52r

Si que riens na sor li damont
Nes et gent ensi sont peri
Qui cuidoient estre gari
Petite bouche a adevis
Ne prent fors que poissons petis
Autres ia cont de puceles
Testes et cors dusquas mameles
Lautres poissons eles doisials
Et est lor chant molt dous et bials
Serainnes ensi les claim on
Aucun dient ce sont poisson
Li autre les veulent clamer
Oisials qui volent par la mer
Des arbres dynde
EN ynde sont arbre molt grant
Pumier molt soef oudorant
Qui portent dathes .i. fruit sain
Et poumiers de poumes si plain
Longues qui molt bonne oudor ont
Et se tient bien, cent en un mont
Dont les fuelles qui en sont nees
Sont .ij. pies longes, et un lees
Autres poumes i a bien grans
Ou li mors dun homme apert ens
A tous les dens et le claim on
Poume dadam, par tel raison
Autre arbre i sont poumer portans
Beles de hors tenres dedens
Les vignes i sont si portants
Cune seule crape est si grans

[initial: 15th row, opening initial /E/, 2 lines, in red with blue pen flourishing]