81v

Puis que nuit et jor entendes
Apres, de la lune vees
Comment ele, recoit lumiere
Dou solail, en itel maniere
Quades est ou que ele soit
La moitie plainne, en son endroit
Quant plus reonde la veons
A donques plainne lapelons
Mais quant plus est loing dou solail
Tant ivoit on plus aparail
Et quant ele est tout droit desous
Lors napert ele pas anous
Car lors est ele entre la terre
Et li solaus, qui leva querre
Si quele est clere par dela
Et obscure, devers nous ca
Et por ce nen veons nous point
Mais ele quant, passe le point
Quensus dou solail se remue
Lors apert, sa clarte cornue
Et quant plus sen vait eslongant
Tant nous apert, plus de luisant
Dusquatant quele apert demie
Et lors a la quarte partie
De son cercle a, ale entour
Ou chascun mois, parfait son tor
Si sen vait ades eslongant
Et sa clarte, a descroissant
Tant que toute pert clere et bele
Ensamblance, dune roele

[initial: 1st row, opening initial /P/, 4 lines, in blue with red pen flourishing]