Page 34

OverviewTranscribeVersionsHelp

Facsimile

Transcription

Status: Needs Review
Show Translation

que ilz ne feroient pour conquerre les biens de nostre
siegneur lesquelz jamais ne fauldroit que le beneurez
sains ont acquis par ung petit de dure vie que ilz ont
endure en cest monde qui ne samble qui ung droit
delit a ceulx qui de bon coeur si mettent. et en la fin
leur est adviz que pour pau ou neant ilz on acquis
paradis et tout ainsi le poent acquerre une chascune
persone et estre commun des biens de nostre seigneur
et avoir la gloire et joies de paradis. Se il ne reste
en lui meismes. Mais ceulx qui desirent la gloire
et les honneurs de che monde ilz sempirent tant
quilz nen poevent nulz biens aprendre ne entendre
a leur sauvement. Si ont trop plus chier laisement
et la consolation du corps dont ilz sont si tost mis de
hors et menez a doleur et a paine que ilz ne font laise
de lame qui sans fin dure. Ne ne prisent riens le sens
ne lentendement del homme sil ne se scet bien avoir
au siecle et sil na plente de biens temporelz par quoy
il soit esleue au monde. Ainchois dient que il est niche
et fol pour che quil ne scet leurs malices et cautelles
Mais tous ceulx sont mauldiz de dieu par la bouche

Notes and Questions

Please sign in to write a note for this page

Marie Richards

original folio 8v
Walters folio 13v
BL Royal MS 19 A IX 12v-13r
Caxton, ed. Prior, p 17
Gossuin, ed. Prior, pp 65-66