Pages That Mention fers
BnF. Département des Manuscrits. Français 14964
69v
Que sa mains li moulleroit toute Tant quaigu en cherroit goute a goute Ensi vous di par tel convent Que la plueue si naist de vent Et diex la monteplie bien Quant le vielt por croistre son bien Des gelees, et des nois, et dont eles vienent Les gelees, et les grans nois Avienent par lair qui est frois Enmi lieu plus quil nest entor Ausi com nous veons tout jor Des mons qui sieent en haut lieu Ausi com esmons demongieu Et en autres hautes montaingnes Que plus i a denoif quen plaingnes Tout ce avient par la froidor Car li airs a mains de chalor En haut quen bas por ce quil est Plus soustiex, que il embas nest Et quant plus est soustiex en haut De tant retient il mains de chaut La ou li solaus, puet venir Si com on le voit avenir Que, fers, aciers, eschaufe plus Que ne fait, ne pierre ne fus Car tant com lacier est plus durs De tant si prent plus tost li fus Quen celi qui mains a de fort Por ce quen lui a plus effort Ausi vous di de lair lasus
[initial: 8th row, opening initial /L/, 4 lines, in blue with red pen flourishing]