Page 189
Facsimile
Venus et Mercure. Au dessus de la lune et de ches deux
est le soleil qui tant est bel et pur quil rend par tout
le monde clarte. Et est assiz tant hault amont que son
cercle est tant plus spatieux et grant que celui de la lune
qui fait son cours en . xxx . jours douze tant. Mais le so
leil qui va plus loings de la terre que la lune met son
cours a fair . ccc . lxvi . jours C'est douze tant plus ung
jour oultre . sicomme le kalendier le nous enseigne
et ancores avec che le quart dun jour Che sont . vi . heu
res. Mais pour che que diversement eult lan commen
chement . lun commencha de jour et laultre de nuit si
eult este trop grant ennuy a moult de gens fut celui
quart dun jour attribue en che que en quatre ans
est consumme Le jour qui est oultre . Lequel est nome
bissexte qui en quatre ans est une foiz. don len met
par usaige de quatre ans en quatre ans plus ung jour
Et lors est le soleil revenu en son premier point cest
en my mars qui le nouveau temps recomenche et que
toutes choses se traient a amour par la vertu du re
tour du soleil. Car a celle saison eult premierement
le monde son comenchement et pour tant revient
Notes and Questions
Please sign in to write a note for this page