Image du Monde en vers

Qon menjue, si muert riant Une qua non bousus i a Ou sarpent ne vermine na Sira une autre columbine De serprens plainne, et de vermine Une en i a, et longue, et lee Ou la fonde, fu controuvee Et cele a anon, barthares Si est lisle, de meroes Qui emmi le jor na point dombre En cele a .i. puis qui par nombre Est .vij. pies les et .c. parfons Dont li solaus luist dusquau fons Une autreiai, qua non cisla Ou escothyen, furent ja Une isle ot cele part si grant Si com platons vous va disant Qui fu clers, et de si grant pris Qui est lee, et plus a porpris Queurope, et aufrique toute Mais puis fu si, toute desroute Si com diex vaut quele fondi Et en la mer betee ici Une autre isle a que on ne puet Veoir quant on aler i veut Et aucune fois est veue Et lapele on, lisle perdue Cele isle trouva, sains brandens Qui mainte mervelle vit ens Si com la vie le devise