fol. 8v

Melius est bene mori, quam male vivere,
melius est non esse, quam infeliciter esse.
Ad comparationem miseriarum mearum
feliciores esse mortuos quam viventes
constat. Parcite dolori meo quaeso par-
cite moerori meo, quaeso parcite, ignosci-
te angustiae meae, veniam date, indulge-
te meis doloribus, in tanto dolore contra
me commoveri nolite. Percussionem enim
meam plango, calamitatem meam deploro,
familiarem cladem miseriae meae lugeo.
Plura enim ministrat dolor. Non vale-
o consolari miser, impatiens est dolor meus,
infinitus est moeror meus, nullatenus leni-
tur vulnus meum, nullus lacrimis mo-
dus est, nullus dolorum finis est. Iam nulla
fiducia est animi, iam ferre non potest,
iam victus miseriis concidit animus.