Bodleian Library Bodley 779

ReadAboutContentsHelp

Pages

1
Complete

1

Seint donston þe bischop
Seint donston was of ingelond ycome of gode more meraklis oure lord dede for hym ar he were y bore ffor þo he was in his modris wombe a candelmasse day þat folk was at chirche y nouȝ as þe tyme hit lay as hy stodin alle wit here lyȝt as me somtyme dede and also doþ nouȝ here lyȝt a queynte oueral þat noman hit nyste houȝ here lyȝt hit barned swyþe wel here lyȝt hit was al oute þe folk stood and gret wondir hadde and wer þere for in gret doute and by speke ek ech to ore in woche maner hit were and houȝ hit queinte so sodeynlyche þe lyȝt þat hy bere as þey stode and speke her of in gret wondir echon seint donston his modir taper afere he worþ anon þat ȝhe held þere in here honde ȝhe nyste whennes hit com þe folk stodin and be held and gret wondir þere of nom ne non nyste whennes hit com but þor w[?] oure lordes grace and þere of hy tende al here lyȝt aboute al in þe place what was þat lyȝt but our lord crist fram heuen þat lyȝt sende and þat folke þat stodin aboute here tapris þere of hytende bot of þat ilke holychyld þat in here wombe was þere alle ingelond cholde ben y lyȝt bet þan hit er were
Last edit 11 months ago by KDase
2
Complete

2

Dounston
86 þis child was y bore ny hondred ȝer⹎ and fyue and twenty ryȝt after þat oure swete lord⹎ in his modir was alyȝt and þe ferste ȝer of crounyng ⹎ of þe kyng aþelston his modir het kendred⹎ his fadir het herston þo þis chyld was an erþe y bore⹎ his frendis nam þere to hede hy let his dan to glastyngbury ⹎ to norchin and to fede to techen ek his beleue⹎ his pater noster and crede þat child wex and wel y reyȝ ⹎ as hit moste nede lyte ȝeme he non to al þis world⹎ to alle goodnesse he drouȝ echman þat y hurde of hym speke ⹎ of hym hadde ioȝe ynouȝ þo he was of manner witte ⹎ to his oncle he gan go þe erchebyschop of caunturbere⹎ seint aldelme þat was þo þat made wit hym joye y nouȝ ⹎ and eure þe leng þe more þo he y seyȝ of his goodnesse ⹎ and of his wis tore for domite þat he hadde of hym ⹎ he let hym sone brynge be fore þe prince of ingelond⹎ aþelstan þe kynge þe kyng wit hym made ioye y nouȝ⹎ and granted alle his bone of what þyng so he wolde bidde ⹎ if it were to done þo bad he hym an abbey⹎ þat he was on forþ y brouȝt in þe toun of glastyngbery⹎ þat hym he ne werned nouȝt þe kyng granted his sone anon⹎ and after hym also edemon his broþer þat was kyng⹎ and in his power y do To glastyngbere he wente sone⹎ þis goodman seint donston þo boþe kynges hym ȝeue leue⹎ edemond and aþilston of þe hous of glastyngbery ⹎ a gret ordeynour he was and made moche of here good reule⹎ þat among hemer neuer nas at þat house was furst by gonne⹎ four hondred ȝer by fore and ek pre and syxty ȝer⹎ ar seint donston were y bore ffor þer was ordre of monkes⹎ ar seint patrik com and ar seint austyn to ingelond⹎ brouȝt furst cristyndom and seint pateryk deyde⹎ four hondred and to and syxty ȝer after þat oure swete leuedy⹎ oure lord an erþe ber and none monkes þer ner ferst⹎ bete as in hydyng echon and as men drowe to wildirnesse⹎ for drede of goddees soon seint donston and seint aþelwold⹎ as oure lord crist say y ordred to prestes were⹎ as in one day þerafter sone to glastingbery⹎ seint donston anon wede and abbot he was suþ þer ymade⹎ his lyf for to amende and for he nolde by his wiffe⹎ non tyme idel be a preue smery by his selfe⹎ he let make to yre ffor whan he moste of his orysones⹎ reste for werynesse to worke he wolde pore men⹎ þe whyle he myȝte dure al day for þe leue of god⹎ he ne kepte of hem non hure and whan he sat at his work þer⹎ his honden and his dede and his herte at jhesus crist⹎ his mouþ his hedes eure bede so þat al at otyme⹎ he was at þer stedis his honden þer ⹎ his herte to god⹎ his mouþ to bidde tohis hedis and þerfore þe lond hadde to hym⹎ gret enuye and onde atyme he com to his smeþy⹎ al one hym to fonde lyȝt as þe sonne ȝede adoit⹎ as þey he a woman were and spake myd hym of his worke⹎ myd stad leyȝenge chere and seyde þat he hadde mydwy hym⹎ gret werke to done
Last edit 11 months ago by KDase
3
Complete

3

trusting he smot her and þerand in an oþer tale sone just holyman hadde gret wondir⹎ þat was her and þere he sat longe and hym be þouȝ⹎who so þat hit were þo he be þouȝt hym who hit was ⹎ he drouȝ forþ his tonge and layde hym in þe hote feer ⹎and spake fayr wel longe ffort þe tonge was alle afureand suppe stille ynouȝ þe deuel he hente by þe nose⹎and suppe wel faste drouȝ he twende and chok here by þe nose⹎ þat þe feer out blaste þe deuel wrikked her and þer ⹎ and euer he held wel faste he ȝal and hoped and drouȝ aȝen ⹎and maked grislyche bere he nolde for al his byȝete⹎þat he hadde y come þere wit his tonge he str[ok?] his nose⹎and twinched hym euer sore for hit was wit in nyȝt ⹎ þat he ne myȝt yse namore þe chrewe was glad and blyþe ynouȝ ⹎ þo he was out his honde he fleyȝ and gradde by þe lyft⹎ þat men hym herd in to alle þe londe But out what haþ þis calw y do ⹎ what haþ þis calf y do yn þe contrey men herde wide ⹎ houȝ he gradde so as good þe chreue hadde y be ⹎ habbe y snyt atome his nose he ne hyed namore þedirward ⹎ to tolyed hym of þe pose Þis holyman seint donston ⹎ hadde gret power wit kyng edemond þat was þo ⹎ and was alle his conseyler after kyng edemonde his doþe ⹎ a good whyle þer was agoon þat edewyne his sone was kyng ymade ⹎ and nouȝt afterward anon þis edewin hadde euel red⹎ and þer after he drouȝ⹎ wit seint donston he was wroþ ⹎ syker with gret wouȝ of his abbeye he dede hym out ⹎ and dede hym chame y nouȝ þe more chame þat he hym dede ⹎ þe more þis goodman louȝ he drof hym out of ingelonde⹎ and let hym c[?] yfleme þis goodman wente forþ wel glade⹎ ne toke he neuerȝeme to þe abbey of seint amounde⹎ by ȝmde þe see he drouȝ and soiourned þer longe⹎ and ladde good lyf ynouȝ ⹎after kyng edwynys deþ ⹎ edgar þat was his broþir was kyng ymad for he was ⹎ ner þan eny oþer swyþe goodmon he by com ⹎ and loued wel holycherche and echman þat hym þer to ladde⹎ after hy he gan werche Men tolde hym of seint donston⹎ þat his broþer brouȝt of londe wit onryȝt for his goodnesse ⹎ and by gan hym ondirstonde after hym he sente anon ⹎ þat he com aȝen sone and bleued his conseyler ⹎ of þat he haued to done seint donston com hom aȝen ⹎and fayre was ondirfonge and hadde his abbey alle in pes ⹎ fin wham he was so longe wit þe kyng he was swyþe wel ⹎ and was alle his conseiler moche me spak of his goodnesse⹎wel wide fer and ner hit be fil þat þe bysschop⹎ of wirsetre was ded þe kyng and þe erchbysschop⹎ þer of nom here red and þe holy abot seint donston⹎ bysschop þey made þere to make hym herre in goddes laue⹎his wil þey hit nere somme asked of þe erchbisschop⹎ of caunturbery syre eode wherfore he hym made bysschop⹎ and his gracis were so gode ffor he chal guaþ þis[?] goodman⹎ after me here be erchebysschop of caunturbery⹎ and þat men may jse what wostouȝ er sedeþ oþer sede⹎ þou spekest follyche yjis nostou namore þan þy foot ⹎ for up god alle hit is my loue frond and þis goodman⹎ ne dorre ȝe me blame nouȝt wel y wot what oure lord cryst⹎ in my mouþ haueþ y brouȝt

Last edit 11 months ago by KDase
4
Complete

4

Dounston
87 as who seiþ of þilke þing ⹎ þat he haþ in me ysed tellen ymay þeyȝ hit by falle ⹎ after þat ich am ded Bysschop he was of londn ⹎ seint donston suþþe also of london and of wirsetrerand helde boþe to suþþe hit by fulle þat þe erchebysschop ⹎ of caunturbere was ded þe pope and þe kyng edegar ⹎ þer of hy nom here sed and þe gode seint donston ⹎ erchebysschop mad þere and alle men þat hym y kneue ⹎ wel glad þer of were cristinmen of ingelond⹎ to gode stat he drouȝ and þe ryȝtes of holycherche⹎ he held up faste ynouȝ he fourmed þorw out al ingelond ⹎ þat eche person cholde chese to wetye hym chast fram lecherye ⹎ oþer here cherche lese seint aþelwold was þilke tyme ⹎ bysschop of winchestre and seint oswold þat goodman was ⹎ bysschop of wirsetre þese tweye bysschopes and seint donston ⹎ weren alle at one rode and edgar þe gode kyng ⹎ to don þis gode dede þese þre bysschopis wente aboute ⹎ þorw out al ingelonde and ech leþre person out caste⹎ ne myȝt hem non astonde here chertes and hereer gode ⹎ clenlyche hem bynome and bysotte hit on gode men ⹎ þorwȝ þe popes graunt of rome and eȝte and fourty abbeys ⹎ of monk and of nonne of þe tresour þat hy rered in ingelon ⹎ of persones so ywone and so hit was wel bet bysette⹎ þan hit was er on schrewen ffor whanne good maystris beþ ⹎ some godnesse hy wolleþ scheuen gode were þese þre bysschopes ⹎ þat at one tyme weren þo and ȝut ingelond is þe betre for hem ⹎ and worþ for euremo Oure lord ȝaf an erþe ⹎ seint donston wel fayr grace þat on atyme as he was ⹎ in apreue place his fadir and his modir ek ⹎ in þe ioye of heuen an hyȝ aft þat hy ded were heþe ⹎ aportlyche he syȝ wel gret loue oure lord hym cudde⹎ when he hym schoued þere so moche of his preuete ⹎ þe whyle þat he alyue were as he lay an oþer tyme ⹎ in his reste anyȝt he seyȝ þe ioye of heyene⹎ and þe place þer in wel bryȝt aungoles he herde also synge ⹎ and merye song þer inne þat men syngeþ ȝit in holycherche ⹎ whanne doþ masse bygynne kyrieleyson ⹎ and xpemeleyso ⹎ was þat murie song þis holyman þat þis y hurd ⹎ ne þoȝt þis nouȝt to long wel auȝt he to heuene come ⹎ aftir his ending day whan he þe whyle he was alyue ⹎ so moche of heue ysay harpe he loued swyþe wel ⹎ he couþe of harpe ynouȝ aday as he sat in his so bas ⹎ and alay þer on drouȝ he hend it up by þe wolle ⹎ þo hit was tyme to ete þo hit was redy þer to y brouȝt ⹎ he sat adoun to his mete of heuene he gan to þenche sone ⹎ of ioye þat was þere of þe blisse þat was þer among ⹎ haluen þat þer were he sat as he were ynome ⹎ so moche þer on he þouȝte his harpe þat hyng by þe wowe ⹎ of wham he lyte þouȝte by gan to kyþe his holy þouȝt ⹎ ded ore þey it were as oure lordes wille was ⹎ as yhurde alle þat wer þere an by hym sulf he gan to harpe ⹎ amery steuene y wis þat me syngeþ ȝit in holycherche⹎ þat an englichs is þis alle halwen soules glade beþ ⹎ þat in heuene beþ y do þat sueþ oure lordes weye ⹎ and for hym chadde here blood also
Last edit 11 months ago by KDase
5
Complete

5

XIX þat blood for his swete loue ⹎ and þerfore hy chosseþ wone and kynges be wit outen ende ⹎ with crist goddes sone þis andrim þat murie is ⹎ as þis folk herden alle þe harpe song by hym selue ⹎ as he kyng by þe walle ffayr grace ouer ford scheued þer ⹎ whan þat þe dede tre so scholde synge of þilke ioye ⹎ þat he chold in be lord y heryed be þy grace ⹎ and þy myȝt also þat þu wast for hym alyue here ⹎ soche merakle do Þo þis holymon hadde y leued⹎ an erþe many aday and his ende was ny y come ⹎ as he hym sulf ysay an holyþorsday he fyl syk ⹎ as hit fil in þe ȝere he let ofsende his frendis ⹎ þat spesial with hym were⹎ his men þat hym seruedek ⹎ he let clepy also and for ȝaf hem alle here trespas ⹎ þat hy hym hadde mysdo and asoyled hem of here synne ⹎ and in goddes bendes lay and so he lay alle þulke tyme ⹎ and also þe fryday he let clepen þe saterday ⹎ þe freres byfore hym alle and bade hem alle good day ⹎ and seyde what scholde by falle and let hym do alle his ryȝtes ⹎ and oure lordes flesch nom his soule wente out of þis werlde ⹎ and sone to heuene come Nyne hondred ȝer and fourscore ⹎ and in þe eȝteþeȝere he deyde after þat oure leuedy ⹎ oure lord on erþe bere and þus endeþ þe lyf ⹎ of þis holy seint donston þat with gret trebelacioun and anyȝ ⹎ ouercom his son and wente to þe ioye þat neuer ne chal mysse⹎ How jhesus for þyn holyname ⹎ grant us þat ilke blisse {Amen}

Last edit 11 months ago by KDase
Displaying all 5 pages