80r

Suns grans fus, en trelles, et nous
Fust lors qui lor rendist lumiere
Il vous tauroit, veoir derriere
Les chandoiles, de vostre esgart
Qui lor meteroit, dautre part
Le feu deriere, vostre dos
Si porries, veoir tantost
Devant vous, les ardans chandoiles
Autre tel vous di des estoiles
Que on ne puet veoir de jors
Tant com li solaus, fait son cors
Suer terre, mais quant desous est
Si les veons tant quil renaist
Celes qui de jors, sor nous sont
En este, celes si resont
En Iver, par nuit desous nous
Et celes deste, sont desous
Car celes quen este veons
En Iver, veoir ne poons
Car li solaus, qui va entor
Nous taut de celes lesplendor
Qui sont par jor, la ou il est
Tant quensus deles, se retrait
Mais toutes sont, enluminees
Quel part queles, soient tornees
A des, et denuit, etde jor
Tant com li solaus vait entor
Haut, et bas, resplendist ades
Por ce que de la terre est pres
Tant com li ombres, puet porprendre