43v

Lors si netruevent rien ici
Et cil sen eschapent ainsi
Aucunes fois si pensent si
Que lor formes voient ensi
Et sovent isont si empris
Con les porroit prendre toz vis
Si ra une autre beste encore
Que on apele le castore
Que quant on la chace por prendre
Si se castre as dens sans atendre
Et laisse aciaus ce quil enquierent
Ensi a sauvete se fierent
UNe petite beste i a
Comme souris, qune bouche a
Con apele muschaliech
Cele part sont li arbre sech
Qui parlerent a alixandre
Une beste ia salimandre
Qui dou feu vit, et si sempaist
Et de cele une lainne naist
Dont on fait caintures et dras
Quen feu durent et nardent pas
Si ra une souris, si grans
Comme chat, et sont si courans
Li lion sont vers oriant
Qui ont keu[es] espis devant
Sont grant force plus dautre beste
Autiers jor vient ses faons paistre
Ausi com suscites de mort
Les iels tient ouvers quant il dort

[initial: 7th row, opening initial /S/, 2 lines, in red with blue pen flourishing]

[initial: 13th row, opening initial /U/, 2 lines, in blue with red pen flourishing]

[initial: 23rd row, opening initial /S/, 2 lines, in red with blue pen flourishing]