Image du Monde en vers

[Column A]

Q[ue] Dex lor gart e monteplie Q[ue] p[our] lame qui est perie Si est m[er]veilles de tex genz Q[ui] bien pensent dedens lors senz & serient q[ue] cest maus q[ui] font Ne ja p[our] ce ne sen faindront Dont trop peu se puent p[ri]sier Q[ua]nt ainsint se laissent brisier A si foible chose co[m] est Li deables dont toz mauz nest Foibles est il car il ne puet Vaintre fors celui q[ui] le veut Na povoit en en lome fors tant Q[ua]nt a mal fere se consent Car qui se veut a bie[n] co[n]duire Maufez na pooir de lui nuire Ne faire riens dont il se doille Tant co[m]me a bie[n] tenir se voille Si puet len bien dire dans fi Quil sont pl[us] q[ue] mavez failli Q[ua]nt si foible chose les vaint & en mal fere les ataint Dont a p[er]dition les maine Ou james ne seront sanz paine Ne ja bien ne joie navront Si sont fol qui ainsint le font Car il navront james m[er]ci Mes de ce nos tendrons ici & dirons dou roi Tholomeu C[om] son temps mist es ovres Deu Tant q[ui]l en sot une p[ar]tie

[Column B]

Dont maint livre fist en sa vie De ses livres furent estret Li nonbre dont lien sont fet & cil de la lune meisme P[ar] coi en voit q[ue] ele est p[ri]me Dont Julius Cesar fist somme Q[ui] fu empereres de Roume Q[ui] sainte iglise a g[ra]nt mestier Cest li compos dou kalandier Car p[ar] le kalendier set an Le corz de la lune & de len P[our] quoi len set co[m]ment on doit Chascun jor vivre lonc so[n] droit En meng[ier] & en labourer & en Damedex aourer A us simples jors & aus ainz nez & ases sainz jors solemiez Lon la coustume sainte iglise Q[ue] li saint Dex i ont asise P[ar] lui savons nos le saint tens Le karesme & les avenz & les hauz jorz q[ua]nt chascun jor Dont miaus faire bie[n] p[ar] raison P[our] conq[ue]re cele g[ra]nt joie Q[ue] Dex a touz les suenz otroie Qui le deservent volentiers & nos aprent li kalandiers Q[ui] fu estrez dastronomie Dont Tholomeus fist samie & plus en sot q[ue] nus autre hom Fors Adan li premerains hom