Image du Monde en vers

Mains ardant et mains chaude sort Tant que a la fin devient froide Car nest si chaut qui ne refroide Fors le feu qui en enfer art Qui en nule fin ne prent part Dedenz terre a maint autre leus Plains de bestes et venimeus Si que leue qui par la vient Toute venimeuse devient Et queurt par aucun leu de terre Mes qui en boit la mort le serre Ci parole des diverses fontaines Autres fontaines sont ailleurs qui sovent muent leur couleurs Et autres dont miracles est Quen ne set pas bien que ce est En la terre de famelie En a une qui se varie Et change sa couleur en lan Quatre foiz mout bien ce dit len Primes vert et apres sanguine

Et puis trouble puis clere et fine Quen si delite a esgarder Mes pou en ose len gouter Une en i a qui la semaine Est bien troiz foiz ou .iiii. seine Et les autres si se tient coie Ausi seche come une voie Un flueve i a qui vii. jorz queurt Et au samedi pas ne queurt Ce flueve apele len sabbat Car lors en terre sen rebat Et vert enterra u sablon Dont len ^fet voirre cler et bon Et daucune gleste de mer Quent met avec pour le former La rourge mer quest en egypte Ou li fil ysrael tout quite Passerent outre a seche terre Pour veoir ce qualerent querre Prent de la terre sa coulour