51v

Des poissons dynde
EN lamer dynde a uns poissons
Qui ont pials dont li pals est lons
Dont les gens vesteures font
Por als vestir quant il les ont
Uns poissons ira esquinus
Menre dun pie qua tels vertus
Que la nef a cui il se prent
Ne puet aler narrier navant
Sira autres poissons marins
Que les gens apelent delfins
Quant la tempeste voit venir
Et les nes sont pres de peril
Si sa perent de laigue fors
Et si vienent, as ondes lors
Li plus grans poissons de la mer
Que on sieut, balainne clamer
Si grans et si mervilleus est
Querbe et terre desor lui naist
Quil samble un isle et un grant mont
Dont la gent qui par la mer vont
Sont aucune fois deceu
Quil cuident terre, avoir veu
Si font tant que la se sont trait
Et quant il ont tout lor atrait
Dou feu et de laigue et dautre estre
Concil qua terre cuident estre
Mais quant li poissons le feu sent
Si sesmuer si soudaninement
Et se fiert en laigue parfont

[initial: 2nd row, opening initial /E/, 2 lines, in blue with red pen flourishing]