1

SEint Austin þa^t crⁱstendom · broȝte into engelonde ¶De Sancto Agustino
Riȝt is among oþer wis · þa^t he beo vnder stonde
Sein Grⁱgori þe holyman · pope was of rome
Engelond he louede muche · þei he neuere þer necome
Me tolde him þa^t þelond was god · ⁊ þa^t it heþene was
Sori was sein Grⁱgory · þat it y crⁱstned nas
Him sulf he wolde habbe Iwend · here in to engelonde
Ac he ne moste for is cardinals · ak scholde sende is sonde
¶Wiþ an forti of godemen · seint austin he nom.
And sende hom here Into engelond · to prechi crⁱstendom
Þa^t echone monkes were · seint austin and eke þe oþere
Þis holymen hom wende forþ · þa^t alle were as is broþere
After þa^t god was Ibore · fif hondred ȝer it was
And four score and ney to ȝer · þa^t hi dude þis holy cas.