78v

Par dautre part, seroit obscure
Ainsi li solaus, par nature
Fait suer terre, jor et nuit estre
Par devers lui fait le jor nestre
Et dautre part lait ombrieuse
La terre qui est tenebreuse
Ensi laisse ombre cele part
Ou il ne puet avoir regart
Et cest li ombres, de la nuit
Qui dou jor, nous taut le deduit
Mais por ce que li solaus est
Plus grans que la terre nen est
Vait li ombres agraillissant
Si quen la fin,
Vient anoiant
A la maniere dun clochier
Agu quon fait en un mostier
Mais se la terre, et li solaus
Fussent de lor,
Grandour igals
Li ombres neust,
Point de fin
Ains fust ielment sans declin
Et se la terre fust plus grans
Si fust li ombres, eslargans
Dont vous poes,
Prouver le case
En ces .iij. figures ci bas

[lower margin, quire number: .x.^us]