28

omnes paganos. Et uenient locuste et bruculi et comedent omnes fructus eorum in Capadocia, Cicilia, sic quod fame cruciabuntur. Postea surget rex per R nomine et erunt sub eo bella et duobus annis regnabit. Et postea surget dux de Bauaria per A nomine et tunc incipiet initium doloris. Ueniet aput Romam et captiuabit eam et destruet illam. Tunc uocabitur Babilone regnum ferreum id est ciuitas septem generationum. De hoc audient persidi, macedonii, fallaçani et adiungent secum illos delicia et uenient Romam et capient ducem illum et amara morte eum periment atque cruciabunt eum. Iudicabunt romani de illo. Postea surget rex per B nomine et de ipso procedent xii B. Hic erit magnus de genere longobardorum et regnabit ad annos C. Tunc surget quidam de genere grecorum cuius nomen erit Constant rex romanorum pa