Image du Monde en vers

Celui dui en un an par droit De chaut, de bel, de froit, de plue Li autre selonc lor venue Chascuns, si comme li ans dure Si convenroit il par nature Tuit li yver et li este Qui onques avroient este Ne qui jamais estre porroient Nule diversete, naroient De tous les tans, ravenroit il Que tout seroient chier ou vil Tout seroient adies parail Comme cil qui par le solail Seroient adies de mene Et eschause, et Gouverne Car il vait, ielment tous jors Et chascun an, parfait son cors Et tient ades, sa droite voie Comme cil qui point ne desvoie Mais ausi est, com li drois voiles De toutes les autres estoiles Car de toutes est la plus fine Et toutes autres, en lumine Par la grant clarte, quen li est Et toute chose, par lui naist Et plus a de pooir en terre Des choses, dont on puet enquerre Nature, ne raison, ne droit Que nule estoile qui isoit Mais aucune fois, li restraignent