173
Facsimile
Transcription
100
Küleyn nâhiyesi
Geylân nâhiyesi
Zerrin-cû ve Pispisî ve Nev-âhûr mukâta'aları
Nefs-i Zuhâb nâhiyesi
Püşt-i tenk nâhiyesi
Derne Kazâsı Yâhûd Mukâta‘ası
Nefs-i Derne nâhiyesi
Cekîrân nâhiyesi
Mîr-âvâ nâhiyesi
Bîbiyân nahiyesi
Hâne-şûr nâhiyesi
Püşt-i Keyf nâhiyesi
Şeyhân Mukâta‘ası
Nefs-i Şeyhân nâhiyesi
Tel-fâv nâhiyesi
Mamişan nâhiyesi
Meydân nâhiyesi
Herşel nâhiyesi
Emâret-i Kasr-ı Şîrîn
Nefs-i Kasr-ı Şîrîn karyesi
Elvend nehrinin iki cânibinde kâ’in Cigerlü nâhiyesi
Koreto nâhiyesi
Tîlekû nâhiyesi
Benküdre nâhiyesi
Serkân nâhiyesi
Harahire nâhiyesi
[148]Serçem nâhiyesi
Senker nâhiyesi
Nefs-i Zuhâb Karyesinin Ahvâli
Zuhâb kasabası(1) kadîm bir mahal olmayup Dertenk sancağı muzâfâtından
Ben Zerde nâm dağın taraf-ı garbîsinde şimâlden cenûba takriben üç sâ‘at ve
garbden şarka dahî birbuçuk sâ‘at mesafe çeker bir sahrâ-yı münbitenin cihet-i
şimalîsi nihâyetlerinde Dere Şîr nâm bir küçük çay kenarında ufak bir karye iken
binyüzseksen ile doksan târihleri hilâlinde esbak Zuhâb mutasarrıflarından
Abdullah Paşa karye-i mezbûreye bir saray ve bir bâb kârgîr câmi‘-i şerîf ve bir
hammâm binâ ve inşâ ederek orasını kürsî-i livâ ittihâz eylemiş ve bu takrîb az
vakit içinde hayli ma‘mûriyet kesb edüp kasaba hey’etine girmiş iken bâlâda zikr
olunduğu veçhile ikiyüzyirmi altı hilâlinde yed-i A‘câma giriftâr olduğundan ve
husûsan bir aralık tâ'ûn illeti müstevli olarak sekenesinde pek çok vefiyyât vukû‘
bulduğundan ol vakitten berü harâba yüz tutup el-ân harâbca bir Kürd karyesine
dönmüş ve hammâmı bütün bütün mahv olup câmi‘-i şerîf-i mezbûrun son
cemâ'at yeri ve etrâfında olan medrese hücreleri külliyen harâb olarak yalnız asıl
büyük kubbesi kalmış ve bu dahî müşrif-i harâb ve A‘câm tavâ’ifine merbat-ı
(1) Derkenar: Zuhâb şarâb vezninde lisân-ı Fârisî'de su sızmak ve sızıntı ma'nâlarınadır ve çeşme ve menba' ma'nâlarına da gelir. Kasaba-i mezbûrenin olduğu sahrada öyle hayli su menba'ları olmak takrîbiyle bu isim ile tesmiye olunmuş ihtimâli karîbdir.
Notes and Questions
Nobody has written a note for this page yet
Please sign in to write a note for this page