73v

Dou pur air et comment li .vii. planete sont assis
LI purs airs est desus le feu
Qui dusquau ciel porprent son lieu
En cel air, na point dobscurte
Car fais fu, de pure purte
Qui resplendit, et luist si cler
Com porroit ariens comparer
En cel air .vij. estoiles sont
Quen tor la terre lor tors font
Qui molt sont et cleres et nettes
Con apele les .vij. planetes
Dont lune sor lautre, est assise
Et ordenee en tele guise
Quil a plus long entre cascune
Que de terre, dus qua la lune
Ou il a plus lonc .xij. tans
Que toute la terre nest grans
Et keurt cascune par miracle
Ou firmament et fait son cercle
Lune grant et lautre petit
Selonc ce quele plus bas sit
Car tant com plus pres fait son cors
De terre, tant est il plus cors
Et plus tost a son cors parfait
Que cele qui plus loins en est
Quentendre poes par cest point
Qui un cercle feroit tout point
Quen la paroit
Fesist un tour
Et pluisors cercles tout entor

[initial: 2nd row, opening initial /L/, 4 lines, in blue with red pen flourishing]