78r
Facsimile
Si vous endirons la mesure
Por miex entendre la faiture
De ce quest sor le firmament
Et de paradis ensement
Ci commence la tierce
partie dou livre
EN i ceste tierce partie
Finerons ceste astronomie
Et vous dirons premierement
Comment li jors la nuit sousprent
Por les eclypses faire entendre
Et autres choses, por aprendre
Comment il est jours,
et nuis, li premiers
Capitles
LI solaus entre nuit et jor
Fait environ la terre un tor
Et va ilgament cascune eure
Tant comme seur terre demeure
Si avons dou jor le deduit
Quant desous est, si avons nuit
Si com son aloit tornoiant
Une chandoile tout ardant
Environ son chies tout entor
Ou dune grosse pume entor
La partie qui plus ardroit
Devers la chandoile seroit
Enluminee tout ades
Et cele qui mains seroit pres
Par dautre part seroit obscure
[initial: 5th row, opening initial /E/, 5 lines, in blue with red pen flourishing]
[initial: 13th row, opening initial /L/, 4 lines, in blue with red pen flourishing]
Notes and Questions
Nobody has written a note for this page yet
Please sign in to write a note for this page