Image du Monde en vers

[Column A]

Q[ue] Tholomus trova soutil P[ar] coi len les connoist & co[n]te & ou chascune siet p[ar] conte Combien il a de lune a lautre Soit loi[n]g ou p[re]s lune de lautre & des ymages connoissance Q[ui] les forme[n]t p[ar] lor semblance P[ar] autre intrum[en]t quil trova Treuve on quil a jusq[ue] la Ces estoilles q[ui] sont noumees Sont ou ciel toutes figurees & compassees p[ar] ymages Q[ui] toutes ont div[er]s estages Chascune son no[m] & sa forme P[ar] coi len les connoist & forme Dont les connoist p[ri]ncipalm[en]t XLvii . ou firmament De ces prent on . xii . pl[us] dignes Que[n] apele les . xii . signes & font un cercle tout entor Ou les planetes font lor tor M[ou]lt soumes dou ciel esloignie Car cil qui p[ri]s es en pechie James nul jor ne vendra la & lame q[ui] deservi la Jest alee en mains dune ore & pl[us] encore tout desore Si haut em p[ar]adis a mont Q[ue] nus ho[m] qui soit en cest mont Ne pouroit penser la hautesce Ou lame vet a tel leesce

[Column B]

Q[ue] nus ne pourroit tant penser Ne len ne pourroit [com]passer Le g[ra]nt & le haut de la sus A la grandesce de ca jus Q[ui] est de t[er]re au firmam[en]t Car cele sanz definem[en]t & sest li firmamenz si g[ra]nz Si hauz & larges de touz senz Q[ue] a paine pourroit nus penser Le nombre qui porroit entrer De t[er]re quemplir le pouroient Sen un seul mont toutes estoie[n]t Dont chascune ausint g[ra]nt seroit Con toute la t[er]re qui soit Mes toutes voies vos dirons Ce q[ue] miaus penser empovons Se la t[er]re pl[us] g[ran]z estoit . c . m . tanz q[ue]le ne soit & si eust . c . m . tanz Pl[us] quil ni ot onq[ue]s de genz & chascuns daus si poissanz fust Q[ue] un autre engendrer i peust Chascun jor jusq[ue] a cent . m . anz & fust chascuns co[m]me uns geanz Si eust chascuns son ostel Si g[ra]nt co[m] q[ue]s rois ne[n] ot tel B[ois] os rivieres fors & moulins Champs prez & vignes & jardin[s] Chascuns tout entor sa meson P[our] son vivr a si g[ra]nt foison Q[ua] chascuns em peust furnirs