3

OverviewTranscribeVersionsHelp

Here you can see all page revisions and compare the changes have been made in each revision. Left column shows the page title and transcription in the selected revision, right column shows what have been changed. Unchanged text is highlighted in white, deleted text is highlighted in red, and inserted text is highlighted in green color.

11 revisions
KendallB at Aug 21, 2023 06:48 AM

3

{¶ Saynt Dunstan }
With þe kyng Edmunde þat was þo  ⁊ was his counselere
After kyng Edmondes deþ  agode whyle hit was gon
Þat Edwyn his sone was kyng  but not after anon
¶ Þis Edwyn hade euel rede  ⁊ þerafter he drogh
With saynt Dunstan he was wroþe  ⁊ þat with ful grete wogh
He drof hym of his Abbay  ⁊ did hym shame ynogh
Þe more shame þat he him did  þe more þis gode mon logh
He drof hym out of Englond  ⁊ lete hym do fleme
¶ Þis gode mon went out gladly  ⁊ toke he neuer ȝeme
To þe Abbay of saynt Gamond  þider soone he drogh
And soiourned þere ful longe  ⁊ lad gode lyf ynogh
And þo þe kyng Edwyn was ded  Edgar þat was his broþer
After hym was made kyng  for þen þer was non oþer
A ful gode mon he was  ⁊ loued holy chirche
And whoso him þerto rad  after him he wolde wirche
¶ Men tolde hym of saynt Dunstan  þat his broþer drof of lond
With vurȝt for his gode dede  as he con vnderstonde
After hym he sent anon  þat he aȝeyn come soone
And made him all his counselere  of þat he hade to done
Saynt Dunstan come home aȝeyn  ⁊ fayre was vnderfonge
And aght his Abbay al in pes  from which he hade ben longe
With þe kyng he was ful wele  ⁊ made his counselere
¶ Hit bifel þat þe bisshop of Wircetre was dede
Þe kyng ⁊ Ode þe archbisshope  þerof token rede
Þe holy Abbot Dunstan  to make him bisshop þere
And to have herre astate  in goddes lawe þogh hit his vnwille were
Sommen asked þe Erchbisshop  of Caunterbury sire Ode
Wher fore þai him sich a man made  ⁊ why his graces were so gode
For he shal quod þis gode mon  after me here be
Erchbisshop of Canterbury  ⁊ þat shal men ȝett se
¶ What wostow þen saide þese oþer ȝ þu speekes foly y wis
My leve frendes quod sire Ode  blame ȝe me noȝt
For wele I wote fro Ihesu Crist  what is me saide ⁊ broȝt
Bisschop he was of londoun  saynt Dunstan siþen also
Of london ⁊ of wircetre  he helde hem boþe two

3

{Saynt Dunstan}
With þe kyng Edmunde þat was þo; ⁊ was his counseler
After kyng Edmundes deþ; agode whyle hit was gon
Þat Edwyn his sone was kyng; but not after anon
Þis Edwin hade euel rede; ⁊ þerafter he drogh
With saynt Dunstan he was wroþe; ⁊ þat with ful grete wogh
he drof hym of his Abbay; ⁊ did hym shame ynogh
Þe more shame þat he him did; þe more þis gode mon logh
He drof hym out of Englond; ⁊ lete hym do fleme
Þis gode mon went out gladly; ⁊ toke he neuer ȝeme
To þe Abbay of saynt Gamond; þider soone he drogh
And soioernes þere ful longe; ⁊ lad gode lyf ynogh
And þo þe kyng Edwyn was ded; Edgar þat was his broþer
After hym was made kyng; for þen þer was non oþer
A ful gode mon he was; ⁊ loued holy chirche
And whoso him þerto rad; after him he wolde wirche
Men tolde hym of saynt Dunstan; þat his broþer drof of lond
With vurȝt for his gode dede; as he con understonde
After hym he sent anon; þat he aȝeyn come soone
And made him all his counseler; of þat he hade to done
Saynt Dunstan come home aȝeyn; ⁊ fayr was underfonge
And aght his Abbay al in pes; from which he hade ben longe
With þe kyng he was ful wele; ⁊ made his counselere
hit bifel þat þe bisshop of Worcetre was dede
Þe kyng ⁊ Ode þe archbisshope; þerof token rede
Þe holy Abbot Dunstan; to make him bisshop þere
And to have herr astate; in goddes lawse; þogh hit his unwille were
Sommen asked þe Erchbisshop; of Caunterbury Sir Ode
{^ his}Wher fore þan him sich a man made; ⁊ why ^ graces were so gode
ffor he shal ?qd? þis gode mon; after me here be
What wostowe þen wote we; al sons of god hit is
my lede hendes 7 wote ho thu oft; what is me saide ē broȝt
Byshop he was of London; saynt Dunstan sipen also
Of London ē of ?Ediretre; he helre he boþe also