21

68
MEHMED HURŞÎD [PAŞA]

Bîran-âvend Tavâ’ifi
Aliyvened Tâ’ifesi
Nüfûs-ı zükûr
Aded
1500

Doşiyvened Tâ’ifesi
Nüfûs-ı zükûr
Aded
1000

Cem‘an
Nüfûs-ı zükûr
Aded
5800
(Ez gayr-ı Sûre Merî)

İşbu sekiz tâ’ifeden Hüleylânî tavâ’ifi yaz ve kış mevsimlerinde Hüleylân
nâm mahal civârında ve Baclân ve Bîrân-âvend tavâ’ifi yaz mevsimlerinde Hero
nâm mahalde kış mevsiminde Sûs ve Dihlürân taraflarında geşt ü güzâr ve ol
vechle vakitlerin imrâr ederler.

Fîlî Aşâyirinin Benî-Lâm Aşiretiyle
Mu‘âmelât-ı Sâbıka ve Lâhikaları
İranlu'ya mensûb Fîlî aşâyiri Devlet-i aliyye’ye tâbi' Benî Lâm aşâyiriyle
hem-civâr olduklarında Benî Lâm aşîretinin ötelerde fırsat buldukça İran
tebe'asına te’addîleri vukû‘ bulduğu misillü Fîlî aşîreti dahî fırsat buldukça Benî
Lâm aşîretine te’addî ve hasâr îrâsından hâlî değillerdir. Hattâ Benî Lâm aşîretinin
zikr olunan meskenleri dâhilinde bulunan Beyât ve Dihlürân ve Beksâye, nâm-ı
diğer Beksâye demekle üç aded büyük karye bundan akdem Fîlî aşâyirinin Hâkim
ve Hânları bulunan Hasan Hân 1, Fîlî nâm kimesnenin vefâtına kadar Fîlî aşâyiri-
nin dahl ve ta'arruzlarından âzâde olarak mahall-i mezbûrenin hums mahsûlâtı ve
Beyât ve Dihlüran karyelerinden senevî sekizer bin [99] guruşdan ibâret olarak
biner şâmî harc-ı hâne rüsûmâtı Benî Lâm aşâyiri tasarrufunda iken merkum Hasan Hân Fîlî fevt oldukta taht-ı idâresinde bulunan Fîlî aşâyiri üç kısma taksîm
olunarak Haşan Hân'ın evlâdı Ali Hân ve Haydar Hân ve Ahmed Hân nâm üç
nefer şahsın yed-i idârelerine ihâle ve tefvîz olunmuş ve bunlar pederleri
meslekinde durmayıp ellerinden geldiği mertebe husûmete mübâşeret etmiş
olduklarından mârrü'z-zikr mahallerden Beyât ve Dihlürân karyelerinin harâb ve
mu'attal kalmalarına bâdî olduklarından başka Beksâye karyesinden Benî Lâm
aşîretine aid olan hums mahsûlâtın nısfını dahî almaktadırlar. Zorbatya kurbünde

1 Derkenar Merkûm Hasan Hân sadr-ı esbâk merhûm Reşîd Paşa ile Bağdâd vâlîsi Ali Paşa merhûmun Revândizli Mehmed Paşa üzerine vardıkları senede fevt olmuştur, deyü adamlardan biri söylemiş idi. Müşârûn-ileyhimânın hareketleri takrîben ellibir, elliiki târihinde vâki' olduğundan lede'l-hesâb müddet i fevti ma'lûm olur.