Image du Monde en vers

En la region de caldee Fu astronomie trouvee En cele est la terre de sable Plus est grasse plus est arable De ces .iii. furent li .iii. roi Seigneur qui ^{le si} sovrerain roi Jhesu crist qui fu nez en terre Alerent coume bon requerre La croist le myrre et lencens Et si est si pueplee de gent Si est sire la gent promee Et la regyon de femee Que len prent de loisel fenis Dont il nest toz u jours que .i. vis Quant muer se veut cist oisiax Grant est de cors et gent et biax U chief a une creste en son A la maniere dun paon Piz et gorge li resplandist Et couleur dor a si rougist

Con rose par desus le dos Et devers la queue est si blos Coume est li cieus quant il purs Et quant daage est bien meurs Lors vet en .i. mont haut et bel Et renovele la sa pel Sus ce mont lez une fontaine Mout large et grant et clere et seine Et a un grant arbre desus Que len voit de mout loig ensus La fet son repere et son ni Desus ce arbre que je di Despices i a tele odour Quen ne porroit trover meillor Puis se dresce dedenz son ni Quant ele a parfet et forni Si muet les eles et sen bat Vers le soleil tant quil sen bat U cors une si grant chaleur Que il art et esprent tout entour