Page 128

et sur che hault lieu ou montaigne sourt une fon
taine tresgrande et moult large et leau belle et cle
re. Et a au dessus dicelle fontaine ung arbre grant
et bel merveilleusement que len voit de bien loings
Si fait sur celui arbre son nid et sa sepulture droit ou
milieu de larbre. Mais il le fait de espices de si grant
oudeur que nul ne porroit point trouver de meilleu
res. puis se dresche dedens son nid quant il la tout par
fait. Si prend a mouvoir et a debatre ses elles vers
le soleil de tel randon et si treslonguement que une
grant chaleur se boute dedens ses plumes tellement
quelles sesprendent et ardent entour lui tant quil est
tout alume. Et ainsi le feu lard et consume tout en
centre. et de celle cendre ou pouldre renaist ung oisel
tout vif samblable a lui. Apres celle region de fenice
est le royaulme de damas ou croissent les bons fruits
Et apres damas est trouvee la region danthioche ou
len treuve tresgrant plente de chameaulx. Puis
vient la contree de palatine et en apres samarie et
puis sebaste et apres penthapolile. ou jadiz furent
fondees deux puissantes cites appellees lune Sodome