Image du Monde en vers

[Column A]

Des ·vii· ars & dastronomie Dont aucuns iot q[ui] en lor tens Firent m[er]veilles p[ar] lor sens Mes cil qui pl[us] sen entremist Fu V[er]giles qui maint en fist P[our] ce si voz enconterons Aucunes dont oi anons Devant Jhesucrist fu Vergiles Q[ui] les ars ne tint pas aguiles Ainz y usa toute sa vie Tant quil fist p[ar] astronomie Maintes g[ran]z merveilles e[n] plai[n] Il fist une mouche darain Q[ua]nt ladrecoit en une place Si faisoit des autres tel chace Q[ue] nule autre mosche q[ue] fust V[er]s lui ap[ro]chier ne peust De ·ii· archies loig entor Q[ue] ne moureust sanz retor Tout maintenant q[ue] le pasoit La bo[n]ne que li co[m]pasoit Si refist darain un cheval Q[ui] garissoit de chascun mal Les chevaus q[ui] malade estoient Maintenant q[ui] le veorent Si fonda une g[ra]nt cite Sor un euf p[ar] tel poeste Q[ui] q[ua]nt aucun loef removoit Toute la cite en crolloit & quant pl[us] fort le movoit on Tant crolloit pl[us] tout enviro[n]

[Column B]

La vile & en haut e en plain La mouche & li chevaus darain & la chage ou li oef estoit Si sont a Naples q[ue] len voit Ce dient cil quen sont venu Q[ue] aucune fois sont veu En une cite faillir fist Tout le feu ainsi co[m] len dist Q[ue] nul point avoir ne[n] povoit Se la chandoile nalumoit A la nescence dune fame Fille dampereor m[ou]lt dame Q[ui] li ot fait aucun anui Ne cil ne[n] povoit a autrui Point douner ainz li covenoit Chascun feu prendee la endroit Q[ui] pas na belit a celle Ainsi se vencha il delle Si fist p[ar]mi vue eue ·i· pont Le pl[us] g[ra]nt conq[ue]s fust au mont Ne sai ou de piere ou de fust Mes nuls ouvriers tant soutil fust Ne macon ne nul charpentier Ne seusent tant encerchier Dedens eue ne dedens t[er[re Q[ue] peusent raison enquerre Comme[nt] [telles?] pons fais estoit Ne coument il se soutenoit En nul leu ne[n] chief ni en nu & passoit bie[n] tout p[ar] un Un jardin fist tout cloz entor

[Column A]

Touz jors v[er]s t[er]re regardant Maintes m[er]veiller fist V[er]giles Q[ue] les genz tendroie[n]t a guiles Si les ooient raco[n]ter. [Com] maint q[ui]l ne puent penser Q[ue] uns autres seust chose fere Dont riens ne sevent de la faire & q[ua]nt de tex a faires oient Ou dautres q[ue] aucune fois voie[n]t Dont riens ne sevent tantost die[n]t [Com] cil q[ui] volentiers medient & ce est de p[ar] anemi Q[ua]nt il sevent ouvrer ainsi & dient q[ue] si fait savoir Se sont mie bie[n] a savoir & sil savoient les manieres Si les tendroient a legieres & a droite eure de nature Sanz mal & sanz autre figure Mes q[ua]nt il se sevent la chose Si en dient lor sole glose Q[ue] si lor estoupe lor lauz Q[ui]l ne[n] sevent ne ce ne miauz Il nest riens qui cest mo[n]de soit Q[ua] stronomie bie[n] sauroit Dont q[ue]re ne seust raison & mainte chose enferoit on Q[ui] sembleroit miracles g[ra]nz Q[ui]l ne sauroient de cel senz Je ne di pas q[ue]n ne peust Fere mal q[ue] tant enseust

[Column B]

Car il nest si bone science Q[ue] ne puist entendre marrance & q[u]en ne[n] puisse en mal ourer Se li homs se voloit pener Dex ne fist onq[ue]s evangile Quen ne peust torner en guile Il nest nule si vraie chose Q[ue]en ni puise merre tel glose Dont len se porroit bie[n] dampn[er] Q[ui] de mal se voudroit pener Nest pas mestrie de mal fere Li homs se puet bie[n] a mal trere Ou a bien sil en a voloir Dou quel q[ui]l aura le povoir Se bien pense Dex li a maine & maus la tret a toute paine Ja li maues ne dira bie[n] De ce dont savoir ne puet rie[n] Il nest nule art q[ui] ne soit bo[n]ne A savoir se li hom si donne Mes q[ue] chose env[er]s Dex ne face Dont il puisse p[er]dre sa grace Len set tout p[ar] astronomie Fors q[ue] ce q[ue] Dex ne vout mie Si en feroit meillor aprendre Q[ue] cele p[our] avoir aprendre Car q[ui] a droit bie[n] la sauroit Quanq[ue] il voudroit en t[er]re auroit Car il ne li convendroit rien Q[ui] neust encore pl[us] de bien Mes il ont pl[us] ch[er] la monoie

[Column A]

Tant cercha aval & amont P[our] conoistre Dix & le mont Q[ui]l ot pl[us] chier q[ue] nul tresor Quil vit seant ou trone dor I philosophe de g[ra]nt nom Hyarcas ainsi ot a nom Q[ue] ses deciples ensaignoit Dedenz son throne ou il seoit De nature & de bones morz Des jors des estoilles le corz La raison la senefiance Des choses qui ont sa pience Puis rala tant p[ar] mainte chemi[n] Q[ui]l trouva la table dor fin Qui fu de si g[ra]nt renoumee & table de souleilg clamee Ou toz li mondes fu p[our]trez La vit il & aprist mainz fez & maint a fere en cele salme Q[ui]l ot pl[us] chier q[ue] un roilme Cil erra tant p[ar] t[er]re estrange Q[ui]l passa le flueve de Gange & toute Ynde jusq[ue] en la fin Tant co[m]me il pot trouver chemi[n] & ou q[ui]l fust jorz trouvoit Chose a quoi aprendre povoit Dont a des povoit p[ro]fitier De lui env[er]s Dex avancier Alixandres en resoufri Maint travail p[our] aprendre ausi Mes il sen ala richement

[Column B]

Co[m]me rois a force de gent Dont il ne pot mie si bie[n] Aprendre ne cerchier droit bie[n] V[er]giles cercha mainte t[er]re P[our] raisons de choses enq[er]re. Tholome[us] q[ui] fu rois degipte Ne clama mie laler quite Ainz ala p[ar] mainte co[n]tree Tant q[ue] mainte chose ot trovee Sainz Pol qui re fu si preudon Cercha p[ar] mainte region P[our] pl[us] aprendre & pl[us] veoir Touz les bons clers q[ui]l pot savoir Sainz Bra[n]danz ne fina derrer Touz jors & p[ar] t[er]re & p[ar] mer P[our] aprendre tant solem[e]nt & vit mainte m[er]veille g[ra]nt A une ille vit ou il vint Oisiaus p[ar]lanz c[om]me esperit Q[ui] li distrent aucunes choses Dont il lor demanda les gloses Si ala p[ar] mainz autres leus Tant q[ue] un en vit si p[er]illeus Plains desperiz & tel torm[en]t Q[ue] nus nen pouroit penser tant Aucun vit qui li respondi Q[ue] cert Judas q[ui] Dex trai Q[ui] cent fois tormentez estoit Le lor ne morir ne povoit Mainte autre g[ra]nt merveile vit Si co[m]me en sa vie est escrit

[Column A]

Coum[en]t clergie est recouvree Tant q[ue] ore est en France trovee De nature co[m]ment ele oeure Div[er]sement en chascune oeure Q[ue] cest & q[ue] le creature Savez oi de la feture Dou monde & la devision Des .iiii. elemenz environ Q[ui] setient ou firmament Co[m]ment lat[er]re finement Setient ou mileu tout p[ar]mi & la petitesce de li Env[er]s le ciel tre tout en tor C[om]m[en]t li soulaus fet son tor & li autre planetes ausi Ce avez vos p[re]miers oi Ou secont vos est de visec Lat[er]re ou ele est abitee De la mape mo[n]de tout lestre Premiers dou p[ar]adis t[er]restre Dinde les div[er]sitez g[ra]nz Des arbres des bestes des genz Des oisiaus & daucun poissons & des choses q[ue] nos avons Ou en fers siet li dolereus De la paine au maleureus Q[ui] laienz sont mis entorm[en]t Ap[re]s dou secont element Cest leue des fluns de fontaine[s] Chaudes froides males & saine[s] Q[ui] sont en div[er]ses contre[e]s

[Column B]

Comment la mers de vient salee Coument la t[err]e crolle & muet Pius de lair co[m]me[n]t vente & pluet De s tempestes & des tonnoirres Dou seu & de cheans estoilles & lair pur des planetes .vii. & coument li bisextes nest Dou firmam[en]t & de son tor & des estoilles tout en tor Ou .iii. avez oi le corz Co[m]ment il est & nuiz & jorz De la lune & puis dou soleil Co[m]ment il lirent a p[ar]eu Com[en]t chauscu[n]s p[ar]t sa plendor Aucune fois & nuit & jor Des eclises qui lor avienent & des v[er]tus q[ue] les soutienent De la g[ra]nt eclipse Jh[es]u Dont Saint Denis c[om] v[er]tis su De la v[er]tu dou firmam[en]t & des estoilles ensem[en]t Co[m]m[en]t len mesura le monde Le ciel & lat[er]re reonde De Tholomeu & de ses sens DAdan & daucune autre gens Coum[en]t clergie fu sauvee P[or] le deluge & controuvee Des genz qui fure[n]t de bo[n] sens & des m[er]ueilles q[ua] son tens Fist V[er]giles p[ar] sa clergie P[or] coi fu monoie establie