Untitled Page 1

SOMMAIRES DU LIVRE DE JEAN D'IBELIN

CE SONT LES RUBRICHES DOU LIVRE DES ASSISES ET DES USAGES DOU ROIAUME DE JERUSALEM , LE QUEL LIVRE
FIST LE BON JOHAN DE YBELIN CONTE DE JAPHE ET D' ESCALONE ET SEIGNOR DE RAMES l .

I. 2 Ci comence le livre des assises et des bons usages dou roiaume de Jerusalem , qui furent
establis et mis en escrit par le duc Godefroi de Buillon qui lors par comun acort fu esleu à roi
et à seignor doudit roiaume, et par l'ordenement dou patriarche de Jerusalem qui lors primes fu
esleu et sacré, et par le conseill des autres rois et princes et barons qui après le duc Godefroi
furent.
II. Coment le duc Godefroi establi deus cours seculiers : l'une, la Haute Court, de quoi il fu
gouverneor et justisier; et l'autre, la Court de la Borgesie, laquelle est apelée la Court dou
Visconte.
III. Coment les assises et les usages dou roiaume de Jerusalem furent par pluisors fois amendées
par le duc Godefroi et les autres rois et seignors qui après lui furent.
IV. Coment le peuple des Suriens vint devant le roi dou roiaume de Jerusalem et li proierent et
requistrent qu'il fucent menés par 1'usages des Suriens.
V. Coment le chief seignor dou roiaume de Jerusalem et les autres barons et homes qui ont court
et coins et justise , doivent savoir les assises et les usages dou roiaume.
VI. Ci dit où li roi de Jerusalem doit estre coronés et qui le doit corroner.
VII. Coment l'en doit le roi corroner et quel sairement il fait au patriarche et le patriarche à lui,
et coment il doit torner dou Sepulcre.
VIII. Ci dit quel doit estre le chief seignor dou roiaume de Jerusalem, soit roi ou autre, et toz les
barons et seignors dou dit roiaume qui ont cort et coinz et justise.
IX. Ci dit quels doivent estre les homes qui sont juges en la Haute Court.
X. Ci dit de quel maniere doit estre le plaideor.
XI. Coment et por quoi et de quoi l'on doit demander conseill de court.
XII. Qui demande conseill, qu'il doit demander à son conseil.
XIII. Coment on doit demander conseill , si que celui que on demandera à conseill ne puisse de
celle quarelle conseillier son aversaire.
XIV. Por quoi l'on peut demander conseill de cort par esgart.
XV. Por quoi l'on peut demander conseill sans esgart.
XVI. A qui l'on ne peut doner conseill de court se son aversaire le contredit.
XVII. As quel genz le seignor ne peut ni ne doit veer conseill de court.
XVIII. A qui le seignor doit doner conseill de court, quant on li requiert.
XIX. Quel diference a entre ce que seignor retient home à son conseill et à sa parole garder.
XX. Coment le seignor doit retenir home à son conseill , et coment à sa parole garder.
XXI. Coment et por quoi doit le seignor retenir home à sa parole garder.
XXII. Coment l'on doit plaideer en la Haute Court.
XXIII. Por qui l'on peut plaideer en la Haute Court.
XXIV. Des quels choses l'on ne doit plaideer en la Haute Court.
XXV. Por qui l'on peut plaideer contre son seignor et encontre son home.
XXVI. Quel doit estre le bon plaideor, et qu'il li covient à faire , et de quoi il le covient garder
el plait.

1 Cette indication n'existe pas dans les autres manuscrits , ni dans l'édition de la Thaumassière. — 2 Les numéros
de ces rubriques sont placés, dans les manuscrits, à la suite des titres; mais il nous a paru plus convenable de les
mettre en tête.

Digitized by Google