The Scientific Notebooks of German Orchidologist Friedrich Wilhelm Ludwig Kränzlin

LISTERA R. Br. Listere. (Neottiae spec. Rich. Ophrys Linn.) Syst. nat. Class. Monocotyledoneae, Fam. Orchideae Trib. Limodorinae. Syst. Lin. Class. XX. Ord. I. Gynandria Monandria. Bartl. Ord. Plant. p. 56. Kunth Handb. p. 287. Lindl. Einl. p. 384.

CHAR. GEN.

Flores in racemum terminalem dispositi, pedunculati et bracteati.

Perianthii foliola superiora conniventi-patula; labellum pendulum, basi muticum (non calcaratum), bilobum. Gynostemium ovatum, erectum, parte stylina brevi suffultum. Anthera terminalis, cernua androclinio, ex apice gynostemii elongato dilatatoque et rostello formato, inhaerens, ovata, convexa, bilocularis (vel subquadrilocularis), loculis longitudinaliter late dehiscentibus. Pollinaria bina, subbiloba, polline granuloso subceraceo flavido constantia. Staminodia nulla.

Stigma transversum, marginatum, prominulum, sub rostello elongato acutoque situm. Proscolla minuta, globosa, apici rostelli parum reflexo inserta et pollinaria a rostello recepta infra apicem glutine suo affigens. German ovatum, longius pedunculatum, non contortum.

Fructus: Capsula ovata, polysperma et rimis dehiscens. Semina oblonga, reticularia ut in affinibus.

GOODYERA R.Br. Goodyera. (Satyrii species L. Neottia Sw. Gonogona Lk.) Syst. nat. Class. Monocotyledoneae, Fam. Orchideae, Trib. Limodorinae. Syst. Linn. Class. XX. Ord. I. Gynandria Monandria. Bartl. Ord. pl. p. 56. Kunth Handb. p. 287. Lindl. Einl. p. 384.

CHAR. GEN.

Flores, brevissime pendunculati et in spicam secundam bracteatam dispositi. Perianthium in apice germinis cernuum, subringens; laciniae duae exteriores patentes, duae interiores superiori externo subaequales et cum eo conniventes; Labellum porrectum, basi profunde excavatum et in ligulam brevem canaliculatam acuminatum.

Gynostemium breve, stipiti brevi insidens. Anthera terminalis, cernua et mobilis, obtusa, bilocularis, loculis longitudinaliter dehiscentibus. Pollinaria duo, obovata, obtusa. Pollen e granulis subglobosis maioribus constans. Staminodia nulla.

Rostellum stigmatis erectum, bipartitum et inter lacinias angustas proscollam magnam subquadratam fovens. Stigma subcordatum, marginatum et planiusculum. Germen ellipticum, contortum.

Fructus et semina ut in affinibus.

EPIPOGIUM Gm. Bananen-Orchis. Aufbart. (Satyrii species Linn.) Syst. nat. Class. Monocotyledoneae, Fam. Orchideae, Trib. Gastrodinae Lindl. Syst. Linn. Class. XX. Ord. I. Gynandria Monandria. Bartl. Ord. pl. p. 56. Kunth Handb. p. 287. Lindl. Einl. p. 384.

CHAR. GEN. Flores resupinati, pedunculis brevibus non contortis sed bracteatis insidentes. Perianthii laciniae exteriores subaequales, patentes; duae interiores exteriobus similes; Labellum erectum (superum) trilobum, lobis lateralibus parvis patentibus, lobo terminali maximo, integerrimo, concavo et punctis elevatis notato, basi in calcar inflatum et adscendens desinens. Gynostemium oblongum, rectum, supra stigma in androclinium magnum, profundum et apice truncatum dilatatum. Anthera stipitata sed androclinio inserta, subrotunda, gibba, antice mucronulata, bilocularis, loculis longitudinaliter dehiscentibus. Pollinaria duo, oblonga, caudiculata, caudiculis supra basin polinariis afixis, basi iunctis, sub anthesi reflexis et proscollae solutae adglutinatis. Pollen sectile. Staminodia obsoleta. Proscolla magna, cordata, emarginaturae androclinii supra stigma adhaerens.

Stigma valde prominens, transversim-ellipticum. Germen non contortum, ovatum, uniloculare, multiovulatum, ovulis spermophoris tribus parietalibus affixis.

Fructus ut in caeteris Orchideis. Semina matura non vidimus. Species europaea unica, in

SERAPIAS Sw. Rich.

Serapie.

(Helleborine Pers. Serapias Linn. ex parte.)

Syst. nat. Class Monocotyledoneae, Fam. Orchideae, Trib. Ophrysinae. Syst. Linn. Class. XX. Ord. I. Gynandria Monandria. Bartl. Ord. pl. p. 56. Kunth Handb. p. 287. Lindl. Einl. p. 384.

CHAR. GEN.

Flores sessiles, spicati et bracteati.

Perianthium coloratum; tubus germini adnatus; limbus exterior e foliolis tribus, in galeam cucullatam magnam connatis, formatus; interioris foliola superiora e basi dilatata longe cuspidata; Labellum inferum magnum, basi bilamellatum sed non calcaratum, subtrilobum, lobis lateralibus assurgentibus, lobo terminali (s. Epichilio R.) majori deflexo varie formato, in alabstro erecto, marginibus inflexis.

Gynostemium erectum, apice in foliolum producto longe cuspidatum; Anthera adnata, bilocularis ut in Orchide, basi bursicula uniloculari instructa. Processus inter antherae loculos compressus, prominens. Pollinaria duo, caudiculata, caudiculis retinaculo unico iunctis. Pollen sectile. Staminodia obsoleta.

Stigma intra antheram situm, oblongum. Germen non contortum, oblongum, obtuse-trigonum uniloculare, multiovulatum.

Fructus: Capsula infera, polysperma, ut in caeteris Ophrysinis.

OPHRYS R.Br. Rich. Ragwurz.

Syst. nat. Class. Monocotyledoneae, Fam. Orchideae Trib. Ophrysinae. Syst. Lin. Class. XX. Ord. I. Gynandria Monandria. Bartl. Ord. plant. p. 56. Kunth Handb. p. 287. Lindl. Einl. p. 384.

CHAR. GEN.

Flores sessiles, spicati et bracteati.

Perianthii laciniae exteriores patentes, duae interiores angustissimae erectae; labellum patens, basi muticum (non calcaratum), ut plurimum holosericeum, varie pictum, et non raro basi gibbis prominentibus notatum, trilobum, lobo medio terminali maiori bifido vel appendiculato, praefloratione erecto et inflexo. Gynostemium brevissimum. Anthera adnata, ut in antecedentibus, obtusa, bilocularis, loculis ad basin usque discretis. Pollinaria caudiculata, ut in reliquis Ophrysinis sed retinacula basi bursiculis duabus distinctis, inclusa. Processus rostellaris inter antherae loculos nullus. Staminodia minuta. Pollen sectile ut in affinibus. Stigma cordatum vel subquadratum, viscoso-lucidum. Germen oblongum non contortum.

Fructus: Capsula costata, unilocularis, polysperma et semina ut in generibus antecedentibus constructa.

Plantae herbaceae, zonae temperatae et calidioris incolae, radicibus bituberatis instructae;