ENPages That Need Review
Walters Ms. W.199, Gossouin of Metz, Image du Monde
Page 114
dun homme. Une aultre beste si treuve moult fi ere. la quelle a corps de cheval et teste de sangler et a queue dolifant. Si a deux cornes qui sont une cou te de grant chascune. dont il met une dessus son doz endementiers quil se combat de laultre. Il est noir et est moult terrible beste et penible et merveilles est en eaue et en terre. Ancores y sont veuz thoriaux qui sont tous blancs. ilz ont grosse teste. et la bou che ont tant large que la fente en dure le dune o reille jusques a laultre. et a cornes quil remue entour lui. si que nul ne le poeut dompter. Une aultre maniere de bestes ra en ynde que len appel le manthirora si a face dhomme. et a trois grans dens en la bouche grans a merveilles. Il a yeulx de chieure et corps de lyon et a queue de scorpion si a voix de serpent telle que par son doulz chant at trait les gens et les devenre. Et est plus habille daler que nest ung oyseau de voler Il ya pareille ment une maniere de beufz qui ont les pies tous reondz et ont el milieu du front trois cornes. An cores ya il une aultre beste de moult beau corsa
Page 118
Il converse et repaire celle part une aultre beste qui est de diverses coleurs par taches blanches. noires. verdes. yndes et jannes. Aussi comme selle fust pain te et est moult propre et est appelle panthere. et naist si grant doulceur de sa bouche quant elle alaine. que les bestes vont apres elle pour la doulceur qui part de son corps. fors le serpent auquel celle doulceur griesve si quil en muert souvent. Et quant celle beste est au cunefoiz saoulee de la venoison quelle prend si se dort trois jours tous entiers. et quant elle se esveille elle rend une oudeur tant doulce qui part de sa bouche que les bestes y courent tantost comme ilz la sentent. Celle beste na que une foiz faons. Et quant elle doit faonner elle a telle destresse et telle angoisse quelle rond aux ongles et deschire son marriz tant que ses faons en sont hors et jamais depuis que ainsi se sont deschirtes plus ne portent ne engendrent faons. Il ya une maniere de jumeaulx qui conchoivent du vent et sont en une contree qui se nomme capadoche mais ilz ne durent que trois ans. Celle part sont les olifans unes bestes grandes et combatans et quant
Page 119
elles voient leur sang espandre devant elles. elles en sont plus courageuses et plus fortes et sembatent en tous lieux et en toutes batailles. Sur ches olifans se souloient combatre les gens dynde et de perse. car ung olifant porte tresbien une grant tour de fust plaine de combatans armez quant elle est bien fer mee sur son doz. Si ont pardevant en maniere dun voiel pardevant (see note) grant et large dont ilz menguent du quel ilz aherdent bien ung homme et lont en pau deure devore. Les hommes du roy Alexandre lequel fut bon clerc et prinche de grande recommendation et qui routa en maintes contrees pour cherchier et enquerre les adventures plus quil ne faisoit pour conquerre avoir Lors quil se deust combatre a ceulx qui les elephans avoient duitz et apris de combatre en plaine terre. il fist faire vaisseaulx darain en for me dhommes et les fist emplir de feu ardant et les mettoient devan eulx comme pour combatre ceulx qui estoient sur les elephans. Et quant iceulx ele phans jettoient sur leur boiel devant dont ilz occi soient la gent sur yceulx hommes darain sentans
Page 121
cist. Elle repont ses faons ou il na boiz ne culeu vre et faonne ades dedens eaue. Car se ilz se cou choient par terre jamais nen releveroient pour tant que leurs oz sont tous entiers et roides sans jointes des le ventre usques aux pies. Et quant il veult dormir il se appuie a ung arbre et illec dort en estant. Et les veneurs qui vont querans les ar bres contr lesquelz ils se appinent pour dormir lors quilz ont trouvez ilz les soient par embas nom mie si quil verse. mais tellement que quant lelephant qui de che riens ne scet se voeult dormir se appuie a larbre ainsi soie et chief a tout larbre par terre et plus ne se poent relever Lors se prend a braire a criere et a gemir tant que aulcunefoiz advient que plente delephans surviennent illec pour lui aidier et quant ilz ne le poevent redrechier ilz braient et crient et font ung moult grant doeul. Et les plus petiz vont entour si le sourlievent a leur povoir tant que aulcuneffoiz advient quilz le lievent. mais quant ilz le ne poevent relever ilz sen vont gemissant et faisant leur doeul et le laissent. Et
Page 120
quilz estoient si chauldz quilz se bruloient ilz ne voldrent lors quilz en furent apris plus aprochier les hommes pour doubte du feu. Car ilz pensoient quilz estoient au si chauldz comme trouve avoient ceulx darain qui es toient plains de feu. Et escheva le roy alexandre par celui moien commen saige prinche quil estoit le peril et dangier de ches elephans. Si conquist celle sauvaige gent. Et tellement dompta les elephans que ilz ne osoient faire mal aux hommes. Les elephans vont moult simplement et moult accordeement ensemble Et quant ilz se entrecontrent ilz baissent les testes les ungs contre les aultres. ainsi comme se ilz sentres saluassent. Ilz sont de moult froide nature. dont il ad vient que quant len met sur le dent del yvoire du drap linge et charbons ardant dessus le drap ne brulera point Car tantost que le charbon sent celle froidure il sestaint tant est lyvoire froit. Les elephans nont phaons que une foiz en long temps. et les portent deux ans en leur flans. Ung elephant vit trois cent ans. il doubte la souriz et la culeuvre et craint la vermine Se la culeuvre saherd a lelephant elle la bast et loc
Page 126
tient trente trois regions dont la premiere est le royaulme de perse la ou une art appelle nigroman tie fut premierement trouvee qui fait constrainde re lennemy et tenir prisonnir. En celle contree croist ung poiz qui est tant chaulde quelle eschaulde les mains a ceulx qui la tiennent et va croissant avec la lune et descroissant a chascun de ses decours Ceulx qui sont nigromantieus saident tresbien de celle poiz. Apres celle region en a une aultre qui est appelle mesopothamie ou ninive une cite de tres grande signourie et puissante est assise et establie la quelle a trois journees en longueur et est moult large. En babilonne a une tour qui jadiz fut fait te par tresgrant orgueil. Dont les murs sont a merveilles grans fors et haultz et est appelle le tour babel. Elle a de hault tout environ quatre mil pas jusques au plus hault. En la region de chaldee fut premierement trouvee astronomie. En celle region est la terre de sabbe. et puis est la region de tharse. et apres vient celle darabe. De ces trois regions furent seigneurs et prinches les trois roix qui alerent offrir
Page 125
qui par leur vertu rostent lenfleure et la rongeur des yeulx Il y croist aussi une pierre qui est appelle toupace qui a sa couleur samblable a fin or. et qui est de haulte vertu. Ancores y croissent les rubiz qui est une pierre moult prisie et amee entre les hommes Aussi est elle de trop plus grant valeur et vertu que nest la toupace. Elle resioist la veue et si la reconfor te moulte. et par espetial a ceulx qui la portent. An cores y a il en ynde plente daultres manieres de pier res qui en elles ont moult de belles vertues et bontez Et qui plus avant veult savoir de leurs vertus et bon tez poeut lire dedens le livre appelle lapidaire auquel il trouvera leurs noms et vertus. Car pour le pre sent nous mettons fin a ceste matere pour vous racompter des contrees du royaulme dynde. Chi EN parle des contrees des pays des yndes ynde a plente de grandes contrees a merveilles qui sont poeuplees de di verses manieres de gens et de grant plente de be stes de moult de fachons et de conditions. Une contree entre les aultres y nommee perse et com
Page 124
et qui les portent sur eulx Or vous deviserons des pierres qui en ynde croissent et qui trouvees y sont et en brief. Chi parle des pierres pretieuses et de grant vertu qui croissent ou EN ynde croist le .Royalme dinde aymant qui est une pierre chargie de pluseurs grans vertus. Elle de sa nature attrait le fer a lui et le ravist si terriblement que nulz ne len poeut roster par la grant vertu qui est en elle. Le diamant croist pareillement en ynde tout entier Et ne poeut nullement estre despicie ne use se nest par la vertu de sang de bouc tout chault. Ancores y en croist de moult daultres fachons et ver tus lesquelles sont de moult noble recommendation et renommee et de moult belle vertu. Si vous parle ray tout premierement de lesmeraulde qui tant est plaisante a loeul que toute en est reconfortee la veue de celui qui la regarde. Pareillement croist en ynde une aultre pierre qui est appelle escarboncle. La quel le soit de nuit out en lieu obscur out cler elle reluist com me ung carbon ardant. Aussi y croissent les saphirs
Page 19
[image: Title: Cleric teaching four clerics Form: Small miniature, 12 lines]
Considerant que pa roles sont et demeurent vaines et esscriptures permanentes ont les faits des anciens este mis par declara tion en beaulx et a ournez volumes af fin qui des sciences acquises et choses pas sees fust perpetuelle memoire pour les coeurs nobles eslichier en lisant et estudiant les faites des saiges jadiz traveillaus en vertus prouffitables dont il advient que les ungs sont enduis a visiter le livres traitans de science particuliere. et les aultres a visiter les livres parlans de faits darmes et damours ou aultre ment. Et est che present volume appelle lymage du mon de. Et fust translate de latin en franchois par le comman dement et ordonnanche du noble duc jehan de berri et dauvergne. Lan . M. CC. et xlv. Si contient. lv Capi
Page 23
il neust oncques cree le monde autant vaulsist adoncques comme il poent jamais mieulx valoir. Car aultrement ne fust il pas dieu se il ne sceulst tout veist et oist tout quanques jamais estre poeut. Et se ainsi nestoit il fust et seroit def faillant et non puissant daucune chose. Et de tant fust et seroit homme mortel mais sa nature nest pas tel. Car il est dieu entierement sans commenchement et sans fin. Nul le chose ne lui est vielle ne nouvelle. Ainchois lui est tou jours belle et fresche. Et tous biens sont siens par droiture et par nature sen vont et retournent a lui. Car de lui proce dent et meuvent tous. Si retournent a lui en tenant le droit chemin. Il na jamais cure de nul mal. Car sa bonte est tou te pure nette et clere sans quelque espece de mal. Certes tous maulx lui sont contraires et pour che est il pure necessite que ilz se traient en sus de lui et de tous ses biens. Car che nest fors fiens et ordure. Si les convient descendre en parfont Et les biens fault aler contremont devant le souuerain createur qui est cler pur et net. Et les pechies qui sont obscures horribles et tenebreux sur toute rien laissent le bien qui est entour dieu et devalent en bas. Car il con vient que ainsi soit par raison et nature. Tout ainsi que