Page 212
Facsimile
la vertue qui gist ou ciel vivent toutes choses qui sont
en dessoubz. Et se il venoit a plaisir a nostre seigneur
quil feist tenir le ciel tout quoy si quil ne tournast
a la ronde tout entour il nest nulle chose en tout le
monde qui se peust mouvoir ne qui en elle eult nul
sens neant plus que ung mort qui riens ne sent ne
ou il na ne sens ne mouvement comme celui qui
na point de vie. Et en tout autel point que chascune
chose seroit aleure que le ciel lairoit son mouvoir
tout ainsi seroient que jamais ne se mouveroient
tant que le ciel rauroit mouvement. Et lors resse
roient aultrement. Mais qui lors pourroit de son
sens user et veoir que il seroit moult pourroit veoir
de samblanches et de diverses coutenances es aultres
gens qui ne se pourroient remuer Car sil ny avoit
mouvement ou ciel il nest riens qui peuist vivre en
terre. Aussi dieu ne le vouldroit qui tout voeult par
droit establir. Ainsi fu le voloir de dieu en qui toutes
vertus habondent fourmer tout le monde. Car il ne
crea ne ne fisst oncques chose a qui il ne donnast sa
vertu telle comme il la devoit avoir Aultrement eust
Notes and Questions
Please sign in to write a note for this page