Page 46

ainsi comme religions. Et se mettoient en tel lieu
que trois ou quatre foiz la sepmaine ilz se retrou
uoient en samble pour eulx soulacier et esbatre.
Et rendoit chascun raison de che quil auoit trouve
et apris et tant que ilz auoient experimente que
vray estoit qui plus en sauoit et quilz trouuoient
auoir plus grant entendement. Si leslisoient par
le consentement de chascun et celui leur recordoit
leurs raisons oyans tous les compaignons et recor
doit a tous ensamble tout che que chascun auoit
dit tellement que tous si accordoient et mettoit
chascun par escript che que le maistre auoit dit. en
telle maniere furent premierement les clergies con
trouuees et auancees. Et tant trauelleirent et est
dierent quilz sceurent de par nostre seigneur du quel
toute science naist et habonde grant partie de che
qui en est. Mais che ne fut mie en pau de tamps
ainchois y misrent bien longuement et moult
y estudierent et entendirent. Et ceulx qui furent
premerains tout che quilz entendoient et sauoient
mettoient par escript au mieulx quilz pouoient