66r

De tels choses ne puet on rendre
Raison, fors que miracle entendre
Sira fontainne clere et coie
Quant deseur li a point de joie
Et ou tymbre, ou viele, ou sonne
Ou autre estrumans iresonne
Sise lieue ausi com de joie
Et espart par aval la voie
Autres fontainnes sont aillors
Dont li cas sont, molt perillous
Matant nous entenrommes ore
Car ne savons pas tout encore
Si dirons de ce quil avient
Par laigue qui son droit cors tient
Dont sovent avient croslemens*
Par deseur terre et par dedens
Qui la terre si fort esmuet
Que quest suer li chaoir estuet
Ici fenist la mappemonde, si dist comment la
terre crosle, et fent li .xii. capitles
OR entendes dou firmament
De la terre, qui craule et fent
Quaucune gent apelent crosle
Por la tere qui ensi crosle
Dont maintes cites sont fondues
Qui ainc puis ne furent veues
Ce avient par les aigues grans
Qui vont par la terre dedens
Si que par le deboutement
Des ondes naissent avec vent

[initial: 21st row, opening initial /O/, 2 lines, in red with blue pen flourishing]
[* the final letter has been corrected from a t to an s]