Manuscripts from the Walters Art Museum

mal baillie et essillie de malheurete et derreur. Si se tiennent en che quilz ont empris comme ceulx qui ont mis jus toutes les richesses du monde sans y de rechief retourner. Si en ont moult bonne ma niere. Car pour lamour de nostre seigneur ilz ont pris la vie de pourete et plente daultres qui sont au monde qui prendent example a ceulx qui voient qui bien font. Si en devons rendre gra ces a dieu et adrechier noz coeurs a bien faire tant que par droit nous puissons aler a la glore de paradis par nostre bien fait de quoy dieu nous douit si bon povoir de le desservier que nous en soions parchonniers. Mais puis que vous avey ouy racompter comment les septs ars furent trouvez et par qui je men deporte a tant pour racompter quelz ilz sont et de quoy ilz servent. Car deulx procede tout sens humain et toute loeuvre que len fait des mains et toutes proesses et toutes habilitez et tous biens et toutes humi litez. Et pour che veul je en matere et substance convenable descripre les vertus de chascun diceulx

et dont ilz procedent parcialement et de leur na ture. Puis parlerons du monde et comment il est compose a la Reonde. Mais avant toute euvre nous voulons parler des sept ars libe raulx qui ne sont pas a oublier Et premie rement nous toucherons del art de gram maire qui est la premiere des sept ars et sans la quelle les aultres six ne poevent avoir entiere perfection.

[image: A seated teacher, holding a sheaf? duster? speaking to four students, three of whom are kneeling and one seated. One holds a book. The teacher and students are all tonsured. Form: Small miniature, 11 lines Text: Grammar]

Chi parle de gramaire LA premiere des sept ars si est gramaire dont pour le temps de maintenant il nen est pas sceu le quart temps sans la quel le art touteffois toutes aultres sci ences de clergie en espetial sont de petite recommandation pour

che que sans ceste art nul ny poent prouffiter Car gramaire si est le fondement et le commenchement de clergie. Et est la porte par la quelle des enfanche len commenche et en continuant len parvient a sa pienche de clergie. Cest lart qui enseigne a fournier la parole en latin soit on en franchois ou en quel que aultre langaige parlant. Et qui bien sauroit toute gramaire il sauroit faire et construire toute parole et la prononchier. Example dieu fist le mon de par parole. Et la parole est au monde sentence.

[image: two monks debating, each with two followers behind. The two debaters' cowls are different. The monks behind don't have cowls.]

Chi parle de logique. LA second art si est logique qui est appelle dialetique Cest art preuve le pro et le contra. cest adire la verite et aultrement Et preuve par quoy len congnoist le bien et le mal. Et qui saroit toute logique sans quelque doubt il prouveroit

le bien et le mal. Si vraiement que par bien fut cree et fait paradis et au contraire fut par le mal establi enfer le horrible et redoubtable. Chi par le de Rethorique.

[image: Jesus sitting on a teacher's throne, and three monks standing in front of him.]

LA Tierche des sept ars est appelle rethori que qui contient en substance droi ture raison et or donnanche de pa role si ne doit estre pour fole tenue Car les droix par quoy les iugemens sont fais. Et qui par raison et selon droit sont gardez et mainetenuz en la court des roys des prinches et des barons viennent et pro cedent de rethorique. De cest art furent extraittes les loix et les decrets qui ont mestier et servent en toutes causes et en tous droix. Qui bien sau roit lart de rethorique il congnoisteroit le droit

et le tort. Par faire tort a aultrui est lomme perdu et dampne. Et par faire droit et raison a chascun est saulue et acquiert lamour de dieu son creatuer Chi parle de art de Arismetique et dont elle procede.

[Image: a seated monk using a pointer to indicate numbers written on a round, three-legged table.]

LA quatriesme art est appelle arismetrique. Cest art vient apres retho rique. si est assiz ou milieu des septs ars et sans lui ne poent estre nul des sept ars assiz parfaitement ne bien entierement sceue dont est expedient de le bien savoir Car tous les ars y prendent sub stanche si que sans lui ne poevent estre. Et pour celle raison fut il ainsi pose ou milieu des sept ars et illec tient son nombre. Car de lui proce dent toutes manieres de nombres et par toutes choses courent vont et viennent et nulle rien nest sans nombre. Mais pau parchoit comment

ce poent estre qui na este maistre des sept ars tant qu'il en sache a droit dire la verite. Mais nous ne povons pas orendroit racompter ne declarer toutes les causes pour quoy. Car qui vouldroit sur telles besoingues desputer il lui convendroit savoir moult de chose et molt de glose. Qui bien sauroit lart darismetrique il pourroit sur toutes choses veoir ordonnanche. Par ordonnan che fut le monde cree et fait. et par ordonnance du roy tout puissant et souverain sera deffait quant il lui plaira. Chi parle de Geometrie:

[image: a monk sitting in front of a table on which are written various geometrical shapes. There is an odd hanging fabric in the background, as well as a window.]

LA quinte art est ap pellee geometrie la quelle vault plus a astrono mie que nulles des aultres ars Car par elle est compassee et me suree astronomie. Aussi est par geometrie me

suree toute chose ou il ya mesure. Par geometrie poeut len savoir le cours des estoilles. qui tousjours vont et la grandeur du firmament et du soleil et de la lune et de la terre. Par geometrie poeut len sa voir la verite de toutes choses. et la quantite de tou tes choses ja si loingtaines ne seront pour tant que len les puist veoir ou choisir a loeul. Qui bien en tend geometrie il voit mesure en toutes maistri ses. Car par mesure fut le monde fait et toutes aultres choses haultes basses et parfondes Chi parle del art de Musique et dont elle procede.

[image: a seated monk holding a hammer in order to ring six hanging bells.]

LA sixiesme des sept ars cest mu sique. la quelle se for me de arismetrique. De cest art de musi que vient toute attem peranche. Et de cest art procede aucunement phisique. Car aussi comme musique accorde toutes choses qui se discor

dent en elles et des remaine a concordanche. tout ainsi se traveille phisique de ramener a point na ture qui se desnature en corps humain quant aucu ne maladie lencombre. Mais phisique nest mie du nombre des sept ars de philosophie. Ainchois est ung mestier qui se adonne pour saner le corps de lomme et pour le preserver de toutes maladies tant comme la vie lui est au corps. Et pour che nest elle mie liberalle car elle sert de garir corps humain qui souventeffoiz pourroit de legier perir Et nulle rien nest liberalle ne franche qui vaist de terre. Et pourtant science qui sert a corps humain pert sa fran cise. mais celles qui servent a lame desservent au mon de liberal nom. Car lame doit estre liberalle sicomme chose qui est de noble estre comme celle qui vient de dieu et a dieu sen voeult et doit retourner Et pour che sont les sept ars liberaulx car ilz font lame toute franche. Et daultre part ilz enseignent tout che que en chascune chose len doit proprement faire. Et cest la droitte raison pour quoy toutes sept sont appellees ars liberaulx. car elles font lame liberalle et de tout

mal la delivrent. De cest art est musique ainsi comme qui se accorde a chascune si bien que par elle furent les ars concordez comme ancores durent. Par cest art sont extraits et sourdent tous les chants que lenchan te en sainte eglise. Et toutes les accordanches de tou tes les instrumens qui ont divers accordemens et di vers sons. et ou il a raison et entendement daucunes choses. Certes qui bien scet la science de musique il scet lacordanche de toutes choses et toutes les creature qui se pa[um]ent de bien faire se remainent a concordance Chi parle on del art de ASTROnomie:

[image: a seated monk holding a globe to four standing monks. In the background the wall is gapped to show the sun and sky.]

LA septiesme et derrienie re des sept ars libe raulx est astrono mie qui est de tou te clergie la fin. Par ceste raison poeut et doit len enquerre des cho ses du ciel et de la terre. et par espetial de celles qui

sont faites par nature ja si longtaines ne seront. Et qui bien scet et entend astronomie il scet mettre raison en tou tes choses. Car nostre createur fist toutes choses par raison et donna son nom a chascune chose quelconque. Par cest art furent premierement enquises et emprises toutes aultres sciences de decrets et de divinitez. par quoy toute christienete est convertie a la droitte foy de nostre seigneur. dieu amer et servir le roy tout puissant. Auquel et du quel tous biens viennent et retournent qui toute astro nomie fist et le ciel et la terre. le soleil. la lune et les estoilles comme celui qui est le vray voille et le vray gouverneur de tout le monde. et comme celui qui est le vray reffuge de toutes creatures. Car sans son plaisir riens ne poeut avoir duree. Certes cest le vray astrono mien car il scet tout et les biens et les maulx comme celui meismes qui composa lastronomie que len souloit jadiz fort frequenter et tenir pour treshaulte besongne Car cest ung art de si tresnoble estre que qui en pour roit la parfaitte science avoir il pourroit droitement congnoistre comment le monde fut compasse et plen te daultres sciences partiales. Car cest la science