The Scientific Notebooks of German Orchidologist Friedrich Wilhelm Ludwig Kränzlin

SPIRANTHES Rich. Drehorchis. (Ophrys Lin. - Neottia Sw.) Syst. nat, Class. Monocotyledoneae, Fam. Orchideae Trib. Limodorinae. Syst. Lin. Class. XX. Ord. I. Gynandria Monandria. Bartl. Ord. pl. p. 56 Kunth. Handb. p. 287 Lindl. Einl. p. 384.

CHAR. GEN.

Flores sessiles, in spicam terminalem spiraliter tortam dispositi, cernui, bracteati, parvi, albido-virentes, corollam ringetem aemulantes.

Perianthii externi laciniae laterales demum patenti-reflexae, lacinia superior duabus interioribus subaequalibus incumbens et iis arcte adhaerens; labellum canaliculatum, apice fimbriatum, basi muticum et unguiculo brevi affixum.

Gynostemium breve et brevissime stipitatum. Anthera terminalis, cernua, subcordata, biolocularis, loculis discretis. Pollinaria bina, clavata et bipartita (e massis geminis granulosis formata), demum apice proscollae affixa. Pollen e granulis subquaternis compositum. Staminodia nulla. Rostellum stimatis laminatum, rectum, apice bifidum et proscolla elongata lineari instructum. Stigma sub rostello situm, subrotundum et vix marginatum. Germen ovatum, obliquum, sed non contortum, uniloculare et multiovulatum, ovulis spermophoris tribus bifidis affixis.

Fructus et semina ut in affinibus.

HABENARIA R. Br. (ex parte). (Gymnadeniae species Rich. Himantoglossi Reich.) Habenaria, Zügelorchis.

Syst. nat. Class. Monocotyledoneae, Fam. Orchideae, Trib. Ophrysinae. Syst. Lin. Class. XX. Ord. I. Gynandria Monandria. Bartl. Ord. pl. p. 56. Kunth. Handb. p. 287. Lindl. Einl. p. 384.

CHAR. GEN.

Flores sessiles, in spicam laxam bracteatam dispositi.

Perianthii laciniae exteriores cum duabus interioribus (multo angustioribus) fornicato-conniventes; labellum elongatum, pendulum, trifidum, basi in calcar breve productum, praefloratione erectum et apice inflexum. Gynostemium breve ut in Orchide. Antherae loculi connectivum aequantes, discreti et distantes, basi aperti, (non bursiculati). Processus rostellaris inter antherae loculos nullos. Pollinaria caudiculata et retinaculifera, retinaculis basilaribus disciformibus exsertis (semper nudis). Pollen sectile ut in affinibus. Staminodia parva, obtusa. Stigma in cavitate infra antheram situm, maculam ovatam sistens. Germen contortum et fructus ut in Orchide.

Ex Orchideis indigenis huc pertinet unica (Satyrium viride L.); e speciebus generis Habenariae exoticis, Hab. bracteatam R. Br. et reliquas huic speciei affines species ad genus nostrum referendas esse, non dubito.

Lin. Gen. pl. ed. Spr. n. 3283. Rob. Br. Verm. Schr. II. p. 9.

GYMNADENIA Rich. (ex parte). (Gymnadenie*)

Syst. nata. Class. Monocotyledoneae, Fam. Orchideae, Trib. Ophrysinae. Syst. Lin. Class. XX. Ord. I Gynandria Monandria. Bartl. Ord. pl. p. 56. Kunth. Handb. p. 287. Lindl Einl. p. 384

CHAR. GEN.

Flores sessiles, spicati.

Perianthium coloratum ut in Orchide constructum. Laciniae exteriores lateralesque patentes, vel cum superiori et duabus interioribus fornicato-conniventes; labellum trifidum, patens, basi plus minus calcaratum.

Gynostemium breve Orchidis. Anthera antica, continua, erecta, obtusa, basi a rostello marginata, bursicula autem destituta, bilocularis, loculis inferne cucullatis demum totis apertis. Processus rostellaris loculis interjectus, ut in Orchide. Pollinaria duo, clavata, caudiculata. Retinacula duo, lateralia (vel basilaria). Staminodia ad latera antherae duo, satis conspicua.

Stigma maculam transversam lunatam infra antheram sistens. Germen contortum.

Fructus et semina ut in omnibus Ophrysinis.

Plantae herbaceae, terrestres, radicibus bituberatis instructae. Huc referendae sunt species huius generis a cl. Reichenbach l. c. descriptae

*) Nomen (Nacktdrüse) incongruum, cum non in hoc genere, sed in Platanthera et affinibus retinacula nuda reperiantur.

PLATANTHERA Rich.

(Orchidis species Lin.)

Platanthere.

Syst. nat. Calss. Monocotyledoneae, Fam. Orchideae, Trib. Ophrysinae. Syst. Lin. Class. XX. Ord. I. Gynandria Monandria Bartl. Ord. pl. p. 56. Kunth. Handb. p. 287. Lindl. Einl. p. 384.

CHAR. GEN.

Flores sessiles, in spicam laxam dispositi. Perianthii lacinia suprema cum duabus interioribus fornicato - connivens , foliolis lateralibus demum patentibus; labellum indivisum, elongatum, basi calcaratum.

Gymnostemium breve, erectum, nulla parte stylina praeter stigma visibili. Anthera antica, erecta, bilocularis, loculis distantibus basi apertis, (non bursiculatis). Processus rostellaris inter antherae loculos nullus.

Pollinaria caudiculata ut in Orchide; retinacula disciforma exserta, (semper nuda), caudicularum basi latere affixa. Bursicula nulla. Staminodia rotundata, papillosa. Stigma cavitati profundae labelli et gynostemii marginibus immersum, prope calcaris orificium maculam ovatam lucidam sistens. Germen oblongum, contortum.

Fructus et semina ut in Orchide.

HERMINIUM Lin. R. Br. Rich.

(Ophrys monorchis Lin. et Aut.)

Herminium.

Syst. nat. Class. Monocotyledoneae Fam. Orchideae Trib. Ophrysinae. Syst. Lin. Class. XX. Ord. I Gynandria Monandria. Bartl. Ord. pl. p. 56. Kunth. Handb. p. 287. Lindl. Einl. p. 584.

CHAR. GEN.

Flores sessiles, in spicam densam bracteatam collecti, parvi, albidi.

Perianthii laciniae omnes in florem subcampanulatum conniventes; laciniae interiores longiores et angustiores, medio dentatae; labellum basi saccatum, hastato-trifidum.

Gynostemium breve, ut in Orchide. Antherae loculi connectivo rotundato breviores, ad basin usque discreti (non bursiculati). Processus rostellaris inter antherae loculos nullus. Pollinaria brevissime caudiculata; retinacula maxima, cucullato-concava, nuda et exserta (ut in Platanthera et Habenaria). Pollinis massulae dense confertae. Staminodia sat magna, rotundata. Stigma maculam subrotundam infra antheram sistens. Germen oblongum, contortum, apice reclinatum. Fructus et semina ut in affinibus.

Species unica in Germaniae pascuis montanis obvia, e minoribus huius ordinis. Radix bituberata, tubere altero juniori remoto.