44r

La trace de ses pies desfait
A sa keue quant il sen vait
Por les veneors qui por prendre
Les chacent, por avoir et vendre
Ne crient home sa ire grant
Qui que la saille il se desfent
Son maistre crient quant bat .i. chien
Devant lui et le connoist bien
La lionnesse au premerain
A .v. faons, et puis cieusquain
En a un mains dusqua la fin
Vait sa porteure a declin
LAssans une beste trop fiere
Est cruels sor toute maniere
Ne nule beste nest seure
Devant lui et a tel nature
Que li lions le doute et fuit
Car sovent locist et destruit
UNe autre cele part converse
Qui a mainte coulor d[ever]se
Blanche et noire comme poivre
Panthere anon, bele est et cointe
Et naist si grant odor de li
Que les bestes vont apres li
Quant une fois est soolee
De la venoison qua trouvee
Si dort .iij. jors entierement
Et quant sesveille une oudor rent
Si soef de la bouche fors
Que le bestes i keurent lors

[initial: 13th row, opening initial /L/, 4 lines, in blue with red pen flourishing]

[initial: 19th row, opening initial /L/, 4 lines, in red with blue pen flourishing]