pur che fu monnoie establie pour soustenir son vivre a chascun et sa vie. Lors que ilz par les chemins. Mais ilz amient leurs charon gues et leurs peaulx trop plus que besoing ne leur fust et retiennent des biens plus que mestier ne leur seroit pour leur ordinaire. Lesquels laissant empres eulx pourrir et voient que maintes povres person nes en ont si grant besoing. Les monnoies ne furent pas pour ceste cause trouvees fors pour avoir son vivre jusques ad che que la mort qui tout prend en feroit che quelle doit au plaisir de dieu et ainsi fus

Last edit about 1 year ago by Marie Richards
Page 250
Needs Review

Page 250

sent tous plus aises qui ne sont ores et eulx mieux chascun che quil lui fauldroit et si en demouroient a faire moult de pechies. Mais pas ne sont si sai ges comme furent ceulx qui par leur sens retrou verent astronomie que tholomeus ne oublia pas Ains y traveilla tant quil sceust et prouva le cours des estoilles qui sont ou ciel et leur mistere tout amont dont parle avons chi devant. Si vous ra compterons dores en avant la granduer de la ter re et du ciel de la lune et du soleil. des estoilles et des planettes qui ne sont pas choses communes a tous sicomme le roy tholomeus meismes les mesure jus ques en abisme et le preuve par raison en ung li vre quil compila nomme almageste quil vault au tant adire comme haulte euvre. Si veulliez oyr que il en dist a che que maint aultres en ont trouve qui lont esprouve apres lui par son livre ou il donna art de prouver regard de prouver Combien la terre LEs re a de hault entour et despez paR anciens philosophes me le Milieu:- surerent le monde de toutes pars par

Last edit about 1 year ago by Marie Richards
Page 251
Needs Review

Page 251

C.xvii.

leur art et par leurs sens jusques aux estoilles tout en hault dont ilz vouldrent savoir la mesure pour mieulx congnoistre leur nature. Mais premierement voldrent mesurer la terre et prouver sa granduer Et lors quilz eulrent la terre mesure alentour par ung art quilz sceu rent et prouve par droitte raison ilz la trouverent tout environ aussi comme len feist dune chainture une tour et puis fust la chainture estendue par le long et qui lors yroit du long de la chainture il trouveroit sa longueur grande. xx . M iiii . C et xxvii . miles. Dont la mile contient. mil pas. le pas . v . pies. et le pie . xiiii . pouches Tant a la terre de longueur entour par che trouverent ilz apres combien elle a despez par my et trouverent son espoisseur comme selle fust partie parmy. Laquelle a de longueur par dedens . vi . M et . v . C miles. Par ceste figu re daraine qui est selon nature droitte ilz mesurerent justement tout le hault du firmament. Car ilz ne sceu rent prendre ailleurs plusgrant mesure pour esten dre la grandeur de toutes choses qui sont encloses dedens le ciel:- Combien la lune et le soleil ont chascuN de leur propre haulteuR :-

Last edit about 1 year ago by Marie Richards
Page 252
Needs Review

Page 252

LA terre commune poserent les anciens phi losophes apres che ilz mesurerent les estoil les et les planettes et le firmament. En apres ilz voldrent mesurer la lune et prouver sa gran deur Si trouverent que le corps de toute la terre de dehors et dedens qui fut leur commune mesure estoit plus grant que le corps de la lune trente noeuf tant. et ung petit plus es ensus de terre si loings bien . xxiiii . tant et demy que la terre na despez par le milieu. et les cincq douzai nes avec tant a de haultesse et de grant. Aussi pareille ment touchant le soleil prouverent ilz par vraie de monstranche et par raison que il est plus grant que toute la terre nest par cent et soixante six foiz. mais ceulx qui riens nen scevent le croient a grant paine et si est souffissanment prouve tant par maistrise comme par le vray sens de geometrie. dont les pluseurs se sont depuis le temps des philosophes penez et tra veilliez pour en savoir la verite se ainsi en estoit com me dit est ou not tant que par visue raison ilz prou verent que les anciens avoient dit verite. Aussi bien de la quantite comme de la haultesse et au regard de

Last edit about 1 year ago by Marie Richards
Displaying pages 221 - 230 of 259 in total