57v

[column 1]
Par le bon prohete ysaie
Gengendrai fait damediex fis
Qant lesoi creus et norris
Il me desperirent et hairent
Et mes commandemens deffirent
Certes segnor cest veriteiz
Ce est la vraie auctoriteiz
Nous sons si fil et si poillon
Qui comme mauvais et felon
Nostre segnor en vis ferimes·
Qant nous par devant lui servimes
A sa creature maint jor
Et vient ou lieu no creator
Plenierement le renoiames
Qant pierres et fuz aorames
Por ce a nous se correca
Si nous guerpi et nous chaca
En la main au cruel felon
Por noz pechiez mort estion
Qant au pere pitie enprist
Nostre salveor jhesucrist
Son chier fil envoia enterre
Por faire pais de ceste guerre
Diex devint hom por noz pechiez
Circonciz fu et baptisiez
Por la nostre salvation
Soufri torment et passion
Penre se laissa et tenir
Lier bouter et escopir
Et en la sainte crois pener
Et des espines coroneir
Cloffichier en piez et en mains
Li sauveres de pitie plains
Se laissa ferir en costei

[column 2]
Si savons bien par veritei
Que sans et eaue en issi
Par ce sanc sommes nous gari
Cil sains sans nous retraist avie
Et nous osta de la baillie
Au felon qui a non sathan
Diex qui est li vrais pellican
Nous raient en ceste meniere
Come la gent quil avoit chiere.
La nature de la choete·
OR nous dirons dou nicorace
I· oisel de malvaise estrace
Fresaie anon endroit francois^romans
Cist oiseaus est ors et puans
Deior ne de soleil na cure
Tous jors est teile sa nature
Nuit et tenebres aime ades
Bien samble que il soit mauves
En cest oisel sont figurei
Li fel gieu maleurei
Qui ne volrent dieu esgarder
Qant il vint ca por nous sauver
De dieu qui est livrais solans
Ne volrens croire les consans
Ains les refuserent per tout
Encontre lui furent de bout
Et trestout plainement disoient
Que nul roi fors cesar navoient

[image: Christ appears to be seized by two men (The Arrest?), while two other figures look on; an owl which shuns the light rests in tree nearby. The scene is set against a gold ground, enframed in pink.]

[initial /O/ in blue, 2 lines, with red pen flourishing]

[initial /E/ in red, 2 lines, with blue pen flourishing extending downwards.]