Manuscripts from the Walters Art Museum

[image: Title: Three diagrams of the division of the earth Form: Diagrams, 6 lines (top) and 9 lines (bottom) Corners of top panel inscribed: "la pomme fendue en quatre quartie[r]s"; at the center of the folio, the diagram at the right reads: "la droite ligne de midi"]

tiers tout droit de long et de le par le moilon si en pelissiez ung quartier et esten dissiez la pelure pour mieulx veoir et enten dre la fachon en plaine terre on en vostre main

ET en la fin de cest ligne sicomme elle va a ligne droitement povons nous veoir une cite qui est appelle Aaron Elle siet ou milieu du monde. et fu faite toute reonde. La fut trouvee astronomie premierement

par grant estude par grant mastrie et par grant diligence. Che lieu Aaron est nomme le droit mi di comme celui qui est assiz ou milieu du monde. Laultre chief de celle ligne qui seit va droit devers senestre est appelle septentrion et prend son nom des sept estoilles et tourne vers laultre montaigne qui maine les maronniers par la mer En laultre ligne qui est en milieu que midy trenche par my en la fin devers orient sicomme dient les aucteurs est paradis terrestre ou Adam fut jadiz fait et cree Che lieu est appelle orient car de la nous naist le soleil qui nous rend le jour environ le monde. Et laultre chief est appelle occident car le jour y fault et obscureist quant le soleil gist celle part Ainsi et par ceste raison sont nommees les qua tre parties du monde. Dont le premier contient orient. La seconde occident. La tierche midi. Et la quarte septentrion. Et vous povez entendre che que Jen vous enseigne par ceste present fi gure la quelle Je vous demonstre et discerne bien.

[image: Title: Division of the earth Form: Diagrams, 9 lines (top) and 6 lines (bottom) Text: Chi commence la seconde partie de che present liure et declaire comment la terre est devisee et quelle part elle poeut estre habitee Comment: Top left diagram inscribed top center clockwise: "paradis / terrestre / terre / Midis / Occident / Mars / Septentrion"; the diagram below has the corners above inscribed: "Ori / ant," and the corners below: "Occi / dant"]

Ches quatre par ties que je vous declaire qui sont assi ses en ung quartier de toute la terre du mon de si doivent avoir ron de fourme. Car raison et nature donnent que tout le monde soit re ond. Et pour che entendez de cest quartier aussi com me sil fust tout arreondi. Or faisons doncques de cest quartier ung cercle qui soit tout reond et tout entier et le mettons ou milieu de celle ligne qui enseigneront orient et occident pour metter les parties a leur droit que ceste figure chi contre vous enseigne. Sicomme vous le povez veoir sans quelque def faulte. APres soit chascune partie tournee vers son nom en terre dont chascune

[image: Title: Diagrams of the division of the earth Form: Diagrams, 6 lines (top) and 8 lines (bottom) Text: Apres soit chascune partie tournee vers son nom en terre Comment: The diagram at the top left has inscriptions from center top clockwise: "Orians / Mars / Occidant"; the diagram below has a blue top half of the earth labeled: "Ayse le grant" at the center and "Oriant" below at the left; the lower half of the earth is divided into red and pink quadrants, respectively labeled: "Septentr[i]on" and "Midi"]

dicelles sera la quarte par tie. Si en prendez ceste figu re pour enseignement et de monstranche certaine et vraie TOute la terre qui est au monde habitee est devisee en quatre parties. Et pour che comment il par ceste raison faire une aultre division dont la partie qui est vers orient soit appelle aise la grant. Et est ditte aise dune royne qui jadiz fut dame dicelle region. Et estoit appelle aise. celle partie nommee aise tient autant despace comme font les aultre deux Et pour che est elle appelle aise la grant Et dure les septentrion jusques a midi. Sicom me cest figure laquel le veez ychi contre le vous demonstre et enseigne plaI.N.E.M.E.N.T

[image: Title: Diagram of the division of the earth Form: Diagram, 8 lines Text: Laultre partie si est Europe. Comment: The top half of the diagram is inscribed: "Oriant / Ayse la grant / Midi"; pink and red quadrants below are respectively inscribed: "Europe / Anfrique"]

LAultre partie si est europe. Et prist son nom dun roy nomme eu ropes. lequel fut sire de celle terre. Et pour che fut elle ainsi ap pellee. Et dure de oc cident jusques en septentrion et marchist envi ron aise la grant. laultre partie si est auffrique qui sestend depuis midi iusques en occident. Et est auffrique nommee denfer et vault autant a dire comme aportee. Ainsi est la terre devisee en trois parties. dont ceste figure est la droitte ordon nanche sans aulcune doubte:-- DE ches trois parties du monde chi dessus nommees tiennent chascune maintes re gions et maintes contrees desquelles ou de la plus saine partie nous dirons les noms et comment les bestes qui y sont plus communes sont appellees Aussi vous dirons les conditions et fourmes

daucunes et par espetial de celles qui sont plus veues par les hommes. Si parlerons tout premierement des gens des contrees puis des bestes et des poissons Sicomme nous devise le livre dont est extrait ces tui mapemonde. Chi apres parle de paradis ter restre et des quatre grans fleuves qui en partent:-- LA premiere region daise la grant si est paradis terrestre. Cest ung lieu qui est plain de soulas de plaisanches et de delices si que nulz qui laient soit ne poeut en viellir ne mal avoir en nulle maniere du monde En celui paradis est larbre de vie. et qui en auroit mengie du fruit il ne morroit tant que le monde durast. Mais homme nul vivant ny pourroit aler se nostre seigneur dieu ou son angele ne lui conduisoit et menoit. Car tout alentour il eset cloz de feu ardant. le quel va flamboiant iusques aux nues. Laiens sourt une fonteine qui est devisee en quatre fleuves. Dont lun est appelle ungages. Il sen court au long du royaulme dinde et se depart en pluseurs bras. Il sourt du mot qui est appelle

orthobares. Le quel siet devers orient et chief en la mer doccident. Le second diceulx quatres fleuves est nomme gron ou Nilus. Si rentre dedens terre par ung pertruis et sen court pardedens la terre Et tant que il ressourt en la longue mer qui en vironne toute ethiope si quil se depart en sept par ties et va courant par egipte tant quil rechief en la grant mer Les aultres deux fleuves. dont lun est appelle tigris. et laultre eufrates sourdent en hermenie pres dune moult grande montaigne qui est nommee parthoacus. Et traversent ches deux fleuves maintes grandes contrees tant que ilz rencontrent la mer moyenne ou tous deux se fierent dedens. Sicomme leur nature le requiert Au deca de paradis terrestre tout alenviron a moult de divers lieux sans nul retour car nulz homs ny pourroit habiter ne trouver point dont il peust vivre. Ainchois y treuve len plen te de males bestes qui la sont fieres et criminel les et de maintes guises en ya. la sont les iaians et les chevellus qui devenrent et menguent tout

comme font les loups et plente daultres bestes sauvaiges. Chi parle des regions dynde et des cho ses que len y poeut Trouuer:-- APres viennent les countrees des Indes lesquelles prendent leur nom dune eaue qui est appelle. Inde qui sourt devers septentrion. Les yndes sont encloses de la grant mer tout alentour qui les advironne En ynde siet une isle nommee probane. ou sont fondees dix citez et plente daultres villes. ou il a chascun an deux estez en deux yvers. Et sont tellement attemprez que il ya tousiours verdure. Et sur les arbres a continuellement et feulles et fruit et fleurs Et si est moult plentureuse dor et dargent et bien fertilles daultres choses. La sont les grandes mon taignes dor et de pierres pretieuses et daultres Ri chesses a plente. Mais homme nul ny ose appro chier pour les dragons et pour les griffons sauva ges qui ont corps de lyons volans qui emportent franchement ung homme bien arme et monte sur son cheval quant ilz les poeuvent aherdre aux on

gles. Il ya ancores plente daultres lieux tant delitables et tant doubs et si espirituelz que se ung homme estoit dedens il diroit que che seroit ung droit paradis. Des diversitez estans en la IL ya en la terre dinde une tresgrande mon terre dinde taigne que len appelle mont capien. Et est une moult grande region. Illec sont une maniere de gens sans sens et sans discretion que le Roy a lexandre encloist la dedens. et sont nommez goz et magoz. ilz menguent la char toute crue soit dhom mes de femmes ou de bestes comme gens fourse nez ou demoniacles. Ceste ynde dont je vous ra compte contient . xiiii . regions Et en chascune di celles regions a moult de gens et se ya de si grantes boiz et tant haults que ilz adviennent jusques aux nues. Et la se treuvent gens qui sont cornuz et nont que deux coutees de hault. Et sen vont en semble par grans compaignies. puis se comba tent souventeffoiz contre les grues qui les assai lent. mais en dedens sept ans deviennent anciens si quilz meurent pas vielle. Celle gens sont ap

pellez pigmei et sont aussi petiz comme nains. As sez pres de celle contree croist le povire tout blanc. et la vermine y est si grande que quant len le voeult os ter et coeullier il y convient bouter le feu pour en oster la vermine. Et quant il est ainsi brulle len le treuve tout noir et tout crespe. Ancores y ra aultres gens qui tous sont veluz. lesquelz menguent les pois sons tous cruz et boivent leaue de la mer salee. Anco res y a il aultres gens que len appelle groing et brag mani qui sont plus beaulx que ceulx que ya dessus vous avons nomme. lesquelz pour garantir la vie daultrui se mettent morir en ung feu ardant. Il y Ra ancores une aultre maniere de gens lesquelz quant leurs peres leurs meres our leurs aultres pa rens sont fort anciens et pres de la mort a leur ad viz ilz les occisent et les sacrifient sont a tort out a droit et en menguent la char Et tiennent a mes chans et a eschars tout ceulx qui en che point en font de leurs prochains parens. Car celle maniere de fai re tiennent ilz a grant bien a grant honneur et a grant largesse. Et pour che en use chascun ainsi et de