183

110

Zuhâb'a Tâbi‘ Puşt-i Tenk Nâhiyesi

Püşt-i Tenk nâhiyesi Zuhâb kasabasının cânib-i şarkîsinde vâki‘ Der-Merân deresi boğazından bed’ ile tûlen Serzel karyesine ve arzen Sedân karyesinden Dere Şîr nâm çayın başına kadar olan mahallerden ibâret bir mahal olarak âtiyü'z-zikr kurâyı hâvîdir.

Tâ’ife-i Îlyâsî
Serzel Karyesi
Hâne
Aded
25 Kerpiç binâ
25 Kara çadır
50

Tâ’ife-i Gürân
Sedân Karyesi
Hâne
Aded
10 Kerpiç binâ
00
10

Tâ’ife-i Îlyâsî
Telesân Karyesi
Hâne
Aded
10 Bu dahî
00
10

Harâb
Süle Karyesi
Aded
1

Bu dahî
Kübik Karyesi
Aded
1

Bu dahî
Dih-i Çermete Karyesi
Aded
1

Nâhiye-i mezbûre şimdilik ber-minvâl-i meşrûh üç şenlik ve dört harâb karyeden ibârettir. Bunun lâyıkıyla ma‘mûreti nefs-i Zuhâb karyesi mezâririnin ta'tîbini mü’eddî olur. Zîrâ oralarda mahsûl yetiştirmek suya mütevakkıf olduğundan ve nefs-i Zuhâb karyesi mezâri‘inin idâresi nâhiye-i mezbûreden gelen Dere-Şîr çayı suyuna münhasır olup mezkûr su ise ahad-ı tarafeyne ancak kifâyet eder râddede bulunduğundan nâhiye-i mezkûre tamâmiyte zer‘ [165] olunduğu hâlde mezâri‘ine su kalmaz. Binâberîn esbak Zuhâb mutasarrıfları nâhiye-i mezbûrede zirâ‘atı men’ ederlermiş. Kurâyı mezbûreden Sedân karyesi Dâlhû dağının şimâli fürû‘âtının bir yamacında vâkii bağ ve bağçelı ve a‘lâ suları ve vâfir keklik ve bülbülleri hâvî bir karyedir. Bu karyeden zikri mürûr eden Baba Yâdigâr ziyâreti tam iki sâ‘at mesâfe çeker. Yine Sedân karyesinden Kal‘a-i Zincîr dokuz sâ‘attır. Marrü'l-beyân Serzel karyesinden Kal‘a-i Zincîr'e varınca yedi sâ‘at mesâfedir. Bağdâd'a muzâfe Mendelî hudûdundan Zuhâb sancağı nihâyetine kadar olan mahallerde sâkin ve el-yevm İran'a tâbi’ bulunan aşâyir ve tavâ’ifîn mikdâr-ı hâne ve keyfiyyât-ı sâ’ireteriyle mahall-i mezbûreye mücâvir İran karyelerinden ba‘zılarının zikr ve beyânına şürû‘ olunur.

Mendelî'ye Mücâvir Kelhür Tavâ’ifinin Aksamıyla Mikdâr-ı Hâneleri

Kelhür aşîreti gûyâ Mansûr ve Şehbâz nâm iki biraderden mütevellid bir kavm olmağla Kelhür ismi cümlesine şâmil olduğu gibi aşâyir-i mezbûre evvelâ