Takamiya_54_St._Austyn

ReadAboutContentsHelp

Pages

1
Incomplete

1

[Starts line 24] Seynt Austyn þat cristendom; brouȝt to engelonde right it is amongt oþer; þat he be underfonge Seint Gregory þat holi man; þat pope was of Rome Engelonde he loued moche; þof he neuer þer come men tolde him þat Englond was good; and þat it heþen was Sory was seint Gregory; þat it cristned nas hym self hidere wold haue gone; into engelonde But he ne most for þe Cardinale; but he shuld sende his sonde [?] Seith a fourty of good men; Seint Austyn he nome And sent him into Englond; to preache cristendome Eurichon monkis were; seint Austyn and all þe oþer This good men went hem forþ; eurich as oþer broþer After þat god was bore  fyue hundred ȝere it was And XX iiii + iiy two ȝere; þat þei did þis cas þei drad sore for þei ne couth; þe spech of engelond þei toke men þat kouth; boþ þe langage understond

This page is incompleteEdit this page
Last edit 9 months ago by Kerryn Olsen
2
Needs Review

2

And did hem forþ in þe See; And whan þei þidere come To þe hauene of Engelonde; þe right way he nome To þe Ile by Estkent; her ship gan euene wende þat þe nyghtlonde is icleped; as Ihu crist hem sende Ther þei toke first her Iune; and token hem to rede how þei myght best on take; to do þis holi dede þe kyng Albright þat was þoo; king of engelonde Be a queint massagere; faire þei sent her sonde That þei were massagere; and fro an hye man come To do to hym a massage; from þe court of rome þat shuld wiþout cende; to hym and all his londe Grete prouȝe and riches be; if þei wold understonde Whan þis word to þe kyng come; he stood a grett while in þouȝt Good tidinge he saide mote it be; þat ȝe hau ybrouȝt he hem receyued faire ynowe; and honoured hem also And founde hem plenit ynowe; þat þei had nede to To I have with hem spoke; and her massage so God lene þei me bihote; þat it mot myn helpe be his heest was so wel ihold; mon abouged hem fair ynowe The king touard þat ilk yle; sone þeraftere drowe whan he to þe Ile come; to seint austyn he sent fforto don his massage; wiþ his felowes to hym he went Seint Austyn him greteþ wel; and his felawes echonn ffor to wende aȝenist þe deuel; and to bataille gonn þei made þe signe of þe cros; oþer Armes had þei nonn fforto do þis battaille; and to ouercome her foou A crosse of siluere wiþ þe forme; of god þei lete arere As in forme of a baner; to fore hem þei lete bere And went forþ ful boldely; as hardy knyghtes good And swed her swete banere; wiþ þe signe of þe rode þei gon to synge þe letanyo; for prowe of þe londe þat our lord hem sende grace; her prechyng to understonde þe king þei gret swich fair; whan þei to him come And seide þeire Grande þat þei broȝt; from þe court of rome And preched hym cristendome; and of our lordys lawe and profit to hym and all his; þat wolde þerto drawe Thei bihette hym þe Ioie of heuene; þat so riche is þat he shuld aftere hys lyf; turne to þat blysse And þer be wiþ out ende; wiþ god þat us bouȝt

Last edit 9 months ago by Kerryn Olsen
3
Incomplete

3

The king stood whan he herd þis; as he were in þought fful faire þing it is he seide; þat ȝe bihoten me where I sikere þat it were soþ; I wold do after the But I consent nouȝt þerto; for it is ȝit so newe [?]i I haue more understonding; where þis massage be trewe But for ȝe þus travailled be; from so fer londe And for my good as ȝe seyn; and don me understonde Greue ȝou wil I nouȝt; but faire be ȝou do Underfonge and fede ȝou; that ȝe hau nede to And grante alle þoo eke; þat wil to ȝou tane Good lecve I ȝene eueryman; I wil no man worne This was at þe first; me þenkeþ a good bygynnyng Therafter was þe better hope; to come to good ending Seynt Austyn and alle his; a ful fair wornyng The king ȝaue in þe town of

This page is incompleteEdit this page
Last edit 9 months ago by Kerryn Olsen
4
Not Started

4

This page is not transcribed, please help transcribe this page

Displaying all 4 pages