84r

Ce est defaute, de lumiere
Si avient entele maniere
Quant la lune, qui vait desous
Vient entre le solail et nous
Tout ades, ala droite ligne
Si convient quele nous soustigne
La clarte dou solail en haut
Si quil nous samble quil defaut
Car la lune, nest pas si pure
Que li solaus, puist entre luire
Si com parmi une autre estoile
Tout ausi com de la chandoile
Qui loing de vostre esgaire seroit
Puis itendissies la main droit
De la chandoile en vo veue
La clartes vous seroit tolue
De la chandoile, en vostre esgart
Point nen verries cele part
Quant la main plus endroit menrois
Mains de la chandoile verrois
Tant que point nen verres ensi
De lecylpse autretel vous di
Quentre le solail, et la lune
Nont pas ades, voie commune
Ains a la lune, une autre voie
Qui de cele .i. peu se desvoie
Por ce si nous convient entendre
Tout ensi com sepuet estendre
Un fil, de vostre esgart tout droit
Dusquau solail quant on le voit